उज्ज्वलवेङ्कटनाथस्तोत्रम् Ujjvalavenkatanathastotram

रङ्गे तुङ्गे कवेराचलजकनकनद्यन्तरङ्गे भुजङ्गेशेषे शेषे विचिन्वन् जगदवननयं भात्यशेषेऽपि दोषे ।निद्रामुद्रां दधानो निखिलजनगुणध्यानसान्द्रामतन्द्रांचिन्तां यां तां वृषाद्रौ विरचयसि रमाकान्त कान्तां शुभान्ताम् ॥ १॥

raṅge tuṅge kaverācalajakanakanadyantaraṅge bhujaṅgeśeṣe śeṣe vicinvan jagadavananayaṃ bhātyaśeṣe'pi doṣe |nidrāmudrāṃ dadhāno nikhilajanaguṇadhyānasāndrāmatandrāṃcintāṃ yāṃ tāṃ vṛṣādrau viracayasi ramākānta kāntāṃ śubhāntām || 1||

तां चिन्तां रङ्गक्लृप्तां वृषगिरिशिखरे सार्थयन् रङ्गनाथश्रीवत्सं वा विभूषां व्रणकिणमहिराट्।ह्सूरिक्।ह्लृप्तापराधम् ।धृत्वा वात्सल्यमत्युज्ज्वलयितुमवने सत्क्रतौ बद्धदीक्षोबध्नन्स्वीयाङ्।ह्घ्रियूपे निखिलनरपशून् गौणरज्ज्वाऽसि यज्वा ॥ २॥

tāṃ cintāṃ raṅgaklṛptāṃ vṛṣagiriśikhare sārthayan raṅganāthaśrīvatsaṃ vā vibhūṣāṃ vraṇakiṇamahirāṭ|hsūrik|hlṛptāparādham |dhṛtvā vātsalyamatyujjvalayitumavane satkratau baddhadīkṣobadhnansvīyāṅ|hghriyūpe nikhilanarapaśūn gauṇarajjvā'si yajvā || 2||

ज्वालारावप्रनष्टासुरनिवहमहाश्रीरथाङ्गाब्जहस्तंश्रीरङ्गे चिन्तितार्थान्निजजनविषये योक्तुकामं तदर्हान् ।द्रष्टुं दृष्ट्या समन्ताज्जगति वृषगिरेस्तुङ्गशृङ्गाधिरूढंदुष्टादुष्टानवन्तं निरुपधिकृपया श्रीनिवासं भजेऽन्तः ॥ ३॥

jvālārāvapranaṣṭāsuranivahamahāśrīrathāṅgābjahastaṃśrīraṅge cintitārthānnijajanaviṣaye yoktukāmaṃ tadarhān |draṣṭuṃ dṛṣṭyā samantājjagati vṛṣagirestuṅgaśṛṅgādhirūḍhaṃduṣṭāduṣṭānavantaṃ nirupadhikṛpayā śrīnivāsaṃ bhaje'ntaḥ || 3||

अन्तः कान्तश्श्रियो नस्सकरुणविलसद्दृक्तरङ्गैरपाङ्गैःसिञ्चन्मुञ्चन्कृपाम्भःकणगणभरितान्प्रेमपूरानपारान् ।रूपं चापादचूडं विशदमुपनयन् पङ्कजाक्षं समक्षंधत्तां हृत्तापशान्त्यै शिशिरमृदुलतानिर्जिताब्जे पदाब्जे ॥ ४॥

antaḥ kāntaśśriyo nassakaruṇavilasaddṛktaraṅgairapāṅgaiḥsiñcanmuñcankṛpāmbhaḥkaṇagaṇabharitānpremapūrānapārān |rūpaṃ cāpādacūḍaṃ viśadamupanayan paṅkajākṣaṃ samakṣaṃdhattāṃ hṛttāpaśāntyai śiśiramṛdulatānirjitābje padābje || 4||

अब्जेन सदृशि सन्ततमिन्धे हृत्पुण्डरीककुण्डे यः ।जडिमार्त आश्रयेऽद्भुतपावकमेतं निरिन्धनं ज्वलितम् ॥ ५॥

abjena sadṛśi santatamindhe hṛtpuṇḍarīkakuṇḍe yaḥ |jaḍimārta āśraye'dbhutapāvakametaṃ nirindhanaṃ jvalitam || 5||

ज्वलितनानानागशृङ्गगमणिगणोदितसुपरभागकघननिभाभाभासुराङ्गक वृषगिरीश्वर वितर शं ममसुजनतातातायिताखिलहितसुशीतलगुणगणालयविसृमरारारादुदित्वररिपुभयङ्करकरसुदर्शन ।सकलपापापारभीकरघनरवाकरसुदर सादरम्अवतु मामामाघसम्भृतमगणनोचितगुण रमेश्वरतव कृपा पापाटवीहतिदवहुताशनसमहिमा ध्रुवम्इतरथाथाथारमस्त्यघगणविमोचनमिह न किञ्चन ॥ ६॥

jvalitanānānāgaśṛṅgagamaṇigaṇoditasuparabhāgakaghananibhābhābhāsurāṅgaka vṛṣagirīśvara vitara śaṃ mamasujanatātātāyitākhilahitasuśītalaguṇagaṇālayavisṛmarārārāduditvararipubhayaṅkarakarasudarśana |sakalapāpāpārabhīkaraghanaravākarasudara sādaramavatu māmāmāghasambhṛtamagaṇanocitaguṇa rameśvaratava kṛpā pāpāṭavīhatidavahutāśanasamahimā dhruvamitarathāthāthāramastyaghagaṇavimocanamiha na kiñcana || 6||

नगधराराराधने तव वृषगिरीश्वर य इह सादररचितनानानामकौसुमतरुलसन्निजवनविभागजसुमकृतां तां तां शुभस्रजमुपहरन् सुखमहिपतिर्गुरुःअतिरयायायासदायकभवभयानकशठरिपोः किल ।निगमगा गा गायता यतिपरिबृढेन तु रचय पूरुषजितसभो भो भोगिराङ्गिरिपतिपदार्चनमिति नियोजितःइह परं रंरम्यते स्म च तदुदितव्रणचुबुकभूषणेइह रमे मे मेघरोचिषि भवति हारिणि हृदयरङ्गग ॥ ७॥

nagadharārārādhane tava vṛṣagirīśvara ya iha sādararacitanānānāmakausumatarulasannijavanavibhāgajasumakṛtāṃ tāṃ tāṃ śubhasrajamupaharan sukhamahipatirguruḥatirayāyāyāsadāyakabhavabhayānakaśaṭharipoḥ kila |nigamagā gā gāyatā yatiparibṛḍhena tu racaya pūruṣajitasabho bho bhogirāṅgiripatipadārcanamiti niyojitaḥiha paraṃ raṃramyate sma ca taduditavraṇacubukabhūṣaṇeiha rame me megharociṣi bhavati hāriṇi hṛdayaraṅgaga || 7||

गतभये ये ये पदे तव रुचियुता भुवि वृषगिरीश्वरविदधते ते ते पदार्चनमितरथा गतिविरहिता इतिमतिमता तातायिते त्वयि शरणतां हृदि कलयता परिचरणया यायाऽऽयता तव फणिगणाधिपगुरुवरेण तु ।विरचितां तांतां वनावलिमुपगते त्वयि विहरति द्रुमनहनगाङ्गां गामिव श्रियमरचयत्तव स गुरुरस्य चतदनु तान्तां तां रमां परिजनगिरा द्रुतमवयतो निजशिशुदशाशाशालिनीमपि वितरतो वर वितर शं मम ॥ ८॥

gatabhaye ye ye pade tava ruciyutā bhuvi vṛṣagirīśvaravidadhate te te padārcanamitarathā gativirahitā itimatimatā tātāyite tvayi śaraṇatāṃ hṛdi kalayatā paricaraṇayā yāyā''yatā tava phaṇigaṇādhipaguruvareṇa tu |viracitāṃ tāṃtāṃ vanāvalimupagate tvayi viharati drumanahanagāṅgāṃ gāmiva śriyamaracayattava sa gururasya catadanu tāntāṃ tāṃ ramāṃ parijanagirā drutamavayato nijaśiśudaśāśāśālinīmapi vitarato vara vitara śaṃ mama || 8||

ममतया यायाऽऽविला मतिरुदयते मम सपदि तां हरकरुणया याया शुभा मम वितर तामयि वृषगिरीश्वरसदुदयायायासमृच्छसि न दरमप्यरिविदलनादिषुमदुदयायायासमीप्ससि न तु कथं मम रिपुजयाय च ।मयि दयाया यासि केन तु न पदतां ननु निगद तन्मममम विभो भो भोगिनायकशयन मे मतमरिजयं दिशपरम याया या दया तव निरवधिं मयि झटिति तामयिसुमहिमा मा माधव क्षतिमुपगमत्तव मम कृतेऽनघ ॥ ९॥

mamatayā yāyā''vilā matirudayate mama sapadi tāṃ harakaruṇayā yāyā śubhā mama vitara tāmayi vṛṣagirīśvarasadudayāyāyāsamṛcchasi na daramapyarividalanādiṣumadudayāyāyāsamīpsasi na tu kathaṃ mama ripujayāya ca |mayi dayāyā yāsi kena tu na padatāṃ nanu nigada tanmamamama vibho bho bhogināyakaśayana me matamarijayaṃ diśaparama yāyā yā dayā tava niravadhiṃ mayi jhaṭiti tāmayisumahimā mā mādhava kṣatimupagamattava mama kṛte'nagha || 9||

घटितपापापारदुर्भटपटलदुर्घटनिधनकारणरणधरारारात्पलायननिजनिदर्शितबहुबलायनदरवरारारावनाशन मधुविनाशन मम मनोधनरिपुलयायायाहि पाहि न इदमरं मम कलय पावन ।सुतरसासासारदृक्ततिरतिशुभा तव निपततान्मयिसहरमो मोमोत्तु सन्ततमयि भवान्मयि वृषगिरावपिप्रतिदिनं नंनम्यते मम मन उपेक्षिततदपरं त्वयितदरिपापापासनं कुरु वृषगिरीश्वर सततमुज्ज्वल ॥ १०॥

ghaṭitapāpāpāradurbhaṭapaṭaladurghaṭanidhanakāraṇaraṇadharārārātpalāyananijanidarśitabahubalāyanadaravarārārāvanāśana madhuvināśana mama manodhanaripulayāyāyāhi pāhi na idamaraṃ mama kalaya pāvana |sutarasāsāsāradṛktatiratiśubhā tava nipatatānmayisaharamo momottu santatamayi bhavānmayi vṛṣagirāvapipratidinaṃ naṃnamyate mama mana upekṣitatadaparaṃ tvayitadaripāpāpāsanaṃ kuru vṛṣagirīśvara satatamujjvala || 10||

उज्ज्वलवेङ्कटनाथस्तोत्रं पठतां ध्रुवाऽरिविजयश्रीःश्रीरङ्गोक्तं लसति यदमृतं सारज्ञहृदयसारङ्गे ॥ ११॥

ujjvalaveṅkaṭanāthastotraṃ paṭhatāṃ dhruvā'rivijayaśrīḥśrīraṅgoktaṃ lasati yadamṛtaṃ sārajñahṛdayasāraṅge || 11||

॥ इति उज्ज्वलवेङ्कटनाथस्तोत्रं संपूर्णम् ॥

|| iti ujjvalaveṅkaṭanāthastotraṃ saṃpūrṇam ||