शिवपञ्चचामरस्तोत्रम् अथवा रजतसभेशस्तोत्रम् Shri Shivapanchachamara Stotram

सुवर्णपद्मिनीतटान्तदिव्यहर्म्यवासिनेसुपर्णवाहनप्रियाय सूर्यकोटितेजसे ।अपर्णया विहारिणे फणाधरेन्द्रधारिणेसदा नमः शिवाय ते सदाशिवाय शम्भवे ॥ १॥

suvarṇapadminītaṭāntadivyaharmyavāsinesuparṇavāhanapriyāya sūryakoṭitejase |aparṇayā vihāriṇe phaṇādharendradhāriṇesadā namaḥ śivāya te sadāśivāya śambhave || 1||

सुतुङ्गभङ्गजह्नुजासुधांशुखण्डमौलयेपतङ्गपङ्कजासुहृत्कृपीटयोनिचक्षुषे ।भुजङ्गराजकुण्डलाय पुण्यकालिबन्धवेसदा नमः शिवाय ते सदाशिवाय शम्भवे ॥ २॥

sutuṅgabhaṅgajahnujāsudhāṃśukhaṇḍamaulayepataṅgapaṅkajāsuhṛtkṛpīṭayonicakṣuṣe |bhujaṅgarājakuṇḍalāya puṇyakālibandhavesadā namaḥ śivāya te sadāśivāya śambhave || 2||

चतुर्मुखाननारविन्दवेदगीतभूतयेचतुर्भुजानुजाशरीरशोभमानमूर्तये ।चतुर्गुणद्विरष्टकप्रकारचित्रकेलयेसदा नमः शिवाय ते सदाशिवाय शम्भवे ॥ ३॥

caturmukhānanāravindavedagītabhūtayecaturbhujānujāśarīraśobhamānamūrtaye |caturguṇadviraṣṭakaprakāracitrakelayesadā namaḥ śivāya te sadāśivāya śambhave || 3||

शरन्निशाकरप्रकाशमन्दहासमञ्जुलाधरप्रवालभासमानवक्त्रमण्डलश्रिये ।करस्फुरत्कपालमुक्तविष्णुरक्तपायिनेसदा नमः शिवाय ते सदाशिवाय शम्भवे ॥ ४॥

śaranniśākaraprakāśamandahāsamañjulādharapravālabhāsamānavaktramaṇḍalaśriye |karasphuratkapālamuktaviṣṇuraktapāyinesadā namaḥ śivāya te sadāśivāya śambhave || 4||

सहस्रपुण्डरीकपूजनैकशून्यदर्शनासहस्वनेत्रकल्पितार्चनाच्युताय भक्तितः ।सहस्रभानुमण्डलप्रकाशचक्रदायिनेसदा नमः शिवाय ते सदाशिवाय शम्भवे ॥ ५॥

sahasrapuṇḍarīkapūjanaikaśūnyadarśanāsahasvanetrakalpitārcanācyutāya bhaktitaḥ |sahasrabhānumaṇḍalaprakāśacakradāyinesadā namaḥ śivāya te sadāśivāya śambhave || 5||

सहस्रहल्लवीरभद्रसिंहनादगर्जिताश्रुतिप्रभेददक्षयागभो??स्मना ।(??)सदा नमः शिवाय ते सदाशिवाय शम्भवे ॥ ६॥

sahasrahallavīrabhadrasiṃhanādagarjitāśrutiprabhedadakṣayāgabho??smanā |(??)sadā namaḥ śivāya te sadāśivāya śambhave || 6||

रसारथाय रम्यपत्रभृद्रथाङ्गपाणयेधराधरेन्द्रचापशिञ्जिनीकृतानिलाशिने ।सुसारथीकृतानुजानु वेदरूपवादिनेसदा नमः शिवाय ते सदाशिवाय शम्भवे ॥ ७॥

rasārathāya ramyapatrabhṛdrathāṅgapāṇayedharādharendracāpaśiñjinīkṛtānilāśine |susārathīkṛtānujānu vedarūpavādinesadā namaḥ śivāya te sadāśivāya śambhave || 7||

मृकण्डुसूनुरक्षणावधूतदण्डपाणयेसुखण्डमण्डलस्फुरत्प्रभाजितामृतांशवे ।अखण्डभोगसम्पदर्थलोकभावितात्मनेसदा नमः शिवाय ते सदाशिवाय शम्भवे ॥ ८॥

mṛkaṇḍusūnurakṣaṇāvadhūtadaṇḍapāṇayesukhaṇḍamaṇḍalasphuratprabhājitāmṛtāṃśave |akhaṇḍabhogasampadarthalokabhāvitātmanesadā namaḥ śivāya te sadāśivāya śambhave || 8||

मधुरिपुविधुशक्रमुख्यदेवैरपि नियमार्चितपादपङ्कजाय ।कनकगिरिशरासनाय तुभ्यंरजतसभापतये नमः शिवाय ॥ ९॥

madhuripuvidhuśakramukhyadevairapi niyamārcitapādapaṅkajāya |kanakagiriśarāsanāya tubhyaṃrajatasabhāpataye namaḥ śivāya || 9||

॥ इति श्रीशिवपञ्चचामरस्तोत्रं सम्पूर्णम् ॥

|| iti śrīśivapañcacāmarastotraṃ sampūrṇam ||