शिवस्तुतिश्लोकसंनयनम् ५ Shivastutishlokasa.nnayanam 5

(शिवरहस्यान्तर्गते दशमांशे)

(śivarahasyāntargate daśamāṃśe)

गावः ऊचुः ।शम्भो चारुशशाङ्कशेखर लसद्गङ्गातरङ्गोज्ज्वलमौले लालितशम्बरार्भककरध्वस्तोरुनागाजिन ।पाहीशान दयानिधान भगवन्नेनो महन्नः कृतंवारं वारमपाकुरुष्व दयया शीघ्रं पशूनां पते ॥ ४\।४७॥भो भर्ग त्रिपुरान्धकान्तकमहादेवाद्य गङ्गाधरभूतेशाखिलपावनामितबलालोलत्रिशूलीकर ।रक्षास्मान् शरणागतान्(नः) करुणया गावो वयं गोपतेसंवीक्ष्याद्य दृशा दशांशकरुणाकोटः कटाक्षेण नः ॥ ४\।४८॥देव्युवाच ।देवदेव महादेव करुणावरुणालय ।शरणं त्वां प्रपन्नाहं कारणं शरणं सताम् ॥ २४\।१॥ब्रह्मोवाच ।नमस्ते देवेश त्रिपुरहर सोमत्रिणयनप्रभो शम्भो विश्वाधिक हर भवोग्रामितगुण ।विभो बन्धो बन्धं हर हर शशिद्योतितशिरःप्रसादं मे शश्वत् कुरु शिव भवान्मेऽद्य शरणम् ॥ ३७\।३१॥

gāvaḥ ūcuḥ |śambho cāruśaśāṅkaśekhara lasadgaṅgātaraṅgojjvalamaule lālitaśambarārbhakakaradhvastorunāgājina |pāhīśāna dayānidhāna bhagavanneno mahannaḥ kṛtaṃvāraṃ vāramapākuruṣva dayayā śīghraṃ paśūnāṃ pate || 4\|47||bho bharga tripurāndhakāntakamahādevādya gaṅgādharabhūteśākhilapāvanāmitabalālolatriśūlīkara |rakṣāsmān śaraṇāgatān(naḥ) karuṇayā gāvo vayaṃ gopatesaṃvīkṣyādya dṛśā daśāṃśakaruṇākoṭaḥ kaṭākṣeṇa naḥ || 4\|48||devyuvāca |devadeva mahādeva karuṇāvaruṇālaya |śaraṇaṃ tvāṃ prapannāhaṃ kāraṇaṃ śaraṇaṃ satām || 24\|1||brahmovāca |namaste deveśa tripurahara somatriṇayanaprabho śambho viśvādhika hara bhavogrāmitaguṇa |vibho bandho bandhaṃ hara hara śaśidyotitaśiraḥprasādaṃ me śaśvat kuru śiva bhavānme'dya śaraṇam || 37\|31||

॥ इति शिवरहस्यान्तर्गते शिवस्तुतिश्लोकसंनयनम् ५ सम्पूर्णम् ॥

|| iti śivarahasyāntargate śivastutiślokasaṃnayanam 5 sampūrṇam ||

॥ श्रीशिवरहस्यम् ।ईश्वराख्यः दशमांशः ।शिवस्तुतिश्लोकसंनयनम् ५ ।वावृत्तश्लोकाः ॥

|| śrīśivarahasyam |īśvarākhyaḥ daśamāṃśaḥ |śivastutiślokasaṃnayanam 5 |vāvṛttaślokāḥ ||

– ॥ श्रीशिवरहस्यम् ।ईश्वराख्यः दशमांशः ।शिवस्तुतिश्लोकसंनयनम् ५ ।वावृत्तश्लोकाः ॥

– || śrīśivarahasyam |īśvarākhyaḥ daśamāṃśaḥ |śivastutiślokasaṃnayanam 5 |vāvṛttaślokāḥ ||