शिवस्तुतिश्लोकसंनयनम् १ Shivastuti Shloka Sannayanam

(शिवरहस्ये चतुर्थांशे)जैगीषव्यःदेवदेवे विरूपाक्षे शङ्करे सर्वकामदे ।महानन्दे परानन्दे भक्तिकारणमुत्तमम् ॥ १\।९॥यस्य ज्ञानेन भक्त्या च सर्वं विज्ञातमेव हि ।यमात्मानं महादेवं ज्ञात्वा शिवमयो भवेत् ॥ १\।१०॥यस्य ध्यानेन मुनयो निवृत्ता मुक्तिमास्थिताः ।सगुणो निर्गुणोऽप्यात्मा शिव एव सनातनः ॥ १\।११॥सगुणो गुणरूपैश्च शिवो ज्ञेयः सुखेन हि ।उमासहायो विश्वेशो ध्येयो ज्ञेयश्च नित्यशः ॥ १\।२४॥क्षणमेकं शिवध्यानात्सगुणे क्रतुलक्षणम् ।फलमाप्नोति कामात्मा निर्गुणे ब्रह्म वै भवेत् ॥ १\।२६॥

(śivarahasye caturthāṃśe)jaigīṣavyaḥdevadeve virūpākṣe śaṅkare sarvakāmade |mahānande parānande bhaktikāraṇamuttamam || 1\|9||yasya jñānena bhaktyā ca sarvaṃ vijñātameva hi |yamātmānaṃ mahādevaṃ jñātvā śivamayo bhavet || 1\|10||yasya dhyānena munayo nivṛttā muktimāsthitāḥ |saguṇo nirguṇo'pyātmā śiva eva sanātanaḥ || 1\|11||saguṇo guṇarūpaiśca śivo jñeyaḥ sukhena hi |umāsahāyo viśveśo dhyeyo jñeyaśca nityaśaḥ || 1\|24||kṣaṇamekaṃ śivadhyānātsaguṇe kratulakṣaṇam |phalamāpnoti kāmātmā nirguṇe brahma vai bhavet || 1\|26||

स्कन्दःत्रिनेत्रो नीलकण्ठश्च सर्वाभरणभूषितः ।पूर्णेन्दुद्युतिसर्वाङ्गो गणवृन्दनिषेवितः ॥ १२\।१५॥

skandaḥtrinetro nīlakaṇṭhaśca sarvābharaṇabhūṣitaḥ |pūrṇendudyutisarvāṅgo gaṇavṛndaniṣevitaḥ || 12\|15||

मार्कण्डेयःकालकाल करुणालवाल हे नीललोहित दृशा जितकाल ।व्यालमालगत हस्तशूलधृग्व्योमजाल अनलामलभाल ॥ १४\।९॥

mārkaṇḍeyaḥkālakāla karuṇālavāla he nīlalohita dṛśā jitakāla |vyālamālagata hastaśūladhṛgvyomajāla analāmalabhāla || 14\|9||

व्यासःउर्वी मौर्वी रथाङ्गौ शिखिशशिहरयो बाणतूणस्तथाब्धिःयन्ता धाता विधाता उरगतुरगका वेदसङ्घार्कचन्द्राः ।लीलां तेऽद्यानुलोके ललितदृगुदये ज्वालकीलावलीढंमुग्धं मुग्धेन्दुचूडत्रिपुरवरपुरंसम्भृतैः किं तवान्यैः ॥ २०\।११॥धराधरकुमारिकावर कपालपाणे हरप्रसीद परमेश्वर स्मरहराद्य गङ्गाधर ।पयोधिशयबाणधृग्गरधृगुर्वीधरधराधरणधारण प्रणतहृत्पयोजान्तिक ॥ २०\।१२॥अनाथजननाथ ते दिवसनाथ नेत्रेण मांविलोकय सनाथय प्रमथनाथ लिङ्गार्चकम् ।समन्मथशराहतिप्रमथितान्तरङ्गं हि मांअनाथमगजापते अव हि विश्वनाथाधुना ॥ २०\।१३॥

vyāsaḥurvī maurvī rathāṅgau śikhiśaśiharayo bāṇatūṇastathābdhiḥyantā dhātā vidhātā uragaturagakā vedasaṅghārkacandrāḥ |līlāṃ te'dyānuloke lalitadṛgudaye jvālakīlāvalīḍhaṃmugdhaṃ mugdhenducūḍatripuravarapuraṃsambhṛtaiḥ kiṃ tavānyaiḥ || 20\|11||dharādharakumārikāvara kapālapāṇe haraprasīda parameśvara smaraharādya gaṅgādhara |payodhiśayabāṇadhṛggaradhṛgurvīdharadharādharaṇadhāraṇa praṇatahṛtpayojāntika || 20\|12||anāthajananātha te divasanātha netreṇa māṃvilokaya sanāthaya pramathanātha liṅgārcakam |samanmathaśarāhatipramathitāntaraṅgaṃ hi māṃanāthamagajāpate ava hi viśvanāthādhunā || 20\|13||

ब्रह्माशशिधामकलाललाम भालानल नीलामलकण्ठ देव शम्भो ।कृतमालतमालपुष्पमालाकलिताजैककपालशूल पाहि ॥ २६\।१३॥यो देवः श्रुतिशेखरैर्मृगयते(?)जानन्ति यं वै हृदाजातं येन समस्तवास्तुविषयं यस्मै च सर्वे नताः ।यस्मान्नापरमस्ति यस्य सततं लिङ्गार्चकास्ते सुराःयस्मिन्विश्वमिदं प्रयाति च लय वन्दे पशूनां पतिम् ॥ २६\।१४॥

brahmāśaśidhāmakalālalāma bhālānala nīlāmalakaṇṭha deva śambho |kṛtamālatamālapuṣpamālākalitājaikakapālaśūla pāhi || 26\|13||yo devaḥ śrutiśekharairmṛgayate(?)jānanti yaṃ vai hṛdājātaṃ yena samastavāstuviṣayaṃ yasmai ca sarve natāḥ |yasmānnāparamasti yasya satataṃ liṅgārcakāste surāḥyasminviśvamidaṃ prayāti ca laya vande paśūnāṃ patim || 26\|14||

विष्णुःकरकलितकपालं ब्रह्ममुण्डोरुमालंगललसदहिमालं शूलकीलाविशालम् ।मदगजवरलीलालोकनाटोकिमालंसुरकुवलयसोमं त्वां भजे कालकालम् ॥ २७\।२६॥करधृतमृगबालं बालविप्रानुकूलंसुविहितगरनीलं शर्वपादाब्जलोलम् ।सुरवरदलनाद्यैर्मद्गणप्राणलीलमनलकलिशूलं त्वां भजे कालकालम् ॥ २७\।२७॥

viṣṇuḥkarakalitakapālaṃ brahmamuṇḍorumālaṃgalalasadahimālaṃ śūlakīlāviśālam |madagajavaralīlālokanāṭokimālaṃsurakuvalayasomaṃ tvāṃ bhaje kālakālam || 27\|26||karadhṛtamṛgabālaṃ bālaviprānukūlaṃsuvihitagaranīlaṃ śarvapādābjalolam |suravaradalanādyairmadgaṇaprāṇalīlamanalakaliśūlaṃ tvāṃ bhaje kālakālam || 27\|27||

॥ इति शिवस्तुतिश्लोकसंनयनं सम्पूर्णम् ॥शिवशक्त्यार्पणमस्तु ॥

|| iti śivastutiślokasaṃnayanaṃ sampūrṇam ||śivaśaktyārpaṇamastu ||

॥ श्रीशिवरहस्यम् ।शङ्कराख्यः चतुर्थांशः ।संनयनम् ॥

|| śrīśivarahasyam |śaṅkarākhyaḥ caturthāṃśaḥ |saṃnayanam ||

– ॥ श्रीशिवरहस्यम् ।शन्कराख्यः चतुर्थांशः ।वरिओउस् ॥

– || śrīśivarahasyam |śankarākhyaḥ caturthāṃśaḥ |various ||