शिवमहिमाष्टकम् Shri Shivamahima Ashtakam
śivamahimāṣṭakam
Shri Shivamahima Ashtakam (शिवमहिमाष्टकम्): an eight-verse hymn (aṣṭaka) to Śiva, by shrInimbArkapIThAdhIshvara shrIrAdhAsarveshvarasharaNadevAchAryajI mahArAja. 9 verses in Sanskrit with Devanagari and IAST.
- Stotra
- Aṣṭakam
- Śiva
- Ashtaka
शिवमहिमाष्टकम्
1 / 9
सुरवृन्दमुनीश्वरवन्द्यपदो हिमशैलविहारकरो रुचिरः ।अनुरागनिधिर्मणिसर्पधरो जयतीह शिवः शिवरूपधरः ॥ १॥
suravṛndamunīśvaravandyapado himaśailavihārakaro ruciraḥ |anurāganidhirmaṇisarpadharo jayatīha śivaḥ śivarūpadharaḥ || 1||
भवतापविदग्धविपत्तिहरो भवमुक्तिकरो भवनामधरः ।धृतचन्द्रशिरो विषपानकरो जयतीह शिवः शिवरूपधरः ॥ २॥
bhavatāpavidagdhavipattiharo bhavamuktikaro bhavanāmadharaḥ |dhṛtacandraśiro viṣapānakaro jayatīha śivaḥ śivarūpadharaḥ || 2||
निजपार्षदवृन्दजयोच्चरितः करशूलधरोऽभयदानपरः ।जटया परिभूषितदिव्यतमो जयतीह शिवः शिवरूपधरः ॥ ३॥
nijapārṣadavṛndajayoccaritaḥ karaśūladharo'bhayadānaparaḥ |jaṭayā paribhūṣitadivyatamo jayatīha śivaḥ śivarūpadharaḥ || 3||
वृषभाङ्गविराजित उल्लसितः कृपया नितरामुपदेशकरः ।त्वरितं फलदो गणयूथयुतो जयतीह शिवः शिवरूपधरः ॥ ४॥
vṛṣabhāṅgavirājita ullasitaḥ kṛpayā nitarāmupadeśakaraḥ |tvaritaṃ phalado gaṇayūthayuto jayatīha śivaḥ śivarūpadharaḥ || 4||
अहिहारसुशोभित आप्तनुतो समुपास्यमहेश्वर आर्तिहरः ।धृतविष्णुपदीसुजटो मुदितो जयतीह शिवः शिवरूपधरः ॥ ५॥
ahihārasuśobhita āptanuto samupāsyamaheśvara ārtiharaḥ |dhṛtaviṣṇupadīsujaṭo mudito jayatīha śivaḥ śivarūpadharaḥ || 5||
व्रजकृष्णपदाब्जपरागरतो व्रजकुञ्जसखीनवरूपधरः ।व्रजगोपसुरेश उमाधिपतिर्जयतीह शिवः शिवरूपधरः ॥ ६॥
vrajakṛṣṇapadābjaparāgarato vrajakuñjasakhīnavarūpadharaḥ |vrajagopasureśa umādhipatirjayatīha śivaḥ śivarūpadharaḥ || 6||
युगकेलिविलासमहारसिको रसतन्त्रपुराणकथाचतुरः ।रसशास्त्ररसज्ञपटुर्मधुरो जयतीह शिवः शिवरूपधरः ॥ ७॥
yugakelivilāsamahārasiko rasatantrapurāṇakathācaturaḥ |rasaśāstrarasajñapaṭurmadhuro jayatīha śivaḥ śivarūpadharaḥ || 7||
यमपाशभयापहरोऽघहरः प्रबलोऽस्ति महाप्रबलः प्रखरः ।परिपूर्णतमो हरिभक्तिभरो जयतीह शिवः शिवरूपधरः ॥ ८॥
yamapāśabhayāpaharo'ghaharaḥ prabalo'sti mahāprabalaḥ prakharaḥ |paripūrṇatamo haribhaktibharo jayatīha śivaḥ śivarūpadharaḥ || 8||
शिवशान्त्यर्थदं दिव्यं श्रीशिवमहिमाष्टकम् ।राधासर्वेश्वराख्येन शरणान्तेन निर्मितम् ॥इति श्रीनिम्बार्कपीठाधीश्वर श्रीराधासर्वेश्वरशरणदेवाचार्यजीमहाराज द्वारा रचितं श्रीशिवमहिमाष्टकं सम्पूर्णम् ।
śivaśāntyarthadaṃ divyaṃ śrīśivamahimāṣṭakam |rādhāsarveśvarākhyena śaraṇāntena nirmitam ||iti śrīnimbārkapīṭhādhīśvara śrīrādhāsarveśvaraśaraṇadevācāryajīmahārāja dvārā racitaṃ śrīśivamahimāṣṭakaṃ sampūrṇam |
॥ इति शिवमहिमाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Shivamahima Ashtakam?
Shri Shivamahima Ashtakam has 9 verses on this page, each shown with its number, Devanagari text and transliteration, and meaning where available.
Can I read Shri Shivamahima Ashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Shivamahima Ashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Shri Shivamahima Ashtakam?
shrInimbArkapIThAdhIshvara shrIrAdhAsarveshvarasharaNadevAchAryajI mahArAja.
