वेङ्कटेशनिध्यानम् Venkateshanidhyanam

ईशानां जगतोऽस्य वेङ्कटपतेर्विष्णोः परां प्रेयसींतद्वक्षस्स्थलनित्यवासरसिकां तत्क्षान्तिसंवर्धिनीम् ।पद्मालङ्कृतपाणिपल्लवयुगां पद्मासनस्थां श्रियंवात्सल्यादिगुणोज्ज्वलां भगवतीं वन्दे जगन्मातरम् ॥ १॥

īśānāṃ jagato'sya veṅkaṭapaterviṣṇoḥ parāṃ preyasīṃtadvakṣassthalanityavāsarasikāṃ tatkṣāntisaṃvardhinīm |padmālaṅkṛtapāṇipallavayugāṃ padmāsanasthāṃ śriyaṃvātsalyādiguṇojjvalāṃ bhagavatīṃ vande jaganmātaram || 1||

श्रीवेङ्कटेशदयितां श्रियं घटकभावतः ।समाश्रित्य वृषाद्रीशचरणौ शरणं श्रये ॥ २॥

śrīveṅkaṭeśadayitāṃ śriyaṃ ghaṭakabhāvataḥ |samāśritya vṛṣādrīśacaraṇau śaraṇaṃ śraye || 2||

श्रीमन् शेषगिरीश ते पदयुगे मञ्जीरसंराजितेसक्तं मानसमस्तु मे तव शुभे जङ्घे सुजान्वञ्चिते ।रम्भाकान्तिहरोरुकाण्डयुगलीं प्राप्तं कटीं सेवतेकाञ्चीनूपुरकिङ्किणीपरिचितां पीताम्बरालङ्कृताम् ॥ ३॥

śrīman śeṣagirīśa te padayuge mañjīrasaṃrājitesaktaṃ mānasamastu me tava śubhe jaṅghe sujānvañcite |rambhākāntiharorukāṇḍayugalīṃ prāptaṃ kaṭīṃ sevatekāñcīnūpurakiṅkiṇīparicitāṃ pītāmbarālaṅkṛtām || 3||

नाभीपङ्कजतुन्दबन्धनलसद्दिव्योदरापाश्रयंपद्माकौस्तुभहारमाल्यसुभगां वक्षस्स्थलीं गाहते ।सर्वाभीष्टवरप्रदानकटिबन्धाब्जाग्र्यचक्रोज्ज्वलैःहस्तैः श्लिष्टमनल्पभूषणयुतैः कण्ठं समालम्बते ॥ ४॥

nābhīpaṅkajatundabandhanalasaddivyodarāpāśrayaṃpadmākaustubhahāramālyasubhagāṃ vakṣassthalīṃ gāhate |sarvābhīṣṭavarapradānakaṭibandhābjāgryacakrojjvalaiḥhastaiḥ śliṣṭamanalpabhūṣaṇayutaiḥ kaṇṭhaṃ samālambate || 4||

मुक्तारत्नविराजिकुण्डललसद्गण्डं सुबिम्बाधरंनासाशोभि दयार्द्रलोचनयुगं सुभ्रूर्ध्वपुण्ड्रोज्ज्वलम् ।वक्त्रं रत्नललाटिकापरिलसत्भालं सतृष्णं पिबत्मौलौ रज्जति माल्यशोभिनि महारत्नाभिषेकोज्ज्वले ॥ ५॥

muktāratnavirājikuṇḍalalasadgaṇḍaṃ subimbādharaṃnāsāśobhi dayārdralocanayugaṃ subhrūrdhvapuṇḍrojjvalam |vaktraṃ ratnalalāṭikāparilasatbhālaṃ satṛṣṇaṃ pibatmaulau rajjati mālyaśobhini mahāratnābhiṣekojjvale || 5||

भूयो वक्त्रमनुप्रसर्पति ततः कण्ठावसक्तं भुजैःश्लिष्टं वक्षसि पद्मया परिचिते लग्नं पुनर्मध्यमम् ।कट्यूरुद्वयजानुषु प्रविततं जङ्घावसक्तं पदोः ।प्राप्तं तिष्टति तत्र गात्रसुषमासक्तं वृषाद्रीश ते ॥ ६॥

bhūyo vaktramanuprasarpati tataḥ kaṇṭhāvasaktaṃ bhujaiḥśliṣṭaṃ vakṣasi padmayā paricite lagnaṃ punarmadhyamam |kaṭyūrudvayajānuṣu pravitataṃ jaṅghāvasaktaṃ padoḥ |prāptaṃ tiṣṭati tatra gātrasuṣamāsaktaṃ vṛṣādrīśa te || 6||

॥ इति श्रीवेङ्कटेशनिध्यानम् ॥

|| iti śrīveṅkaṭeśanidhyānam ||