काशीविश्वनाथस्तोत्रम् Shrikashivishvanathastotram

कण्ठे यस्य लसत्करालगरलं गङ्गाजलं मस्तकेवामाङ्गे गिरिराजराजतनया जाया भवानी सती ।नन्दिस्कन्दगणाधिराजसहिता श्रीविश्वनाथप्रभुःकाशीमन्दिरसंस्थितोऽखिलगुरुर्देयात्सदा मङ्गलम् ॥ १॥

kaṇṭhe yasya lasatkarālagaralaṃ gaṅgājalaṃ mastakevāmāṅge girirājarājatanayā jāyā bhavānī satī |nandiskandagaṇādhirājasahitā śrīviśvanāthaprabhuḥkāśīmandirasaṃsthito'khilagururdeyātsadā maṅgalam || 1||

यो देवैरसुरैर्मुनीन्द्रतनयैर्गन्धर्वयक्षोरगैर्नागैर्भूतलवासिभिर्द्विजवरैः संसेवितः सिद्धये ।या गङ्गोत्तरवाहिनी परिसरे तीर्थेरसङ्ख्यैर्वृतासा काशी त्रिपुरारिराजनगरी देयात्सदा मङ्गलम् ॥ २॥

yo devairasurairmunīndratanayairgandharvayakṣoragairnāgairbhūtalavāsibhirdvijavaraiḥ saṃsevitaḥ siddhaye |yā gaṅgottaravāhinī parisare tīrtherasaṅkhyairvṛtāsā kāśī tripurārirājanagarī deyātsadā maṅgalam || 2||

तीर्थानां प्रवरा मनोरथकरी संसारपारापरानन्दा नन्दिगणेश्वरैरुपहिता देवैरशेषैः स्तुता ।या शम्भोर्मणिकुण्डलैककणिका विष्णोस्तपोदीर्घिकासेयं श्रीमणिकर्णिका भगवती देयात्सदा मङ्गलम् ॥ ३॥

tīrthānāṃ pravarā manorathakarī saṃsārapārāparānandā nandigaṇeśvarairupahitā devairaśeṣaiḥ stutā |yā śambhormaṇikuṇḍalaikakaṇikā viṣṇostapodīrghikāseyaṃ śrīmaṇikarṇikā bhagavatī deyātsadā maṅgalam || 3||

एषा धर्मपताकिनी तटरुहासेवावसन्नाकिनीपश्यन्पातकिनी भगीरथतपःसाफल्यदेवाकिनी ।प्रेमारूढपताकिनी गिरिसुता सा केकरास्वाकिनीकाश्यामुत्तरवाहिनी सुरनदी देयात्सदा मङ्गलम् ॥ ४॥

eṣā dharmapatākinī taṭaruhāsevāvasannākinīpaśyanpātakinī bhagīrathatapaḥsāphalyadevākinī |premārūḍhapatākinī girisutā sā kekarāsvākinīkāśyāmuttaravāhinī suranadī deyātsadā maṅgalam || 4||

विघ्नावासनिवासकारणमहागण्डस्थलालम्बितःसिन्दूरारुणपुञ्जचन्द्रकिरणप्रच्छादिनागच्छविः ।श्रीविश्वेश्वरवल्लभो गिरिजया सानन्दकानन्दितःस्मेरास्यस्तव ढुण्ढिराजमुदितो देयात्सदा मङ्गलम् ॥ ५॥

vighnāvāsanivāsakāraṇamahāgaṇḍasthalālambitaḥsindūrāruṇapuñjacandrakiraṇapracchādināgacchaviḥ |śrīviśveśvaravallabho girijayā sānandakānanditaḥsmerāsyastava ḍhuṇḍhirājamudito deyātsadā maṅgalam || 5||

केदारः कलशेश्वरः पशुपतिर्धर्मेश्वरो मध्यमोज्येष्ठेशो पशुपश्च कन्दुकशिवो विघ्नेश्वरो जम्बुकः ।चन्द्रेशो ह्यमृतेश्वरो भृगुशिवः श्रीवृद्धकालेश्वरोमध्येशो मणिकर्णिकेश्वरशिवो देयात्सदा मङ्गलम् ॥ ६॥

kedāraḥ kalaśeśvaraḥ paśupatirdharmeśvaro madhyamojyeṣṭheśo paśupaśca kandukaśivo vighneśvaro jambukaḥ |candreśo hyamṛteśvaro bhṛguśivaḥ śrīvṛddhakāleśvaromadhyeśo maṇikarṇikeśvaraśivo deyātsadā maṅgalam || 6||

गोकर्णस्त्वथ भारभूतनुदनुः श्रीचित्रगुप्तेश्वरोयक्षेशस्तिलपर्णसङ्गमशिवो शैलेश्वरः कश्यपः ।नागेशोऽग्निशिवो निधीश्वरशिवोऽगस्तीश्वरस्तारकज्ञानेशोऽपि पितामहेश्वरशिवो देयात्सदा मङ्गलम् ॥ ७॥

gokarṇastvatha bhārabhūtanudanuḥ śrīcitragupteśvaroyakṣeśastilaparṇasaṅgamaśivo śaileśvaraḥ kaśyapaḥ |nāgeśo'gniśivo nidhīśvaraśivo'gastīśvarastārakajñāneśo'pi pitāmaheśvaraśivo deyātsadā maṅgalam || 7||

ब्रह्माण्डं सकलं मनोषितरसै रत्नैः पयोभिर्हरंखेलैः पूरयते कुटुम्बनिलयान् शम्भोर्विलासप्रदा ।नानादिव्यलताविभूषितवपुः काशीपुराधीश्वरीश्रीविश्वेश्वरसुन्दरी भगवती देयात्सदा मङ्गलम् ॥ ८॥

brahmāṇḍaṃ sakalaṃ manoṣitarasai ratnaiḥ payobhirharaṃkhelaiḥ pūrayate kuṭumbanilayān śambhorvilāsapradā |nānādivyalatāvibhūṣitavapuḥ kāśīpurādhīśvarīśrīviśveśvarasundarī bhagavatī deyātsadā maṅgalam || 8||

या देवी महिषासुरप्रमथनी या चण्डमुण्डापहाया शुम्भासुररक्तबीजदमनी शक्रादिभिः संस्तुता ।या शूलासिधनुःशराभयकरा दुर्गादिसन्दक्षिणामाश्रित्याश्रितविघ्नशंसमयतु देयात्सदा मङ्गलम् ॥ ९॥

yā devī mahiṣāsurapramathanī yā caṇḍamuṇḍāpahāyā śumbhāsuraraktabījadamanī śakrādibhiḥ saṃstutā |yā śūlāsidhanuḥśarābhayakarā durgādisandakṣiṇāmāśrityāśritavighnaśaṃsamayatu deyātsadā maṅgalam || 9||

आद्या श्रीर्विकटा ततस्तु विरजा श्रीमङ्गला पार्वतीविख्याता कमला विशालनयना ज्येष्ठा विशिष्टानना ।कामाक्षी च हरिप्रिया भगवती श्रीघण्टघण्टादिकामौर्या षष्टिसहस्रमातृसहिता देयात्सदा मङ्गलम् ॥ १०॥

ādyā śrīrvikaṭā tatastu virajā śrīmaṅgalā pārvatīvikhyātā kamalā viśālanayanā jyeṣṭhā viśiṣṭānanā |kāmākṣī ca haripriyā bhagavatī śrīghaṇṭaghaṇṭādikāmauryā ṣaṣṭisahasramātṛsahitā deyātsadā maṅgalam || 10||

आदौ पञ्चनदं प्रयागमपरं केदारकुण्डं कुरुक्षेत्रं मानसकं सरोऽमृतजलं शावस्य तीर्थं परम् ।मत्स्योदर्यथ दण्डखाण्डसलिलं मन्दाकिनी जम्बुकंघण्टाकर्णसमुद्रकूपसहितो देयात्सदा मङ्गलम् ॥ ११॥

ādau pañcanadaṃ prayāgamaparaṃ kedārakuṇḍaṃ kurukṣetraṃ mānasakaṃ saro'mṛtajalaṃ śāvasya tīrthaṃ param |matsyodaryatha daṇḍakhāṇḍasalilaṃ mandākinī jambukaṃghaṇṭākarṇasamudrakūpasahito deyātsadā maṅgalam || 11||

रेवाकुण्डजलं सरस्वतिजलं दुर्वासकुण्डं ततोलक्ष्मीतीर्थलवाङ्कुशस्य सलिलं कन्दर्पकुण्डं तथा ।दुर्गाकुण्डमसीजलं हनुमतः कुण्डप्रतापोर्जितःप्रज्ञानप्रमुखानि वः प्रतिदिनं देयात्सदा मङ्गलम् ॥ १२॥

revākuṇḍajalaṃ sarasvatijalaṃ durvāsakuṇḍaṃ tatolakṣmītīrthalavāṅkuśasya salilaṃ kandarpakuṇḍaṃ tathā |durgākuṇḍamasījalaṃ hanumataḥ kuṇḍapratāporjitaḥprajñānapramukhāni vaḥ pratidinaṃ deyātsadā maṅgalam || 12||

आद्यः कूपवरस्तु कालदमनः श्रीवृद्धकूपोऽपरोविख्यातस्तु पराशरस्तु विदितः कूपः सरो मानसः ।जैगीषव्यमुनेः शशाङ्कनृपतेः कूपस्तु धर्मोद्भवःख्यातः सप्तसमुद्रकूपसहितो देयात्सदा मङ्गलम् ॥ १३॥

ādyaḥ kūpavarastu kāladamanaḥ śrīvṛddhakūpo'parovikhyātastu parāśarastu viditaḥ kūpaḥ saro mānasaḥ |jaigīṣavyamuneḥ śaśāṅkanṛpateḥ kūpastu dharmodbhavaḥkhyātaḥ saptasamudrakūpasahito deyātsadā maṅgalam || 13||

लक्ष्यीनायकबिन्दुमाधवहरिर्लक्ष्मीनृसिंहस्ततोगोविन्दस्त्वथ गोपिकाप्रियतमः श्रीनारदः केशवः ।गङ्गाकेशववामनाख्यतदनु श्वेतो हरिः केशवःप्रह्लादादिसमस्तकेशवगणो देयात्सदा मङ्गलम् ॥ १४॥

lakṣyīnāyakabindumādhavaharirlakṣmīnṛsiṃhastatogovindastvatha gopikāpriyatamaḥ śrīnāradaḥ keśavaḥ |gaṅgākeśavavāmanākhyatadanu śveto hariḥ keśavaḥprahlādādisamastakeśavagaṇo deyātsadā maṅgalam || 14||

लोलार्को विमलार्कमायुखरविः संवर्तसंज्ञो रविर्विख्यातो द्रुपदुःखखोल्कमरुणः प्रोक्तोत्तरार्को रविः ।गङ्गार्कस्त्वथ वृद्धवृद्धिविबुधा काशीपुरीसंस्थिताःसूर्या द्वादशसंज्ञकाः प्रतिदिनं देयात्सदा मङ्गलम् ॥ १५॥

lolārko vimalārkamāyukharaviḥ saṃvartasaṃjño ravirvikhyāto drupaduḥkhakholkamaruṇaḥ proktottarārko raviḥ |gaṅgārkastvatha vṛddhavṛddhivibudhā kāśīpurīsaṃsthitāḥsūryā dvādaśasaṃjñakāḥ pratidinaṃ deyātsadā maṅgalam || 15||

आद्यो ढुण्ढिविनायको गणपतिश्चिन्तामणिः सिद्धिदःसेनाविघ्नपतिस्तु वक्त्रवदनः श्रीपाशपाणिः प्रभुः ।आशापक्षविनायकाप्रषकरो मोदादिकः षड्गुणोलोलार्कादिविनायकाः प्रतिदिनं देयात्सदा मङ्गलम् ॥ १६॥

ādyo ḍhuṇḍhivināyako gaṇapatiścintāmaṇiḥ siddhidaḥsenāvighnapatistu vaktravadanaḥ śrīpāśapāṇiḥ prabhuḥ |āśāpakṣavināyakāpraṣakaro modādikaḥ ṣaḍguṇololārkādivināyakāḥ pratidinaṃ deyātsadā maṅgalam || 16||

हेरम्बो नलकूबरो गणपतिः श्रीभीमचण्डीगणोविख्यातो मणिकर्णिकागणपतिः श्रीसिद्धिदो विघ्नपः ।मुण्डश्चण्डमुखश्च कष्टहरणः श्रीदण्डहस्तो गणःश्रीदुर्गाख्यगणाधिपः प्रतिदिनं देयात्सदा मङ्गलम् ॥ १७॥

herambo nalakūbaro gaṇapatiḥ śrībhīmacaṇḍīgaṇovikhyāto maṇikarṇikāgaṇapatiḥ śrīsiddhido vighnapaḥ |muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥśrīdurgākhyagaṇādhipaḥ pratidinaṃ deyātsadā maṅgalam || 17||

आद्यो भैरवभीषणस्तदपरः श्रीकालराजः क्रमाच्छ्रीसंहारकभैरवस्त्वथ रुरुश्चोन्मत्तको भैरवः ।क्रोधश्चण्डकपालभैरववरः श्रीभूतनाथादयोह्यष्टौ भैरवमूर्तयः प्रतिदिनं देयात्सदा मङ्गलम् ॥ १८॥

ādyo bhairavabhīṣaṇastadaparaḥ śrīkālarājaḥ kramācchrīsaṃhārakabhairavastvatha ruruśconmattako bhairavaḥ |krodhaścaṇḍakapālabhairavavaraḥ śrībhūtanāthādayohyaṣṭau bhairavamūrtayaḥ pratidinaṃ deyātsadā maṅgalam || 18||

आधातोऽम्बिकया सह त्रिनयनः सार्धं गणैर्नन्दितांकाशीमाशु विशन् हरः प्रथमतो वार्षध्वजेऽवस्थितः ।आयाता दश धेनवः सुकपिला दिव्यैः पयोभिर्हरंख्यातं तद्वृषभध्वजेन कपिलं देयात्सदा मङ्गलम् ॥ १९॥

ādhāto'mbikayā saha trinayanaḥ sārdhaṃ gaṇairnanditāṃkāśīmāśu viśan haraḥ prathamato vārṣadhvaje'vasthitaḥ |āyātā daśa dhenavaḥ sukapilā divyaiḥ payobhirharaṃkhyātaṃ tadvṛṣabhadhvajena kapilaṃ deyātsadā maṅgalam || 19||

आनन्दाख्यवनं हि चम्पकवनं श्रीनैमिषं खाण्डवंपुण्यं चैत्ररथं त्वशाकविपिनं रम्भावनं पावनम् ।दुर्गारण्यमथोऽपि कैरववनं वृन्दावनं पावनंविख्यातानि वनानि वः प्रतिदिनं देयात्सदा मङ्गलम् ॥ २०॥

ānandākhyavanaṃ hi campakavanaṃ śrīnaimiṣaṃ khāṇḍavaṃpuṇyaṃ caitrarathaṃ tvaśākavipinaṃ rambhāvanaṃ pāvanam |durgāraṇyamatho'pi kairavavanaṃ vṛndāvanaṃ pāvanaṃvikhyātāni vanāni vaḥ pratidinaṃ deyātsadā maṅgalam || 20||

अलिकुलदलनीलः कालदंष्ट्राकरालःसजलजलदनीलो व्यालयज्ञोपवीतः ।अभयवरदहस्तो डामरोद्दामनादःसकलदुरितभक्षो मङ्गलं वो ददातु ॥ २१॥

alikuladalanīlaḥ kāladaṃṣṭrākarālaḥsajalajaladanīlo vyālayajñopavītaḥ |abhayavaradahasto ḍāmaroddāmanādaḥsakaladuritabhakṣo maṅgalaṃ vo dadātu || 21||

अर्धाङ्गे विकटा गिरीन्द्रतनया गौरी सती सुन्दरीसर्वाङ्गे विलसद्विभूतिधवलो कालो विशालेक्षणः ।वीरेशः सहनन्दिभृङ्गिसहितः श्रीविश्वनाथः प्रभुःकाशीमन्दिरसंस्थितोऽखिलगुरुर्देयात्सदा मङ्गलम् ॥ २२॥

ardhāṅge vikaṭā girīndratanayā gaurī satī sundarīsarvāṅge vilasadvibhūtidhavalo kālo viśālekṣaṇaḥ |vīreśaḥ sahanandibhṛṅgisahitaḥ śrīviśvanāthaḥ prabhuḥkāśīmandirasaṃsthito'khilagururdeyātsadā maṅgalam || 22||

यः प्रातः प्रयतः प्रसन्नमनसा प्रेमप्रमोदाकुलःख्यातं तत्र विशिष्टपादभुवनेशेन्द्रादिभिर्यत्स्तुतम् ।प्रातः प्राङ्मुखमासनोत्तमगतो ब्रूयाच्छृणोत्यादरात्काशीवासमुखान्यवाप्य सततं प्रीते शिवे धूर्जटि ॥ २३॥

yaḥ prātaḥ prayataḥ prasannamanasā premapramodākulaḥkhyātaṃ tatra viśiṣṭapādabhuvaneśendrādibhiryatstutam |prātaḥ prāṅmukhamāsanottamagato brūyācchṛṇotyādarātkāśīvāsamukhānyavāpya satataṃ prīte śive dhūrjaṭi || 23||

इति श्रीमच्छङ्कराचार्यविरचितं काशीविश्वनाथस्तोत्रम् ॥

iti śrīmacchaṅkarācāryaviracitaṃ kāśīviśvanāthastotram ||