कण्ठेशस्तोत्रम् Shrikantheshastotram

(श्रीगरलपुर आर्द्रोत्सवे)श्रीगणेशाय नमः ॥आर्द्रान्तःकरणस्त्वं यस्मादीशान भक्तवृन्देषु ।आर्द्रोत्सवप्रियोऽतः श्रीकण्ठात्रास्ति नैव सन्देहः ॥ १॥

(śrīgaralapura ārdrotsave)śrīgaṇeśāya namaḥ ||ārdrāntaḥkaraṇastvaṃ yasmādīśāna bhaktavṛndeṣu |ārdrotsavapriyo'taḥ śrīkaṇṭhātrāsti naiva sandehaḥ || 1||

द्रष्टृस्तवोत्सवस्य हि लोकान्पापात्तथा मृत्योः ।मा भीरस्त्विति शम्भो मध्येतिर्यग्गतागतैर्ब्रूषे ॥ २॥

draṣṭṛstavotsavasya hi lokānpāpāttathā mṛtyoḥ |mā bhīrastviti śambho madhyetiryaggatāgatairbrūṣe || 2||

प्रकरोति करुणयाऽऽर्द्रान् शम्भुर्नम्रानिति प्रबोधाय ।धर्मोऽयं किल लोकानार्द्राङ्कुरुतेऽद्य गौरीश ॥ ३॥

prakaroti karuṇayā''rdrān śambhurnamrāniti prabodhāya |dharmo'yaṃ kila lokānārdrāṅkurute'dya gaurīśa || 3||

आर्द्रा नटेशस्य मनोऽब्जवृत्तिरित्यर्थसम्बोधकृते जनानाम् ।आर्द्रर्क्ष एवोत्सवमाह शस्तं पुराणजालं तव पार्वतीश ॥ ४॥

ārdrā naṭeśasya mano'bjavṛttirityarthasambodhakṛte janānām |ārdrarkṣa evotsavamāha śastaṃ purāṇajālaṃ tava pārvatīśa || 4||

बाणार्चने भगवतः परमेश्वरस्यप्रीतिर्भवेन्निरुपमेति यतः पुराणैः ।सम्बोध्यते परशिवस्य यथान्धकं ततःकरोति बाणार्चनं जगति भक्तियुता जनालिः ॥ ५॥

bāṇārcane bhagavataḥ parameśvarasyaprītirbhavennirupameti yataḥ purāṇaiḥ |sambodhyate paraśivasya yathāndhakaṃ tataḥkaroti bāṇārcanaṃ jagati bhaktiyutā janāliḥ || 5||

यथान्धकं त्वं विनिहत्य शीघ्रं लोकस्य रक्षामकरोः कृपाब्धे ।तथाज्ञतां मे विनिवार्य शीघ्रं विद्यां प्रयच्छाशु सभाधिनाथ ॥ ६॥

yathāndhakaṃ tvaṃ vinihatya śīghraṃ lokasya rakṣāmakaroḥ kṛpābdhe |tathājñatāṃ me vinivārya śīghraṃ vidyāṃ prayacchāśu sabhādhinātha || 6||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीकण्ठेशस्तोत्रं सम्पूर्णम् ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīkaṇṭheśastotraṃ sampūrṇam |