शिवस्तुतिः ०१ Shivastutih By Shukra

शुक्र उवाच ।नमोऽस्तुशितिकण्ठाय कनिष्ठाय सुवर्चसे ।लेलिहानाय काव्याय वत्सरायान्धसः पते ॥ १॥

śukra uvāca |namo'stuśitikaṇṭhāya kaniṣṭhāya suvarcase |lelihānāya kāvyāya vatsarāyāndhasaḥ pate || 1||

कपर्दिने करालाय हर्यक्ष्णे वरदाय च ।संस्तुताय सुतीर्थाय देवदेवाय रंहसे ॥ २॥

kapardine karālāya haryakṣṇe varadāya ca |saṃstutāya sutīrthāya devadevāya raṃhase || 2||

उष्णीषिणे सुवक्त्राय बहुरूपाय वेधसे ।वसुरेताय रुद्राय तपसे चित्रवाससे ॥ ३॥

uṣṇīṣiṇe suvaktrāya bahurūpāya vedhase |vasuretāya rudrāya tapase citravāsase || 3||

ह्रस्वाय व्युप्तकेशाय सेनान्ये रोहिताय च ।कवये राजवृक्षाय तक्षकक्रीडनाय च ॥ ४॥

hrasvāya vyuptakeśāya senānye rohitāya ca |kavaye rājavṛkṣāya takṣakakrīḍanāya ca || 4||

सहस्रशिरसे चैव सहस्राक्षाय मीढुषे ।वराय भव्यरूपाय श्वेताय पुरुषाय च ॥ ५॥

sahasraśirase caiva sahasrākṣāya mīḍhuṣe |varāya bhavyarūpāya śvetāya puruṣāya ca || 5||

गिरशाय नमोऽर्काय बलिने आज्यपाय च ।सुतृप्ताय सुवस्त्राय धन्विने भार्गवाय च ॥ ६॥

giraśāya namo'rkāya baline ājyapāya ca |sutṛptāya suvastrāya dhanvine bhārgavāya ca || 6||

निषङ्गिणे च ताराय स्वक्षाय क्षपणाय च ।ताम्राय चैव भीमाय उग्राय च शिवाय च ॥ ७॥

niṣaṅgiṇe ca tārāya svakṣāya kṣapaṇāya ca |tāmrāya caiva bhīmāya ugrāya ca śivāya ca || 7||

महादेवाय शर्वाय विश्वरूपशिवाय च ।हिरण्याय वरिष्ठाय ज्येष्ठाय मध्यमाय च ॥ ८॥

mahādevāya śarvāya viśvarūpaśivāya ca |hiraṇyāya variṣṭhāya jyeṣṭhāya madhyamāya ca || 8||

वास्तोष्पते पिनाकाय मुक्तये केवलाय च ।मृगव्याधाय दक्षाय स्थाणवे भाषणाय च ॥ ९॥

vāstoṣpate pinākāya muktaye kevalāya ca |mṛgavyādhāya dakṣāya sthāṇave bhāṣaṇāya ca || 9||

बहुनेत्राय धुर्य्याय त्रिनेत्रायेश्वराय च ।कपालिने च वीराय मृत्यवे त्र्यम्बकाय च ॥ १०॥

bahunetrāya dhuryyāya trinetrāyeśvarāya ca |kapāline ca vīrāya mṛtyave tryambakāya ca || 10||

बभ्रवे च पिशङ्गाय पिङ्गलायारुणाय च ।पिनाकिने चेषुमते चित्राय रोहिताय च ॥ ११॥

babhrave ca piśaṅgāya piṅgalāyāruṇāya ca |pinākine ceṣumate citrāya rohitāya ca || 11||

दुन्दुभ्यायैकपादाय अजाय बुद्धिदाय च ।आरण्याय गृहस्थाय यतये ब्रह्मचारिणे ॥ १२॥

dundubhyāyaikapādāya ajāya buddhidāya ca |āraṇyāya gṛhasthāya yataye brahmacāriṇe || 12||

साङ्ख्याय चैव योगाय व्यापिने दीक्षिताय च ।अनाहताय शर्वाय भव्येशाय यमाय च ॥ १३॥

sāṅkhyāya caiva yogāya vyāpine dīkṣitāya ca |anāhatāya śarvāya bhavyeśāya yamāya ca || 13||

रोधसे चेकितानाय ब्रह्मिष्ठाय महर्षये ।चतुष्पदाय मेध्याय रक्षिणे शीघ्रगाय च ॥ १४॥

rodhase cekitānāya brahmiṣṭhāya maharṣaye |catuṣpadāya medhyāya rakṣiṇe śīghragāya ca || 14||

शिखण्डिने करालाय दंष्ट्रिणे विश्ववेधसे ।भास्वराय प्रतीताय सुदीप्ताय सुमेधसे ॥ १५॥

śikhaṇḍine karālāya daṃṣṭriṇe viśvavedhase |bhāsvarāya pratītāya sudīptāya sumedhase || 15||

क्रूरायाविकृतायैव भीषणाय शिवाय च ।सौम्याय चैव मुख्याय धार्मिकाय शुभायच ॥ १६॥

krūrāyāvikṛtāyaiva bhīṣaṇāya śivāya ca |saumyāya caiva mukhyāya dhārmikāya śubhāyaca || 16||

अवध्यायामृतायैव नित्याय शाश्वताय च ।व्यापृताय विशिष्टाय भरताय च साक्षिणे ॥ १७॥

avadhyāyāmṛtāyaiva nityāya śāśvatāya ca |vyāpṛtāya viśiṣṭāya bharatāya ca sākṣiṇe || 17||

क्षेमाय सहमानाय सत्याय चामृताय च ।कर्त्रे परशवे चैव शूलिने दिव्यचक्षुषे ॥ १८॥

kṣemāya sahamānāya satyāya cāmṛtāya ca |kartre paraśave caiva śūline divyacakṣuṣe || 18||

सोमपायाऽऽज्यपायैव धूमपायोष्मपाय च ।शुचये परिधानाय सद्योजाताय मृत्यवे ॥ १९॥

somapāyā''jyapāyaiva dhūmapāyoṣmapāya ca |śucaye paridhānāya sadyojātāya mṛtyave || 19||

पिशिताशाय सर्वाय मेघाय विद्युताय च ।व्यावृत्ताय वरिष्ठाय भरिताय तरक्षवे ॥ २०॥

piśitāśāya sarvāya meghāya vidyutāya ca |vyāvṛttāya variṣṭhāya bharitāya tarakṣave || 20||

त्रिपुरघ्नाय तीर्थायावक्राय रोमशाय च ।तिग्मायुधाय व्याख्याय सुसिद्धाय पुलस्तये ॥ २१॥

tripuraghnāya tīrthāyāvakrāya romaśāya ca |tigmāyudhāya vyākhyāya susiddhāya pulastaye || 21||

रोचमानाय चण्डाय स्फीताय ऋषभायच ।व्रतिने युङ्जमानाय शुचये चोर्ध्वरेतसे ॥ २२॥

rocamānāya caṇḍāya sphītāya ṛṣabhāyaca |vratine yuṅjamānāya śucaye cordhvaretase || 22||

असुरघ्नाय स्वाघ्नाय मृत्युघ्ने यज्ञियाय च ।कृशानवे प्रचेताय वह्नये निर्मलाय च ॥ २३॥

asuraghnāya svāghnāya mṛtyughne yajñiyāya ca |kṛśānave pracetāya vahnaye nirmalāya ca || 23||

रक्षोघ्नाय पशुघ्नायाविघ्नाय श्वसिताय च ।विभ्रान्ताय महान्ताय अर्णवे दुर्गमाय च ॥ २४॥

rakṣoghnāya paśughnāyāvighnāya śvasitāya ca |vibhrāntāya mahāntāya arṇave durgamāya ca || 24||

कृष्णाय च जयन्ताय लोकानामीश्वराय च ।अनाश्रिताय वेध्याय समत्वाधिष्ठितायच ॥ २५॥

kṛṣṇāya ca jayantāya lokānāmīśvarāya ca |anāśritāya vedhyāya samatvādhiṣṭhitāyaca || 25||

हिरण्यबाहवे चैव व्याप्ताय च महाय च ।सुकर्मणे प्रसह्याय चेशानाय सुचक्षुषे ॥ २६॥

hiraṇyabāhave caiva vyāptāya ca mahāya ca |sukarmaṇe prasahyāya ceśānāya sucakṣuṣe || 26||

क्षिप्रेषवे सदश्वाय शिवाय मोक्षदाय च ।कपिलाय पिशङ्गाय महादेवाय धीमते ॥ २७॥

kṣipreṣave sadaśvāya śivāya mokṣadāya ca |kapilāya piśaṅgāya mahādevāya dhīmate || 27||

महाकायाय दीप्ताय रोदनाय सहाय च ।दृढधन्विने कवचिने रथिने च वरूथिने ॥ २८॥

mahākāyāya dīptāya rodanāya sahāya ca |dṛḍhadhanvine kavacine rathine ca varūthine || 28||

भृगुनाथाय शुक्राय गह्वरेष्ठाय वेधसे ।अमोघाय प्रशान्ताय सुमेधाय वृषाय च ॥ २९॥

bhṛgunāthāya śukrāya gahvareṣṭhāya vedhase |amoghāya praśāntāya sumedhāya vṛṣāya ca || 29||

नमोऽस्तु तुभ्यं भगवन् विश्वाय कृत्तिवाससे ।पशूनां पतये तुभ्यं भूतानां पतये नमः ॥ ३०॥

namo'stu tubhyaṃ bhagavan viśvāya kṛttivāsase |paśūnāṃ pataye tubhyaṃ bhūtānāṃ pataye namaḥ || 30||

प्रणवे ऋग्यजुःसाम्ने स्वाहाय च स्वधाय च ।वषट्कारात्मने चैव तुभ्यं मन्त्रात्मने नमः ॥ ३१॥

praṇave ṛgyajuḥsāmne svāhāya ca svadhāya ca |vaṣaṭkārātmane caiva tubhyaṃ mantrātmane namaḥ || 31||

त्वष्ट्रे धात्रे तथा कर्त्रे चक्षुः श्रोत्रमयाय च ।भूतभव्यभवेशाय तुभ्यं कर्मात्मने नमः ॥ ३२॥

tvaṣṭre dhātre tathā kartre cakṣuḥ śrotramayāya ca |bhūtabhavyabhaveśāya tubhyaṃ karmātmane namaḥ || 32||

वसवे चैव साध्याय रुद्रादित्यसुराय च ।विषाय मारुतायैव तुभ्यं देवात्मने नमः ॥ ३३॥

vasave caiva sādhyāya rudrādityasurāya ca |viṣāya mārutāyaiva tubhyaṃ devātmane namaḥ || 33||

अग्नीष्टोमविधिज्ञाय पशुमन्त्रौषधाय च ।स्वयम्भुवे ह्यजायैव अपूर्वप्रथमाय च ।प्रजानां पतये चैव तुभ्यं ब्रह्मात्मने नमः ॥ ३४॥

agnīṣṭomavidhijñāya paśumantrauṣadhāya ca |svayambhuve hyajāyaiva apūrvaprathamāya ca |prajānāṃ pataye caiva tubhyaṃ brahmātmane namaḥ || 34||

आत्मेशायात्मवश्याय सर्वेशातिशयाय च ।सर्वभूताङ्गभूताय तुभ्यं भूतात्मने नमः ॥ ३५॥

ātmeśāyātmavaśyāya sarveśātiśayāya ca |sarvabhūtāṅgabhūtāya tubhyaṃ bhūtātmane namaḥ || 35||

निर्गुणाय गुणज्ञाय व्याकृतायामृताय च ।निरुपाख्याय मित्राय तुभ्यं साङ्ख्यात्मने नमः ॥ ३६॥

nirguṇāya guṇajñāya vyākṛtāyāmṛtāya ca |nirupākhyāya mitrāya tubhyaṃ sāṅkhyātmane namaḥ || 36||

पृथिव्यै चान्तरिक्षाय दिव्याय च महाय च ।जनस्तपाय सत्याय तुभ्यं लोकात्मने नमः ॥ ३७॥

pṛthivyai cāntarikṣāya divyāya ca mahāya ca |janastapāya satyāya tubhyaṃ lokātmane namaḥ || 37||

अव्यक्ताय च महते भूतादेरिन्द्रियाय च ।आत्मज्ञाय विशेषाय तुभ्यं सर्वात्मने नमः ॥ ३८॥

avyaktāya ca mahate bhūtāderindriyāya ca |ātmajñāya viśeṣāya tubhyaṃ sarvātmane namaḥ || 38||

नित्याय चात्मलिङ्गाय सूक्ष्मायैवेतराय च ।बुद्ध्याय विभवे चैव तुभ्यं मोक्षात्मने नमः ॥ ३९॥

nityāya cātmaliṅgāya sūkṣmāyaivetarāya ca |buddhyāya vibhave caiva tubhyaṃ mokṣātmane namaḥ || 39||

नमस्ते त्रिषु लोकेषु नमस्ते परतस्त्रिषु ।सत्यान्तेषु महाद्येषु चतुर्षु च नमोऽस्तु ते ॥ ४०॥

namaste triṣu lokeṣu namaste paratastriṣu |satyānteṣu mahādyeṣu caturṣu ca namo'stu te || 40||

नमः स्तोत्रे मया ह्यस्मिन् यदि न व्याहृतं भवेत् ।मद्भक्त इति ब्रह्मण्य तत्सर्वं क्षन्तुमर्हसि ॥ ४१॥

namaḥ stotre mayā hyasmin yadi na vyāhṛtaṃ bhavet |madbhakta iti brahmaṇya tatsarvaṃ kṣantumarhasi || 41||

इति मत्स्यपुराणान्तर्गता शुक्रकृता शिवस्तुतिः समाप्ता ।मत्स्यपुराणान्तर्गतं अध्याय ४७ श्लोकाः १२८-१६८

iti matsyapurāṇāntargatā śukrakṛtā śivastutiḥ samāptā |matsyapurāṇāntargataṃ adhyāya 47 ślokāḥ 128-168