तारास्तोत्रम् अथवा ताराष्टकम् Tara Stotram or Tara Ashtakam or Shri Nilasarasvati Stotram

श्रीगणेशाय नमः ।मातर्नीलसरस्वति प्रणमतां सौभाग्यसम्पत्प्रदेप्रत्यालीढपदस्थिते शवहृदि स्मेराननाम्भोरुहे । (शिवहृदि)फुल्लेन्दीवरलोचने त्रिनयने कर्त्रीकपालोत्पलेखड्गं चादधती त्वमेव शरणं त्वामीश्वरीमाश्रये ॥ १॥

śrīgaṇeśāya namaḥ |mātarnīlasarasvati praṇamatāṃ saubhāgyasampatpradepratyālīḍhapadasthite śavahṛdi smerānanāmbhoruhe | (śivahṛdi)phullendīvaralocane trinayane kartrīkapālotpalekhaḍgaṃ cādadhatī tvameva śaraṇaṃ tvāmīśvarīmāśraye || 1||

वाचामीश्वरि भक्तिकल्पलतिके सर्वार्थसिद्धिश्वरिगद्यप्राकृतपद्यजातरचनासर्वार्थसिद्धिप्रदे ।नीलेन्दीवरलोचनत्रययुते कारुण्यवारान्निधेसौभाग्यामृतवर्धनेन कृपयासिञ्च त्वमस्मादृशम् ॥ २॥

vācāmīśvari bhaktikalpalatike sarvārthasiddhiśvarigadyaprākṛtapadyajātaracanāsarvārthasiddhiprade |nīlendīvaralocanatrayayute kāruṇyavārānnidhesaubhāgyāmṛtavardhanena kṛpayāsiñca tvamasmādṛśam || 2||

खर्वे गर्वसमूहपूरिततनो सर्पादिवेषोज्वले (शर्वे)व्याघ्रत्वक्परिवीतसुन्दरकटिव्याधूतघण्टाङ्किते ।सद्यःकृत्तगलद्रजःपरिमिलन्मुण्डद्वयीमूर्द्धजग्रन्थिश्रेणिनृमुण्डदामललिते भीमे भयं नाशय ॥ ३॥

kharve garvasamūhapūritatano sarpādiveṣojvale (śarve)vyāghratvakparivītasundarakaṭivyādhūtaghaṇṭāṅkite |sadyaḥkṛttagaladrajaḥparimilanmuṇḍadvayīmūrddhajagranthiśreṇinṛmuṇḍadāmalalite bhīme bhayaṃ nāśaya || 3||

मायानङ्गविकाररूपललनाबिन्द्वर्द्धचन्द्राम्बिकेहुंफट्कारमयि त्वमेव शरणं मन्त्रात्मिके मादृशः ।मूर्तिस्ते जननि त्रिधामघटिता स्थूलातिसूक्ष्मापरा वेदानां नहि गोचरा कथमपि प्राज्ञैर्नुतामाश्रये ॥ ४॥

māyānaṅgavikārarūpalalanābindvarddhacandrāmbikehuṃphaṭkāramayi tvameva śaraṇaṃ mantrātmike mādṛśaḥ |mūrtiste janani tridhāmaghaṭitā sthūlātisūkṣmāparā vedānāṃ nahi gocarā kathamapi prājñairnutāmāśraye || 4||

त्वत्पादाम्बुजसेवया सुकृतिनो गच्छन्ति सायुज्यतांतस्याः श्रीपरमेश्वरत्रिनयनब्रह्मादिसाम्यात्मनः ।संसाराम्बुधिमज्जने पटुतनुर्देवेन्द्रमुख्यासुरान्मातस्ते पदसेवने हि विमुखान् किं मन्दधीः सेवते ॥ ५॥

tvatpādāmbujasevayā sukṛtino gacchanti sāyujyatāṃtasyāḥ śrīparameśvaratrinayanabrahmādisāmyātmanaḥ |saṃsārāmbudhimajjane paṭutanurdevendramukhyāsurānmātaste padasevane hi vimukhān kiṃ mandadhīḥ sevate || 5||

मातस्त्वत्पदपङ्कजद्वयरजोमुद्राङ्ककोटीरिणस्तेदेवा जयसङ्गरे विजयिनो निःशङ्कमङ्के गताः ।देवोऽहं भुवने न मे सम इति स्पर्द्धां वहन्तः परेतत्तुल्यां नियतं यथा शशिरवी नाशं व्रजन्ति स्वयम् ॥ ६॥

mātastvatpadapaṅkajadvayarajomudrāṅkakoṭīriṇastedevā jayasaṅgare vijayino niḥśaṅkamaṅke gatāḥ |devo'haṃ bhuvane na me sama iti sparddhāṃ vahantaḥ paretattulyāṃ niyataṃ yathā śaśiravī nāśaṃ vrajanti svayam || 6||

त्वन्नामस्मरणात्पलायनपरान्द्रष्टुं च शक्ता न तेभूतप्रेतपिशाचराक्षसगणा यक्षश्च नागाधिपाः ।दैत्या दानवपुङ्गवाश्च खचरा व्याघ्रादिका जन्तवोडाकिन्यः कुपितान्तकश्च मनुजान् मातः क्षणं भूतले ॥ ७॥

tvannāmasmaraṇātpalāyanaparāndraṣṭuṃ ca śaktā na tebhūtapretapiśācarākṣasagaṇā yakṣaśca nāgādhipāḥ |daityā dānavapuṅgavāśca khacarā vyāghrādikā jantavoḍākinyaḥ kupitāntakaśca manujān mātaḥ kṣaṇaṃ bhūtale || 7||

लक्ष्मीः सिद्धिगणश्च पादुकमुखाः सिद्धास्तथा वैरिणांस्तम्भश्चापि वराङ्गने गजघटास्तम्भस्तथा मोहनम् ।मातस्त्वत्पदसेवया खलु नृणां सिद्ध्यन्ति ते ते गुणाःक्लान्तः कान्तमनोभवोऽत्र भवति क्षुद्रोऽपि वाचस्पतिः ॥ ८॥

lakṣmīḥ siddhigaṇaśca pādukamukhāḥ siddhāstathā vairiṇāṃstambhaścāpi varāṅgane gajaghaṭāstambhastathā mohanam |mātastvatpadasevayā khalu nṛṇāṃ siddhyanti te te guṇāḥklāntaḥ kāntamanobhavo'tra bhavati kṣudro'pi vācaspatiḥ || 8||

(फलश्रुतिः ।)ताराष्टकमिदं पुण्यं भक्तिमान् यः पठेन्नरः । (ताराष्टकमिदं रम्यं)प्रातर्मध्याह्नकाले च सायाह्ने नियतः शुचिः ॥ ९॥

(phalaśrutiḥ |)tārāṣṭakamidaṃ puṇyaṃ bhaktimān yaḥ paṭhennaraḥ | (tārāṣṭakamidaṃ ramyaṃ)prātarmadhyāhnakāle ca sāyāhne niyataḥ śuciḥ || 9||

लभते कवितां विद्यां सर्वशास्त्रार्थविद्भवेत्लक्ष्मीमनश्वरां प्राप्य भुक्त्वा भोगान्यथेप्सितान् ॥ १०॥

labhate kavitāṃ vidyāṃ sarvaśāstrārthavidbhavetlakṣmīmanaśvarāṃ prāpya bhuktvā bhogānyathepsitān || 10||

कीर्तिं कान्तिं च नैरुज्यं सर्वेषां प्रियतां व्रजेत् ।विख्यातिं चापि लोकेषु प्राप्यान्ते मोक्षमाप्नुयात् ॥ ११॥

kīrtiṃ kāntiṃ ca nairujyaṃ sarveṣāṃ priyatāṃ vrajet |vikhyātiṃ cāpi lokeṣu prāpyānte mokṣamāpnuyāt || 11||

॥इति श्रीबृहन्नीलतन्त्रे तारास्तोत्रं अथवा ताराष्टकं सम्पूर्णम् ॥श्रीनीलसरस्वतीस्तोत्रम् चहिन्दी भावार्थ

||iti śrībṛhannīlatantre tārāstotraṃ athavā tārāṣṭakaṃ sampūrṇam ||śrīnīlasarasvatīstotram cahindī bhāvārtha

इस प्रकार नीलतंत्र में वर्णित ताराष्टक स्तोत्र संपूर्ण हुआ ॥

isa prakāra nīlataṃtra meṃ varṇita tārāṣṭaka stotra saṃpūrṇa huā ||