शिवस्तुतिः ०९ Shivastuti Narayanapanditakrita

श्रीगणेशाय नमः ॥स्फुटं स्फटिकसप्रभं स्फटितहारकश्रीजटंशशाङ्कदलशेखरं कपिलफुल्लनेत्रत्रयम् ।तरक्षुवरकृत्तिमद्भुजगभूषणं भूतिमत्कदा नु शितिकण्ठ ते वपुरवेक्षते वीक्षणम् ॥ १॥

śrīgaṇeśāya namaḥ ||sphuṭaṃ sphaṭikasaprabhaṃ sphaṭitahārakaśrījaṭaṃśaśāṅkadalaśekharaṃ kapilaphullanetratrayam |tarakṣuvarakṛttimadbhujagabhūṣaṇaṃ bhūtimatkadā nu śitikaṇṭha te vapuravekṣate vīkṣaṇam || 1||

त्रिलोचन विलोचने लसति ते ललामायितेस्मरो नियमघस्मरो नियमिनामभूद्भस्मसात् ।स्वभक्तिलतया वशीकृतवतीसतीयं सतीस्वभक्तवशतो भवानपि वशी प्रसीद प्रभो ॥ २॥

trilocana vilocane lasati te lalāmāyitesmaro niyamaghasmaro niyamināmabhūdbhasmasāt |svabhaktilatayā vaśīkṛtavatīsatīyaṃ satīsvabhaktavaśato bhavānapi vaśī prasīda prabho || 2||

महेश महितोऽसि तत्पुरुष पूरुषाग्र्यो भवान्अघोररिपुघोर तेऽनवम वामदेवाञ्जलिः ।नमः सपदि जात ते त्वमिति पञ्चरूपोचितप्रपञ्चचयपञ्चवृन्मम मनस्तमस्ताडय ॥ ३॥

maheśa mahito'si tatpuruṣa pūruṣāgryo bhavānaghoraripughora te'navama vāmadevāñjaliḥ |namaḥ sapadi jāta te tvamiti pañcarūpocitaprapañcacayapañcavṛnmama manastamastāḍaya || 3||

रसाघनरसानलानिलवियद्विवस्वद्विधुप्रयष्टृषु निविष्टमित्यज भजामि मूर्त्यष्टकम् ।प्रशान्तमुत भीषणं भुवनमोहनं चेत्यहोवपूंषि गुणपूषितेऽहमहमात्मनोऽहंभिदे ॥ ४॥

rasāghanarasānalānilaviyadvivasvadvidhuprayaṣṭṛṣu niviṣṭamityaja bhajāmi mūrtyaṣṭakam |praśāntamuta bhīṣaṇaṃ bhuvanamohanaṃ cetyahovapūṃṣi guṇapūṣite'hamahamātmano'haṃbhide || 4||

विमुक्तिपरमाध्वनां तव पडध्वनामास्पदंपदं निगमवेदिनो जगति वामदेवादयः ।कथञ्चिदुपशिक्षिता भगवतैव संविद्रतेवयं तु विरलान्तराः कथमुमेश तन्मन्महे ॥ ५॥

vimuktiparamādhvanāṃ tava paḍadhvanāmāspadaṃpadaṃ nigamavedino jagati vāmadevādayaḥ |kathañcidupaśikṣitā bhagavataiva saṃvidratevayaṃ tu viralāntarāḥ kathamumeśa tanmanmahe || 5||

कठोरितकुठारया ललितशूलया वाहयारणड्डमरुणा स्फुरद्धरिणया सखट्वाङ्गया ।चलाभिरचलाभिरप्यगणिताभिरुन्नृत्यतश्चतुर्दश जगन्ति ते जयजयेत्ययुर्विस्मयम् ॥ ६॥

kaṭhoritakuṭhārayā lalitaśūlayā vāhayāraṇaḍḍamaruṇā sphuraddhariṇayā sakhaṭvāṅgayā |calābhiracalābhirapyagaṇitābhirunnṛtyataścaturdaśa jaganti te jayajayetyayurvismayam || 6||

पुरा त्रिपुररन्धनं विविधदैत्यविध्वंसनंपराक्रमपरम्परा अपि परा न ते विस्मयः ।अमर्षिबलहर्षितक्षुभितवृत्तनेत्रोज्ज्वलज्ज्वलज्ज्वलनहेलया शलभितं हि लोकत्रयम् ॥ ७॥

purā tripurarandhanaṃ vividhadaityavidhvaṃsanaṃparākramaparamparā api parā na te vismayaḥ |amarṣibalaharṣitakṣubhitavṛttanetrojjvalajjvalajjvalanahelayā śalabhitaṃ hi lokatrayam || 7||

सहस्रनयनो गुहः सहसहस्ररश्मिर्विधुर्बृहस्पतिरुताप्पतिः ससुरसिद्धविद्याधराः ।भवत्पदपरायणाः श्रियमिमां ययुः प्रार्थितांभवान् सुरतरुर्भृशं शिव शिवां शिवावल्लभ ॥ ८॥

sahasranayano guhaḥ sahasahasraraśmirvidhurbṛhaspatirutāppatiḥ sasurasiddhavidyādharāḥ |bhavatpadaparāyaṇāḥ śriyamimāṃ yayuḥ prārthitāṃbhavān suratarurbhṛśaṃ śiva śivāṃ śivāvallabha || 8||

तव प्रियतमादतिप्रियतमं सदैवान्तरंपयस्युपहितं भृतं स्वयमिव श्रियो वल्लभम् ।विबुध्य लघुबुद्धयः स्वपरपक्षलक्ष्यायितंपठन्ति हि लुठन्ति ते शठहृदः शुचा शुण्ठिताः ॥ ९॥

tava priyatamādatipriyatamaṃ sadaivāntaraṃpayasyupahitaṃ bhṛtaṃ svayamiva śriyo vallabham |vibudhya laghubuddhayaḥ svaparapakṣalakṣyāyitaṃpaṭhanti hi luṭhanti te śaṭhahṛdaḥ śucā śuṇṭhitāḥ || 9||

निवासनिलयाचिता तव शिरस्ततिर्मालिकाकपालमपि ते करे त्वमशिवोस्यनन्तर्धियाम् ।तथापि भवतः पदं शिवशिवेत्यदो जल्पतांअकिञ्चन न किञ्चन वृजिनमस्ति भस्मीभवेत् ॥ १०॥

nivāsanilayācitā tava śirastatirmālikākapālamapi te kare tvamaśivosyanantardhiyām |tathāpi bhavataḥ padaṃ śivaśivetyado jalpatāṃakiñcana na kiñcana vṛjinamasti bhasmībhavet || 10||

त्वमेव किल कामधुक् सकलकाममापूरयन्सदा त्रिनयनो भवान्वहति चार्चिनेत्रोद्भवम् ।विषं विषधरान्दधत्पिबसि तेन चानन्दवान्विरुद्धचरितोचिता जगदधीश ते भिक्षुता ॥ ११॥

tvameva kila kāmadhuk sakalakāmamāpūrayansadā trinayano bhavānvahati cārcinetrodbhavam |viṣaṃ viṣadharāndadhatpibasi tena cānandavānviruddhacaritocitā jagadadhīśa te bhikṣutā || 11||

नमः शिवशिवाशिवाशिवशिवार्थं कृन्ताशिवंनमो हरहराहराहरहरान्तरीं मे दृशम् ।नमो भवभवाभवप्रभवभूतये मे भवान्नमो मृड नमो नमो नम उमेश तुभ्यं नमः ॥ १२॥

namaḥ śivaśivāśivāśivaśivārthaṃ kṛntāśivaṃnamo haraharāharāharaharāntarīṃ me dṛśam |namo bhavabhavābhavaprabhavabhūtaye me bhavānnamo mṛḍa namo namo nama umeśa tubhyaṃ namaḥ || 12||

सतां श्रवणपद्धतिं सरतु सन्नतोक्तेत्यसौशिवस्य करुणाङ्कुरात्प्रतिकृतात्सदा सोचिता ।इति प्रथितमानसो व्यधित नाम नारायणःशिवस्तुतिमिमां शिवं लिकुचिसूरिसूनुः सुधीः ॥ १३॥

satāṃ śravaṇapaddhatiṃ saratu sannatoktetyasauśivasya karuṇāṅkurātpratikṛtātsadā socitā |iti prathitamānaso vyadhita nāma nārāyaṇaḥśivastutimimāṃ śivaṃ likucisūrisūnuḥ sudhīḥ || 13||

इति श्रीमल्लिकुचिसूरिसूनुनारायणपण्डिताचार्यविरचिताशिवस्तुतिः सम्पूर्णा ॥

iti śrīmallikucisūrisūnunārāyaṇapaṇḍitācāryaviracitāśivastutiḥ sampūrṇā ||