शिवस्तुतिः १६ Shivastutih

(पारमेश्वरागमान्तर्गते)नमः शिवाय रुद्राय नम ओङ्काररूपिणे ।भक्तस्थलस्वरूपाय शिवलिङ्गाय ते नमः ॥ १॥

(pārameśvarāgamāntargate)namaḥ śivāya rudrāya nama oṅkārarūpiṇe |bhaktasthalasvarūpāya śivaliṅgāya te namaḥ || 1||

गजचर्माम्बरभृते व्याघ्रचर्मधराय ते ।महेशस्थलरूपाय शिवलिङ्गाय ते नमः ॥ २॥

gajacarmāmbarabhṛte vyāghracarmadharāya te |maheśasthalarūpāya śivaliṅgāya te namaḥ || 2||

कपर्दिने सकलाय ककुद्भिध्वजशोभिने ।प्रसादस्थलरूपाय शिवलिङ्गाय ते नमः ॥ ३॥

kapardine sakalāya kakudbhidhvajaśobhine |prasādasthalarūpāya śivaliṅgāya te namaḥ || 3||

नमः परमात्मने तुभ्यं प्राणलिङ्गस्थलात्मने ।शुद्धस्फटिकवर्णाय शिवलिङ्गाय ते नमः ॥ ४॥

namaḥ paramātmane tubhyaṃ prāṇaliṅgasthalātmane |śuddhasphaṭikavarṇāya śivaliṅgāya te namaḥ || 4||

नीलकण्ठाय नित्याय निर्मलाय परात्मने ।शरणस्थलरूपाय शिवलिङ्गाय ते नमः ॥ ५॥

nīlakaṇṭhāya nityāya nirmalāya parātmane |śaraṇasthalarūpāya śivaliṅgāya te namaḥ || 5||

त्रिशूलमृगहस्ताय कुठारभयपाणये ।शिवलिङ्गैकरूपाय शिवलिङ्गाय ते नमः ॥ ६॥

triśūlamṛgahastāya kuṭhārabhayapāṇaye |śivaliṅgaikarūpāya śivaliṅgāya te namaḥ || 6||

नमो दक्षमखान्ताय नमोऽन्धकविघातिने ।नमः सर्वज्ञरूपाय शिवलिङ्गाय ते नमः ॥ ७॥

namo dakṣamakhāntāya namo'ndhakavighātine |namaḥ sarvajñarūpāya śivaliṅgāya te namaḥ || 7||

पार्वतीशाय पृथवे पराय परमेष्ठिने ।नमस्ते नित्यतृप्ताय शिवलिङ्गाय ते नमः ॥ ८॥

pārvatīśāya pṛthave parāya parameṣṭhine |namaste nityatṛptāya śivaliṅgāya te namaḥ || 8||

नमस्ते वेदरूपाय नमः कन्थानिषङ्गिणे ।नमस्त्वनादिबोधाय शिवलिङ्गाय ते नमः ॥ ९॥

namaste vedarūpāya namaḥ kanthāniṣaṅgiṇe |namastvanādibodhāya śivaliṅgāya te namaḥ || 9||

नाटिताखिलभूताय नगजार्धशरीरिणे ।नमः स्वतन्त्रतन्त्राय शिवलिङ्गाय ते नमः ॥ १०॥

nāṭitākhilabhūtāya nagajārdhaśarīriṇe |namaḥ svatantratantrāya śivaliṅgāya te namaḥ || 10||

नमः शशाङ्कचूडाय शशङ्कायुतरोचिषे ।अलुप्तशक्तये नित्यं शिवलिङ्गाय ते नमः ॥ ११॥

namaḥ śaśāṅkacūḍāya śaśaṅkāyutarociṣe |aluptaśaktaye nityaṃ śivaliṅgāya te namaḥ || 11||

नमः कैलासवासाय नमस्ते पुरघातिने ।नमोऽस्त्वनन्तशक्ताय शिवलिङ्गाय ते नमः ॥ १२॥

namaḥ kailāsavāsāya namaste puraghātine |namo'stvanantaśaktāya śivaliṅgāya te namaḥ || 12||

निःश्वासोत्पन्नवेदाय साश्वी(क्षि)भूतत्रयीमते । (श्वाश्वी)नमस्ते भक्तिरूपाय शिवलिङ्गाय ते नमः ॥ १३॥

niḥśvāsotpannavedāya sāśvī(kṣi)bhūtatrayīmate | (śvāśvī)namaste bhaktirūpāya śivaliṅgāya te namaḥ || 13||

कमलोद्भववन्द्याय कपर्दिन् जटिने नमः ।कर्मक्षयात्मने तुभ्यं शिवलिङ्गाय ते नमः ॥ १४॥

kamalodbhavavandyāya kapardin jaṭine namaḥ |karmakṣayātmane tubhyaṃ śivaliṅgāya te namaḥ || 14||

नमो गणेशपुत्राय नमस्ते स्कन्दसूनवे ।नमो बुद्धिस्वरूपाय शिवलिङ्गाय ते नमः ॥ १५॥

namo gaṇeśaputrāya namaste skandasūnave |namo buddhisvarūpāya śivaliṅgāya te namaḥ || 15||

गङ्गाधराय गोभर्त्रे गौरीवक्त्रावलोकिने ।नमो विचाररूपाय शिवलिङ्गाय ते नमः ॥ १६॥

gaṅgādharāya gobhartre gaurīvaktrāvalokine |namo vicārarūpāya śivaliṅgāya te namaḥ || 16||

विश्वेश्वराय विश्वाय विश्वरूपाय वेधसे ।दर्पक्षयस्वरूपाय शिवलिङ्गाय ते नमः ॥ १७॥

viśveśvarāya viśvāya viśvarūpāya vedhase |darpakṣayasvarūpāya śivaliṅgāya te namaḥ || 17||

सर्वसधाराय सर्वाय सर्वोत्पत्तिलयात्मने ।सम्यग्ज्ञानस्वरूपाय शिवलिङ्गाय ते नमः ॥ १८॥

sarvasadhārāya sarvāya sarvotpattilayātmane |samyagjñānasvarūpāya śivaliṅgāya te namaḥ || 18||

मृत्युञ्जयाय रुद्राय त्र्यम्बकाय त्रिमूर्तये ।महावीर्याय वीराय शिवलिङ्गाय ते नमः ॥ १९॥

mṛtyuñjayāya rudrāya tryambakāya trimūrtaye |mahāvīryāya vīrāya śivaliṅgāya te namaḥ || 19||

वेदवेदान्तवेद्याय वेदार्थाय विवेकिने ।महसे यशसे तुभ्यं शिवलिङ्गाय ते नमः ॥ २०॥

vedavedāntavedyāya vedārthāya vivekine |mahase yaśase tubhyaṃ śivaliṅgāya te namaḥ || 20||

सोमसूर्याग्निनेत्राय नमस्ते त्वष्टमूर्तये ।नमो महाश्रीरूपाय शिवलिङ्गाय ते नमः ॥ २१॥

somasūryāgninetrāya namaste tvaṣṭamūrtaye |namo mahāśrīrūpāya śivaliṅgāya te namaḥ || 21||

निराकाराय कवये कारणाय कलात्मने ।नित्यज्ञानस्वरूपाय शिवलिङ्गाय ते नमः ॥ २२॥

nirākārāya kavaye kāraṇāya kalātmane |nityajñānasvarūpāya śivaliṅgāya te namaḥ || 22||

सूर्यकोटिप्रकाशाय सूक्षमाय सुखरूपिणे ।शुद्धवैराग्यरूपाय शिवलिङ्गाय ते नमः ॥ २३॥

sūryakoṭiprakāśāya sūkṣamāya sukharūpiṇe |śuddhavairāgyarūpāya śivaliṅgāya te namaḥ || 23||

नमः षड्भाग्यरूपाय नमः षड्भाग्यदायिने ।मुक्तये मुक्तिसन्धात्रे शिवलिङ्गाय ते नमः ॥ २४॥

namaḥ ṣaḍbhāgyarūpāya namaḥ ṣaḍbhāgyadāyine |muktaye muktisandhātre śivaliṅgāya te namaḥ || 24||

अतीतत्र्यष्टतत्त्वाय त्र्यष्टतत्त्वस्वरूपिणे ।पञ्चविंशात्मतत्त्वाय शिवलिङ्गाय ते नमः ॥ २५॥

atītatryaṣṭatattvāya tryaṣṭatattvasvarūpiṇe |pañcaviṃśātmatattvāya śivaliṅgāya te namaḥ || 25||

वरदमृगकुठाराभीतिहस्ताम्बुजायस्फुटमुकुटविराजच्चन्द्रमःशेखराय ।मृदुलविमलदूर्वाश्लिष्टभुभृत्सुतायप्रणवमय नमः श्रीशङ्करायों नमस्ते ॥ २६॥

varadamṛgakuṭhārābhītihastāmbujāyasphuṭamukuṭavirājaccandramaḥśekharāya |mṛdulavimaladūrvāśliṣṭabhubhṛtsutāyapraṇavamaya namaḥ śrīśaṅkarāyoṃ namaste || 26||

फलश्रुतिःइति स्तुवीत यो भक्त्या त्रिसन्ध्यं प्रत्यहं शिवे ।तद्दृष्टिगोचराः सर्वे शिवा एव न संशयः ॥ २७॥

phalaśrutiḥiti stuvīta yo bhaktyā trisandhyaṃ pratyahaṃ śive |taddṛṣṭigocarāḥ sarve śivā eva na saṃśayaḥ || 27||

एतद्विजानतो देवि नान्यदस्ति ततः परम् ।ज्ञातव्यं परतत्त्वाख्यं सोऽहमेव न संशयः ॥ २८॥

etadvijānato devi nānyadasti tataḥ param |jñātavyaṃ paratattvākhyaṃ so'hameva na saṃśayaḥ || 28||

अनेन स्तवराजेन भावयेन्मामधीश्वरम् ।देहान्ते सर्वमाप्नोति मम सायुज्यमव्ययम् ॥ २९॥

anena stavarājena bhāvayenmāmadhīśvaram |dehānte sarvamāpnoti mama sāyujyamavyayam || 29||

विचारयेदेतदर्थं सम्यग् गुरुमुखाच्छिवे ।न स भूयो निपतति संसारे दुःखसागरे ॥ ३०॥

vicārayedetadarthaṃ samyag gurumukhācchive |na sa bhūyo nipatati saṃsāre duḥkhasāgare || 30||

परित्यज्यापि सर्वस्वं सर्वयत्नेन सर्वदा ।सर्वदा वर्तयेदेतद् यदीच्छेत् सुखमात्मनः ॥ ३१॥

parityajyāpi sarvasvaṃ sarvayatnena sarvadā |sarvadā vartayedetad yadīcchet sukhamātmanaḥ || 31||

॥ इति श्रीपारमेश्वरागमान्तर्गते शिवस्तुतिः सम्पूर्णा ॥

|| iti śrīpārameśvarāgamāntargate śivastutiḥ sampūrṇā ||