वेङ्कटेशध्यानम् Venkateshadhyanam by Veda Vyasa

वेदव्यासध्यानम्श्रीवेंकटेशमनुवासरमिन्दिरेशंदुग्धान्नपूर्णमधुशर्करगोघृताढ्यम् ।रम्भाफलेन सह षड् सयुक्तदिव्य मिस्सिन्ग् लेत्तेर्?राजान्नसूपममृतं स्मरतां करस्थम् ॥ १॥

vedavyāsadhyānamśrīveṃkaṭeśamanuvāsaramindireśaṃdugdhānnapūrṇamadhuśarkaragoghṛtāḍhyam |rambhāphalena saha ṣaḍ sayuktadivya missing letter?rājānnasūpamamṛtaṃ smaratāṃ karastham || 1||

संपूर्णवृष्टिमिह वर्षय कालमेघैःदुर्भिक्षकालरहितं कुरु वेंकटेश ।कारुण्यजीवननिधिर्जगतां त्वमद्यत्वामेव नौमि सततं वरद प्रसीद ॥ २॥

saṃpūrṇavṛṣṭimiha varṣaya kālameghaiḥdurbhikṣakālarahitaṃ kuru veṃkaṭeśa |kāruṇyajīvananidhirjagatāṃ tvamadyatvāmeva naumi satataṃ varada prasīda || 2||

तिष्ठन् स्वामिसरोवरस्थलवरे श्रीवेंकटेश स्मयन्लक्ष्म्याऽलङ्कृतबाहुमध्यविलसत्सर्वाङ्गभूषोज्ज्वलः ।वैकुण्ठाद्रिरसौ समस्तजगतामित्येव सन्दर्शयन्विश्वालिङ्गनभाग्यवान् विजयते ब्रह्मेन्द्ररुद्रेश्वरः ॥ ३॥

tiṣṭhan svāmisarovarasthalavare śrīveṃkaṭeśa smayanlakṣmyā'laṅkṛtabāhumadhyavilasatsarvāṅgabhūṣojjvalaḥ |vaikuṇṭhādrirasau samastajagatāmityeva sandarśayanviśvāliṅganabhāgyavān vijayate brahmendrarudreśvaraḥ || 3||

वेदव्यासकृतं ध्यानं निद्रान्ते स्मरतामिदम् ।सर्वारोग्यं च भोगश्च नराणां तत्पदं भवेत् ॥॥ इति वेदव्यासध्यानम्॥

vedavyāsakṛtaṃ dhyānaṃ nidrānte smaratāmidam |sarvārogyaṃ ca bhogaśca narāṇāṃ tatpadaṃ bhavet |||| iti vedavyāsadhyānam||