अनादिसिद्धलिङ्गस्तवनम् Shrimad Anadi Siddalinga Stavanam

(उभयकविताविशारद षडक्षरदेवविरचितम्)जगज्जालपालं जनस्तुत्यशीलम्भवारण्यदावं भृत स्वानुभावम् ।शिवानन्दकोशं दिनेशप्रकाशम्महालिङ्गसङ्गं भजे सिद्धलिङ्गम् ॥ १॥

(ubhayakavitāviśārada ṣaḍakṣaradevaviracitam)jagajjālapālaṃ janastutyaśīlambhavāraṇyadāvaṃ bhṛta svānubhāvam |śivānandakośaṃ dineśaprakāśammahāliṅgasaṅgaṃ bhaje siddhaliṅgam || 1||

स्वतन्त्र स्वलीलं गणेन्द्रानुकूलम्मिलन्मूलमन्त्रं प्रणीतेश तन्त्रम् ।शिवध्यानसक्तं परानादिमुक्तम्महालिङ्गसङ्गं भजे सिद्धलिङ्गम् ॥ २॥

svatantra svalīlaṃ gaṇendrānukūlammilanmūlamantraṃ praṇīteśa tantram |śivadhyānasaktaṃ parānādimuktammahāliṅgasaṅgaṃ bhaje siddhaliṅgam || 2||

परिव्राड्वरेण्यं गणेशाग्रगण्यम्सदासत्यभाषं शिवज्ञानभूषम् ।सरुद्राक्षमालं लसद्भस्मफालम्महालिङ्गसङ्गं भजे सिद्धलिङ्गम् ॥ ३॥

parivrāḍvareṇyaṃ gaṇeśāgragaṇyamsadāsatyabhāṣaṃ śivajñānabhūṣam |sarudrākṣamālaṃ lasadbhasmaphālammahāliṅgasaṅgaṃ bhaje siddhaliṅgam || 3||

शिवाचारपक्षं कृपाभृत्कटाक्षम्षडध्वादिबीजं नतामर्त्यभूजम् ।परित्यक्तरागं परब्रह्मयोगम्महालिङ्गसङ्गं भजे सिद्धलिङ्गम् ॥ ४॥

śivācārapakṣaṃ kṛpābhṛtkaṭākṣamṣaḍadhvādibījaṃ natāmartyabhūjam |parityaktarāgaṃ parabrahmayogammahāliṅgasaṅgaṃ bhaje siddhaliṅgam || 4||

कलासत्कलापं कपर्दिस्वरूपम्मनोवृत्तिशून्यं मुनिव्रातमान्यम् ।समञ्चद्गुणाङ्कं सदा निष्कलङ्कम्महालिङ्गसङ्गं भजे सिद्धलिङ्गम् ॥ ५॥

kalāsatkalāpaṃ kapardisvarūpammanovṛttiśūnyaṃ munivrātamānyam |samañcadguṇāṅkaṃ sadā niṣkalaṅkammahāliṅgasaṅgaṃ bhaje siddhaliṅgam || 5||

पवित्राभिधेयं पराम्नायगेयंनिरस्ताङ्गजातं सुधास्फीतगीतम् ।परिच्छिन्नपाशं समस्तामरेशम्महालिङ्गसङ्गं भजे सिद्धलिङ्गम् ॥ ६॥

pavitrābhidheyaṃ parāmnāyageyaṃnirastāṅgajātaṃ sudhāsphītagītam |paricchinnapāśaṃ samastāmareśammahāliṅgasaṅgaṃ bhaje siddhaliṅgam || 6||

पवित्रस्वगात्रं बुधस्तोत्र पात्रम्निकृत्तावरोधं निसर्गावबोधम् ।चिदामोदभाजं चराचार्यराजम्महालिङ्गसङ्गं भजे सिद्धलिङ्गम् ॥ ७॥

pavitrasvagātraṃ budhastotra pātramnikṛttāvarodhaṃ nisargāvabodham |cidāmodabhājaṃ carācāryarājammahāliṅgasaṅgaṃ bhaje siddhaliṅgam || 7||

जितारातिवर्गं गृहीताद्यमार्गम्तताम्नायसारं तमस्तोमदूरम् ।पराषट्स्थालाङ्कं निरातङ्कशङ्कम्महालिङ्गसङ्गं भजे सिद्धलिङ्गम् ॥ ८॥

jitārātivargaṃ gṛhītādyamārgamtatāmnāyasāraṃ tamastomadūram |parāṣaṭsthālāṅkaṃ nirātaṅkaśaṅkammahāliṅgasaṅgaṃ bhaje siddhaliṅgam || 8||

भुजङ्गप्रयातं स्तवं सिद्धलिङ्गप्रभोर्मूलमन्त्राभिधानेन क्लुप्तम् ।भुजङ्गाश्रमस्थस्य योवा पठेत्सोऽप्यवाप्नोत्यभीष्टं च भोगं च मोक्षम् ॥इति उभयकविताविशारद षडक्षरदेवविरचितं श्रीमदनादि सिद्धलिङ्गस्तवनम् ।

bhujaṅgaprayātaṃ stavaṃ siddhaliṅgaprabhormūlamantrābhidhānena kluptam |bhujaṅgāśramasthasya yovā paṭhetso'pyavāpnotyabhīṣṭaṃ ca bhogaṃ ca mokṣam ||iti ubhayakavitāviśārada ṣaḍakṣaradevaviracitaṃ śrīmadanādi siddhaliṅgastavanam |