शिवनीराजनस्तोत्रम् Shri Shivanirajanastotram

ॐ नमः शिवाय ।जय गङ्गाधर हर शिव जय गिरिजाधीशशिव जय गौरीनाथ त्वं मां पालय नित्यंत्वं मां पालय शम्भो कृपया जगदीश ॥ॐ हर हर हर महादेव ॥पारिजातहरिचन्दनकल्पद्रुमनिचयैः शिव कल्प०कुसुमितलतावितानै२र्गुञ्जद्भ्रमरमयैः ।उन्मदकोकिलकूजितशिखिकेकारुचिरैः हर शिखि०सहकारैश्च कदम्बे २ र्भृङ्गवधूमुखरैः ॥ १॥

oṃ namaḥ śivāya |jaya gaṅgādhara hara śiva jaya girijādhīśaśiva jaya gaurīnātha tvaṃ māṃ pālaya nityaṃtvaṃ māṃ pālaya śambho kṛpayā jagadīśa ||oṃ hara hara hara mahādeva ||pārijātaharicandanakalpadrumanicayaiḥ śiva kalpa0kusumitalatāvitānai2rguñjadbhramaramayaiḥ |unmadakokilakūjitaśikhikekāruciraiḥ hara śikhi0sahakāraiśca kadambe 2 rbhṛṅgavadhūmukharaiḥ || 1||

ॐ हर हर हर महादेव ॥मुदितहंसयुगखेलत्सारसपरिवारैः शिव सार०भ्रमरयुवतिमुखराम्बुज २ सुभगैः कासारैः ।हारिणि कलधौताद्रेर्देशे मणिरचिते हर देशे०भवने सुखमासीनं २ चिन्तामणिनिचिते ॥ २॥

oṃ hara hara hara mahādeva ||muditahaṃsayugakhelatsārasaparivāraiḥ śiva sāra0bhramarayuvatimukharāmbuja 2 subhagaiḥ kāsāraiḥ |hāriṇi kaladhautādrerdeśe maṇiracite hara deśe0bhavane sukhamāsīnaṃ 2 cintāmaṇinicite || 2||

ॐ हर हर हर महादेव ॥पीठे गिरिजासहितं चन्द्रकलाधवलं शिवमिन्दुक०विशरणशरणं देवं २ विपत्क्षयप्रबलम् ।सम्पद्विधानरसिकं जगदङ्कुरकन्दं हर जग०प्रणमामो वयमीशं २ चित्परमानन्दम् ॥ ३॥

oṃ hara hara hara mahādeva ||pīṭhe girijāsahitaṃ candrakalādhavalaṃ śivaminduka0viśaraṇaśaraṇaṃ devaṃ 2 vipatkṣayaprabalam |sampadvidhānarasikaṃ jagadaṅkurakandaṃ hara jaga0praṇamāmo vayamīśaṃ 2 citparamānandam || 3||

ॐ हर हर हर महादेव ॥यस्याग्रेस्मरवध्वो विबुधाधिपसहिताः शिव विबु०मुदितमनोहरवेषा २ लास्यकलामहिताः ।ताथै ताथै तथेति विविधं नृत्यन्ति हर विविधंकिङ्किणिनूपुरशिञ्जित २ रुचिरं वल्गन्ति ॥ ४॥

oṃ hara hara hara mahādeva ||yasyāgresmaravadhvo vibudhādhipasahitāḥ śiva vibu0muditamanoharaveṣā 2 lāsyakalāmahitāḥ |tāthai tāthai tatheti vividhaṃ nṛtyanti hara vividhaṃkiṅkiṇinūpuraśiñjita 2 ruciraṃ valganti || 4||

ॐ हर हर हर महादेव ॥तान्धिक धिनकित्थथेति विविधं वादयते शिव विविधंमृदङ्गममरी काचित् २ रुचिरं नादयते ।वीणां काचिद्रमणी गानविदाभरणा हर गान०गायति कलमपराचित् २ चिन्तितहरचरणा ॥ ५॥

oṃ hara hara hara mahādeva ||tāndhika dhinakitthatheti vividhaṃ vādayate śiva vividhaṃmṛdaṅgamamarī kācit 2 ruciraṃ nādayate |vīṇāṃ kācidramaṇī gānavidābharaṇā hara gāna0gāyati kalamaparācit 2 cintitaharacaraṇā || 5||

ॐ हर हर हर महादेव ॥रमया सहितो विष्णुर्ब्रह्मा सावित्र्या शिव ब्रह्मा०जिष्णुर्नृत्यति भक्त्या २ मुदितमनाः शच्या ।तुम्बुरुरुचितं मुरजं विविधं वादयते हर विविधं०नारदमुनिरपि वीणां २ महतीं नादयते ॥ ६॥

oṃ hara hara hara mahādeva ||ramayā sahito viṣṇurbrahmā sāvitryā śiva brahmā0jiṣṇurnṛtyati bhaktyā 2 muditamanāḥ śacyā |tumbururucitaṃ murajaṃ vividhaṃ vādayate hara vividhaṃ0nāradamunirapi vīṇāṃ 2 mahatīṃ nādayate || 6||

ॐ हर हर हर महादेव ॥तं प्रसन्नवदनं प्रभुमिन्दुकलाभरणं शिवमिन्दु०प्रणमामः करुणाब्धिं २ तापत्रयहरणम् ।देवासुरमणिमुकुटैर्नीराजितचरणं हर नीरा०भक्ताभीष्टदकल्पं २ कातरजनशरणम् ॥ ७॥

oṃ hara hara hara mahādeva ||taṃ prasannavadanaṃ prabhumindukalābharaṇaṃ śivamindu0praṇamāmaḥ karuṇābdhiṃ 2 tāpatrayaharaṇam |devāsuramaṇimukuṭairnīrājitacaraṇaṃ hara nīrā0bhaktābhīṣṭadakalpaṃ 2 kātarajanaśaraṇam || 7||

ॐ हर हर हर महादेव ॥जटाकिरीटे गङ्गां चन्द्रकलां भाले शिवमिन्दुकलां०नेत्रेष्विन्दुशिखीना २ नधरे स्मितममले ।कण्ठे गरलं पाणौ वरमभयं शूलं हर वर०पीयूषं कटिदेशे २ कृत्तिं च दुकूलम् ॥ ८॥

oṃ hara hara hara mahādeva ||jaṭākirīṭe gaṅgāṃ candrakalāṃ bhāle śivamindukalāṃ0netreṣvinduśikhīnā 2 nadhare smitamamale |kaṇṭhe garalaṃ pāṇau varamabhayaṃ śūlaṃ hara vara0pīyūṣaṃ kaṭideśe 2 kṛttiṃ ca dukūlam || 8||

ॐ हर हर हर महादेव ॥श्रीगिरिराजकिशोरीमङ्के निदधानं शिवमङ्के०निखिलसुरासुरमौलीन् २ चरणेऽमितदानम् ।शम्भुं तडिदभिगौरं कृतनागाभरणं हर कृत०भजति स गच्छति मुक्तिं २ तिमिरापाकरणम् ॥ ९॥

oṃ hara hara hara mahādeva ||śrīgirirājakiśorīmaṅke nidadhānaṃ śivamaṅke0nikhilasurāsuramaulīn 2 caraṇe'mitadānam |śambhuṃ taḍidabhigauraṃ kṛtanāgābharaṇaṃ hara kṛta0bhajati sa gacchati muktiṃ 2 timirāpākaraṇam || 9||

ॐ हर हर हर महादेव ॥निरुपधिकरुणासिन्धुर्भीतत्राणपरः शिव भीत०दुःखक्षतये भूयात् २ कातरबन्धुवरः ।यः श्वेतं यमभीतं स्मृतमात्रोऽरक्षत् हर स्मृतमा०मा भैषीरिति वादी २ कालं समतक्षत् ॥ १०॥

oṃ hara hara hara mahādeva ||nirupadhikaruṇāsindhurbhītatrāṇaparaḥ śiva bhīta0duḥkhakṣataye bhūyāt 2 kātarabandhuvaraḥ |yaḥ śvetaṃ yamabhītaṃ smṛtamātro'rakṣat hara smṛtamā0mā bhaiṣīriti vādī 2 kālaṃ samatakṣat || 10||

ॐ हर हर हर महादेव ॥आनन्दाय महेशो युष्माकं भवतात् शिव युष्माकं०जन्मजरामृतिशोकात् २ करुणानिधिरवतात् ।येन सुरासुरनिवहस्त्रातो विषभीतो हर त्रातोनीलकण्ठ इति भूयो २ निगमगणैर्गीतः ॥ ११॥

oṃ hara hara hara mahādeva ||ānandāya maheśo yuṣmākaṃ bhavatāt śiva yuṣmākaṃ0janmajarāmṛtiśokāt 2 karuṇānidhiravatāt |yena surāsuranivahastrāto viṣabhīto hara trātonīlakaṇṭha iti bhūyo 2 nigamagaṇairgītaḥ || 11||

ॐ हर हर हर महादेव ॥यः सृष्ट्यादिविधानं ब्रह्माच्युतरुद्रैः शिव ब्रह्मानिजरूपैस्तनुते यो २ दुर्ज्ञेयः क्षुद्रैः ।तं प्रकाशसुखमच्छं बाधावधिमीशं हर बाधा०तनुभेदैरिव भिन्नं २ श्रयत धियामीशम् ॥ १२॥

oṃ hara hara hara mahādeva ||yaḥ sṛṣṭyādividhānaṃ brahmācyutarudraiḥ śiva brahmānijarūpaistanute yo 2 durjñeyaḥ kṣudraiḥ |taṃ prakāśasukhamacchaṃ bādhāvadhimīśaṃ hara bādhā0tanubhedairiva bhinnaṃ 2 śrayata dhiyāmīśam || 12||

ॐ हर हर हर महादेव ॥॥ ॐ शान्तिः शान्तिः शान्तिः ॥इति श्रीहृषीकेशकैलासनिवासिविद्वद्वरिष्ठब्रह्मनिष्ठपरमहंसपरिव्राजकाचार्य्य १०८ श्रीमत्स्वामिप्रकाशानन्दपुरीभिर्विनिर्मितं शिवनीराजनस्तोत्रं सम्पूर्णम् ॥कल्पद्रुमनिचयैः शिव कल्प० मेअन्स्कल्पद्रुमनिचयैः शिव कल्पद्रुमनिचयैःकिङ्किणिनूपुरशिञ्जित २ रुचिरं वल्गन्ति मेअन्स्किङ्किणिनूपुरशिञ्जित किङ्किणिनूपुरशिञ्जित रुचिरं वल्गन्ति

oṃ hara hara hara mahādeva |||| oṃ śāntiḥ śāntiḥ śāntiḥ ||iti śrīhṛṣīkeśakailāsanivāsividvadvariṣṭhabrahmaniṣṭhaparamahaṃsaparivrājakācāryya 108 śrīmatsvāmiprakāśānandapurībhirvinirmitaṃ śivanīrājanastotraṃ sampūrṇam ||kalpadrumanicayaiḥ śiva kalpa0 meanskalpadrumanicayaiḥ śiva kalpadrumanicayaiḥkiṅkiṇinūpuraśiñjita 2 ruciraṃ valganti meanskiṅkiṇinūpuraśiñjita kiṅkiṇinūpuraśiñjita ruciraṃ valganti