वेङ्कटेशभुजङ्गम् Venkatesha Bhujangaprayata stotram

मुखे चारुहासं करे शङ्खचक्रं गले रत्नमालां स्वयं मेघवर्णम् ।तथा दिव्यशस्त्रं प्रियं पीतवस्त्रं धरन्तं मुरारिं भजे वेङ्कटेशम् ॥ १॥

mukhe cāruhāsaṃ kare śaṅkhacakraṃ gale ratnamālāṃ svayaṃ meghavarṇam |tathā divyaśastraṃ priyaṃ pītavastraṃ dharantaṃ murāriṃ bhaje veṅkaṭeśam || 1||

सदाभीतिहस्तं मुदाजानुपाणिं लसन्मेखलं रत्नशोभाप्रकाशम् ।जगत्पादपद्मं महत्पद्मनाभं धरन्तं मुरारिं भजे वेङ्कटेशम् ॥ २॥

sadābhītihastaṃ mudājānupāṇiṃ lasanmekhalaṃ ratnaśobhāprakāśam |jagatpādapadmaṃ mahatpadmanābhaṃ dharantaṃ murāriṃ bhaje veṅkaṭeśam || 2||

अहो निर्मलं नित्यमाकाशरूपं जगत्कारणं सर्ववेदान्तवेद्यम् ।विभुं तापसं सच्चिदानन्दरूपं धरन्तं मुरारिं भजे वेङ्कटेशम् ॥ ३॥

aho nirmalaṃ nityamākāśarūpaṃ jagatkāraṇaṃ sarvavedāntavedyam |vibhuṃ tāpasaṃ saccidānandarūpaṃ dharantaṃ murāriṃ bhaje veṅkaṭeśam || 3||

श्रिया विष्टितं वामपक्षप्रकाशं सुरैर्वन्दितं ब्रह्मरुद्रस्तुतं तम् ।शिवं शङ्करं स्वस्तिनिर्वाणरूपं धरन्तं मुरारिं भजे वेङ्कटेशम् ॥ ४॥

śriyā viṣṭitaṃ vāmapakṣaprakāśaṃ surairvanditaṃ brahmarudrastutaṃ tam |śivaṃ śaṅkaraṃ svastinirvāṇarūpaṃ dharantaṃ murāriṃ bhaje veṅkaṭeśam || 4||

महायोगसाद्ध्यं परिभ्राजमानं चिरं विश्वरूपं सुरेशं महेशम् ।अहो शान्तरूपं सदाध्यानगम्यं धरन्तं मुरारिं भजे वेङ्कटेशम् ॥ ५॥

mahāyogasāddhyaṃ paribhrājamānaṃ ciraṃ viśvarūpaṃ sureśaṃ maheśam |aho śāntarūpaṃ sadādhyānagamyaṃ dharantaṃ murāriṃ bhaje veṅkaṭeśam || 5||

अहो मत्स्यरूपं तथा कूर्मरूपं महाक्रोडरूपं तथा नारसिंहम् ।भजे कुब्जरूपं विभुं जामदग्न्यं धरन्तं मुरारिं भजे वेङ्कटेशम् ॥ ६॥

aho matsyarūpaṃ tathā kūrmarūpaṃ mahākroḍarūpaṃ tathā nārasiṃham |bhaje kubjarūpaṃ vibhuṃ jāmadagnyaṃ dharantaṃ murāriṃ bhaje veṅkaṭeśam || 6||

अहो बुद्धरूपं तथा कल्किरूपं प्रभुं शाश्वतं लोकरक्षामहन्तम् ।पृथक्काललब्धात्मलीलावतारं धरन्तं मुरारिं भजे वेङ्कटेशम् ॥ ७॥

aho buddharūpaṃ tathā kalkirūpaṃ prabhuṃ śāśvataṃ lokarakṣāmahantam |pṛthakkālalabdhātmalīlāvatāraṃ dharantaṃ murāriṃ bhaje veṅkaṭeśam || 7||

इति श्रीवेङ्कटेशभुजङ्गं सम्पूर्णम् ।णा

iti śrīveṅkaṭeśabhujaṅgaṃ sampūrṇam |ṇā