शिवस्तुतिश्लोकाः Shivastutishlokah

बालःगौरीमनोहरपदाम्बुजमादरेण वन्देमुकुन्दनयनाम्बुजपूजितं मे ।आनन्दसुन्दरमरन्दविनोदधाराधारावरं सुखदमाशु मुहुः स्मरामि ॥ १६\।४॥उमाकटितटस्फुरत्करिवराननालोकनप्रसन्नहृदयं धिया सदयमिन्दुचूडं मृडम् ।उमापरिबृढं भजे भजनमातृदत्तेप्सितंस्मिताननमनामयं प्रियमुमासहायं मुदा ॥ १६\।४॥राज्ञीहारोपहारपरिकल्पितनीरधारामाहारमेत्य कुरुतोदरपूरणाय ।विश्वेश्वरस्मरणमेव करोमि चित्तेकृत्वा शिवापतिपदाम्बुजमादरेण ॥ १८\।११३॥रतिपतिहितभूतक्रोडया क्रीडयाऽलंरमणिचरणघातैः तत्करावेष्टनैश्च ।अलमलमनुवेलं कालकालाबलायाःचरणकमलशोभामेव नित्यं स्मरामि ॥ १८\।११४॥गौरीमनोहरपदाम्बुजमादरेण स्मृत्वातरन्ति खलु पातकपावकाधीन् ।तस्मादनन्यशरणः शिवपादपद्मंपद्मापतिप्रियमहं शरणं व्रजामि ॥ १८\।११५॥नान्यन्मनोहरमघापहमस्ति लोकेगौरीमनोहरपदाम्बुरुहं विहाय ।तत्केवलं शरणमित्यहमादरेण स्मृत्वावसामि विपिने शिवमन्दिरेषु ॥ १८\।११६॥संसारदुःखमघकोटिकुलाकुलत्वात्त्याज्यं मनागपि न तेन सुखं कदापि ।जन्मव्यपायकरणं परमिन्दुमौलिपादारविन्दभजनं प्रवदन्ति धीराः ॥ १८\।११७॥अहो महापातकराशिकोटितूलानलः शङ्करलिङ्गपूजा ।सा दुर्लभा भाग्यवशेन लोके तपस्यया स्यात् सुलभा विमुक्त्यै ॥ १८\।१२१॥चित्रकेतुःभवानीपते पाहि पाहि त्रिशूलिन् भवत्पादुकाराधका लोकनेन ।मनो मे प्रवृत्तं भवत्पादपद्मे प्रणासप्रवाहस्तवायं महेश ॥ २२\।९७॥सत्यमूर्तिःप्रभावमीशार्चनतत्पराणां वक्तुं न शक्तोऽस्ति न वेदराशिः ।श्रान्ताश्च वेदान्तविचारतान्तास्ते शाङ्कराराधनसेवकाः स्युः ॥ ४६\।२१०॥धन्यं चित्तं शङ्करध्यानलोलं धन्ये नेत्रे लिङ्गसन्दर्शनेन ।धन्यौ हस्त लिङ्गसम्पूजनाद्यैः धन्या जिह्वा शाङ्गसङ्कीर्तनेन ॥ ४६\।२१३॥

bālaḥgaurīmanoharapadāmbujamādareṇa vandemukundanayanāmbujapūjitaṃ me |ānandasundaramarandavinodadhārādhārāvaraṃ sukhadamāśu muhuḥ smarāmi || 16\|4||umākaṭitaṭasphuratkarivarānanālokanaprasannahṛdayaṃ dhiyā sadayaminducūḍaṃ mṛḍam |umāparibṛḍhaṃ bhaje bhajanamātṛdattepsitaṃsmitānanamanāmayaṃ priyamumāsahāyaṃ mudā || 16\|4||rājñīhāropahāraparikalpitanīradhārāmāhārametya kurutodarapūraṇāya |viśveśvarasmaraṇameva karomi cittekṛtvā śivāpatipadāmbujamādareṇa || 18\|113||ratipatihitabhūtakroḍayā krīḍayā'laṃramaṇicaraṇaghātaiḥ tatkarāveṣṭanaiśca |alamalamanuvelaṃ kālakālābalāyāḥcaraṇakamalaśobhāmeva nityaṃ smarāmi || 18\|114||gaurīmanoharapadāmbujamādareṇa smṛtvātaranti khalu pātakapāvakādhīn |tasmādananyaśaraṇaḥ śivapādapadmaṃpadmāpatipriyamahaṃ śaraṇaṃ vrajāmi || 18\|115||nānyanmanoharamaghāpahamasti lokegaurīmanoharapadāmburuhaṃ vihāya |tatkevalaṃ śaraṇamityahamādareṇa smṛtvāvasāmi vipine śivamandireṣu || 18\|116||saṃsāraduḥkhamaghakoṭikulākulatvāttyājyaṃ manāgapi na tena sukhaṃ kadāpi |janmavyapāyakaraṇaṃ paramindumaulipādāravindabhajanaṃ pravadanti dhīrāḥ || 18\|117||aho mahāpātakarāśikoṭitūlānalaḥ śaṅkaraliṅgapūjā |sā durlabhā bhāgyavaśena loke tapasyayā syāt sulabhā vimuktyai || 18\|121||citraketuḥbhavānīpate pāhi pāhi triśūlin bhavatpādukārādhakā lokanena |mano me pravṛttaṃ bhavatpādapadme praṇāsapravāhastavāyaṃ maheśa || 22\|97||satyamūrtiḥprabhāvamīśārcanatatparāṇāṃ vaktuṃ na śakto'sti na vedarāśiḥ |śrāntāśca vedāntavicāratāntāste śāṅkarārādhanasevakāḥ syuḥ || 46\|210||dhanyaṃ cittaṃ śaṅkaradhyānalolaṃ dhanye netre liṅgasandarśanena |dhanyau hasta liṅgasampūjanādyaiḥ dhanyā jihvā śāṅgasaṅkīrtanena || 46\|213||

॥ इति शिवरहस्यान्तर्गते हराख्ये शिवस्तुतिश्लोकाः सम्पूर्णाः ॥॥ श्रीशिवरहस्यम् । हराख्यः तृतीयांशः । उत्तरार्धम् । वावृत्तश्लोकाः ॥

|| iti śivarahasyāntargate harākhye śivastutiślokāḥ sampūrṇāḥ |||| śrīśivarahasyam | harākhyaḥ tṛtīyāṃśaḥ | uttarārdham | vāvṛttaślokāḥ ||

– ॥ श्रीशिवरहस्यम् ।हराख्यः तृतीयांशः ।उत्तरार्धम् ।वावृत्तश्लोकाः ॥

– || śrīśivarahasyam |harākhyaḥ tṛtīyāṃśaḥ |uttarārdham |vāvṛttaślokāḥ ||