शिवस्तोत्रम् (कृष्णकृतं १ कूर्मपुराणान्तर्गतम्) Shrikrishnakritam Shiva Stotram

श्रीकृष्ण उवाच ।नमोऽस्तु ते शाश्वत सर्वयोनेब्रह्माधिपं त्वामृषयो वदन्ति ।तपश्च सत्त्वं च रजस्तमश्चत्वामेव सर्वं प्रवदन्ति सन्तः ॥ १॥

śrīkṛṣṇa uvāca |namo'stu te śāśvata sarvayonebrahmādhipaṃ tvāmṛṣayo vadanti |tapaśca sattvaṃ ca rajastamaścatvāmeva sarvaṃ pravadanti santaḥ || 1||

त्वं ब्रह्मा हरिरथ विश्वयोनिरग्निः संहर्त्ता दिनकरमण्डलाधिवासः ।प्राणस्त्वं हुतवहवासवादिभेदस्त्वामेकं शरणमुपैमि देवमीशम् ॥ २॥

tvaṃ brahmā hariratha viśvayoniragniḥ saṃharttā dinakaramaṇḍalādhivāsaḥ |prāṇastvaṃ hutavahavāsavādibhedastvāmekaṃ śaraṇamupaimi devamīśam || 2||

साङ्ख्यास्त्वामगुणमथाहुरेकरूपंयोगस्थं सततमुपासते हृदिस्थम् ।वेदास्त्वामभिदधतीह रुद्रमग्निंत्वामेकं शरणमुपैमि देवमीशम् ॥ ३॥

sāṅkhyāstvāmaguṇamathāhurekarūpaṃyogasthaṃ satatamupāsate hṛdistham |vedāstvāmabhidadhatīha rudramagniṃtvāmekaṃ śaraṇamupaimi devamīśam || 3||

त्वत्पादे कुसुममथापि पत्रमेकंदत्त्वासौ भवति विमुक्तविश्वबन्धः ।सर्वाघं प्रणुदति सिद्धयोगिजुष्टंस्मृत्वा ते पदयुगलं भवत्प्रसादात् ॥ ४॥

tvatpāde kusumamathāpi patramekaṃdattvāsau bhavati vimuktaviśvabandhaḥ |sarvāghaṃ praṇudati siddhayogijuṣṭaṃsmṛtvā te padayugalaṃ bhavatprasādāt || 4||

यस्याशेषविभागहीनममलं हृद्यन्तरावस्थितंते त्वां योनिमनन्तमेकमचलं सत्यं परं सर्वगम् ।स्थानं प्राहुरनादिमध्यनिधनं यस्मादिदं जायतेनित्यं त्वाहमुपैमि सत्यविभवं विश्वेश्वरं तं शिवम् ॥ ५॥

yasyāśeṣavibhāgahīnamamalaṃ hṛdyantarāvasthitaṃte tvāṃ yonimanantamekamacalaṃ satyaṃ paraṃ sarvagam |sthānaṃ prāhuranādimadhyanidhanaṃ yasmādidaṃ jāyatenityaṃ tvāhamupaimi satyavibhavaṃ viśveśvaraṃ taṃ śivam || 5||

ॐ नमो नीलकण्ठाय त्रिनेत्राय च रंहसे ।महादेवाय ते नित्यमीशानाय नमो नमः ॥ ६॥

oṃ namo nīlakaṇṭhāya trinetrāya ca raṃhase |mahādevāya te nityamīśānāya namo namaḥ || 6||

नमः पिनाकिने तुभ्यं नमो मुण्डाय दण्डिने ।नमस्ते वज्रहस्ताय दिग्वस्त्राय कपर्दिने ॥ ७॥

namaḥ pinākine tubhyaṃ namo muṇḍāya daṇḍine |namaste vajrahastāya digvastrāya kapardine || 7||

नमो भैरवनादाय कालरूपाय दंष्ट्रिणे ।नागयज्ञोपवीताय नमस्ते वह्निरेतसे ॥ ८॥

namo bhairavanādāya kālarūpāya daṃṣṭriṇe |nāgayajñopavītāya namaste vahniretase || 8||

नमोऽस्तु ते गिरीशाय स्वाहाकाराय ते नमः ।नमो मुक्ताट्टहासाय भीमाय च नमो नमः ॥ ९॥

namo'stu te girīśāya svāhākārāya te namaḥ |namo muktāṭṭahāsāya bhīmāya ca namo namaḥ || 9||

नमस्ते कामनाशाय नमः कालप्रमाथिने ।नमो भैरववेषाय हराय च निषङ्गिणे ॥ १०॥

namaste kāmanāśāya namaḥ kālapramāthine |namo bhairavaveṣāya harāya ca niṣaṅgiṇe || 10||

नमोऽस्तु ते त्र्यम्बकाय नमस्ते कृत्तिवाससे ।नमोऽम्बिकाधिपतये पशूनां पतये नमः ॥ ११॥

namo'stu te tryambakāya namaste kṛttivāsase |namo'mbikādhipataye paśūnāṃ pataye namaḥ || 11||

नमस्ते व्योमरूपाय व्योमाधिपतये नमः ।नरनारीशरीराय साङ्ख्ययोगप्रवर्त्तिने ॥ १२॥

namaste vyomarūpāya vyomādhipataye namaḥ |naranārīśarīrāya sāṅkhyayogapravarttine || 12||

नमो भैरवनाथाय देवानुगतलिङ्गिने ।कुमारगुरवे तुभ्यं देवदेवाय ते नमः ॥ १३॥

namo bhairavanāthāya devānugataliṅgine |kumāragurave tubhyaṃ devadevāya te namaḥ || 13||

नमो यज्ञाधिपतये नमस्ते ब्रह्मचारिणे ।मृगव्याधाय महते ब्रह्माधिपतये नमः ॥ १४॥

namo yajñādhipataye namaste brahmacāriṇe |mṛgavyādhāya mahate brahmādhipataye namaḥ || 14||

नमो हंसाय विश्वाय मोहनाय नमो नमः ।योगिने योगगम्याय योगमायाय ते नमः ॥ १५॥

namo haṃsāya viśvāya mohanāya namo namaḥ |yogine yogagamyāya yogamāyāya te namaḥ || 15||

नमस्ते प्राणपालाय घण्टानादप्रियाय च ।कपालिने नमस्तुभ्यं ज्योतिषां पतये नमः ॥ १६॥

namaste prāṇapālāya ghaṇṭānādapriyāya ca |kapāline namastubhyaṃ jyotiṣāṃ pataye namaḥ || 16||

नमो नमो नमस्तुभ्यं भूय एव नमो नमः ।मह्यं सर्वात्मना कामान् प्रयच्छ परमेश्वर ॥ १७॥

namo namo namastubhyaṃ bhūya eva namo namaḥ |mahyaṃ sarvātmanā kāmān prayaccha parameśvara || 17||

सूत उवाच ।एवं हि भक्त्या देवेशमभिष्टूय स माधवः ।पपात पादयोर्विप्रा देवदेव्योः स दण्डवत् ॥ १८॥

sūta uvāca |evaṃ hi bhaktyā deveśamabhiṣṭūya sa mādhavaḥ |papāta pādayorviprā devadevyoḥ sa daṇḍavat || 18||

इति कूर्मपुराणे पूर्वभागे चत्वारिंशाध्यायान्तर्गतंश्रीकृष्णकृतं शिवस्तोत्रं समाप्तम् ।कूर्मपुराणे पूर्वभागे २४/६०७७

iti kūrmapurāṇe pūrvabhāge catvāriṃśādhyāyāntargataṃśrīkṛṣṇakṛtaṃ śivastotraṃ samāptam |kūrmapurāṇe pūrvabhāge 24/6077