अखिलाण्डदेवीजम्बुकेश्वरस्तुतिः Shrimad Akhilandadevijambukeshvarastutih

(श्रीजम्बुकेश्वरक्षेत्रे)अपराधसहस्राणि ह्यपि कुर्वाणे मयि प्रसीदाम्ब ।अखिलाण्डदेवि करुणावाराशे जम्बुकेशपुण्यतते ॥ १॥

(śrījambukeśvarakṣetre)aparādhasahasrāṇi hyapi kurvāṇe mayi prasīdāmba |akhilāṇḍadevi karuṇāvārāśe jambukeśapuṇyatate || 1||

ऊर्ध्वस्थिताभ्यां करपङ्कजाभ्यांगाङ्गेयपद्मे दधतीमधस्तात् ।वराभये सन्दधतीं कराभ्यांनमामि देवीमखिलाण्डपूर्वाम् ॥ २॥

ūrdhvasthitābhyāṃ karapaṅkajābhyāṃgāṅgeyapadme dadhatīmadhastāt |varābhaye sandadhatīṃ karābhyāṃnamāmi devīmakhilāṇḍapūrvām || 2||

जम्बूनाथमनोऽम्बुजातदिनराड्बालप्रभासन्ततिंशम्बूकादिवृषावलिं कृतवतीं पूर्वं कृतार्थामपि ।कम्बूर्वीधरधारिणीं वपुषि च ग्रीवाकुचव्याजतोह्यम्बूर्वीधररूपिणीं हृदि भजे देवीं क्षमासागरीम् ॥ ३॥

jambūnāthamano'mbujātadinarāḍbālaprabhāsantatiṃśambūkādivṛṣāvaliṃ kṛtavatīṃ pūrvaṃ kṛtārthāmapi |kambūrvīdharadhāriṇīṃ vapuṣi ca grīvākucavyājatohyambūrvīdhararūpiṇīṃ hṛdi bhaje devīṃ kṣamāsāgarīm || 3||

जम्बूमूलनिवासं कम्बूज्ज्वलगर्वहरणचणकण्ठम् ।अम्बूर्वीधररूपं शम्बूकादेर्वरप्रदं वन्दे ॥ ४॥

jambūmūlanivāsaṃ kambūjjvalagarvaharaṇacaṇakaṇṭham |ambūrvīdhararūpaṃ śambūkādervarapradaṃ vande || 4||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीमदखिलाण्डदेवीजम्बुकेश्वरस्तुतिः सम्पूर्णा ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīmadakhilāṇḍadevījambukeśvarastutiḥ sampūrṇā |