कैलासवर्णनम् ७ कैलासशैले देवीमहासौधवर्णनम् ७ Kailasavarnanam 7

(कैलासशैले देवीमहासौधवर्णनम् ७)स्कन्दःतत्र देव्या महासौधे नवरत्नविचित्रितम् ॥ २७॥

(kailāsaśaile devīmahāsaudhavarṇanam 7)skandaḥtatra devyā mahāsaudhe navaratnavicitritam || 27||

गर्भागारं महेशस्य रम्यन्देवीश्वरस्य च ।प्राकारगोपुरोपेतं रत्नतोरणमण्डितम् ॥ २८॥

garbhāgāraṃ maheśasya ramyandevīśvarasya ca |prākāragopuropetaṃ ratnatoraṇamaṇḍitam || 28||

माणिक्यमुकुरोद्दामरुद्रक्रीडावृषैर्युतम् ।सुरम्यरत्नकलशपताकाभ्राजिशेखरम् ॥ २९॥

māṇikyamukuroddāmarudrakrīḍāvṛṣairyutam |suramyaratnakalaśapatākābhrājiśekharam || 29||

तत्र लिङ्गं सुधापूरधवलीकृतदिङ्मुखम् ।काकोदरफणाभ्राजिबिल्वालङ्कृन्तमस्तकम् ॥ ३०॥

tatra liṅgaṃ sudhāpūradhavalīkṛtadiṅmukham |kākodaraphaṇābhrājibilvālaṅkṛntamastakam || 30||

सुधाधामकखण्डोप्तरत्न(द्रत्न)गोलकभूषितम् ।तद्वै देवीश्वरं लिङ्गं पूजयत्यम्बिका सदा ॥ ३१॥

sudhādhāmakakhaṇḍoptaratna(dratna)golakabhūṣitam |tadvai devīśvaraṃ liṅgaṃ pūjayatyambikā sadā || 31||

सुधासागरनीरोत्थकलशैर्नवरत्नजैः ।पञ्चामृतमहाधारागन्धमोदैश्च नीरकैः ॥ ३२॥

sudhāsāgaranīrotthakalaśairnavaratnajaiḥ |pañcāmṛtamahādhārāgandhamodaiśca nīrakaiḥ || 32||

यक्षकर्दमजालेपवेष्टनाम्बरसुन्दरम् ।बिल्वचम्पकधत्तूररत्नपङ्कजमालिनी ॥ ३३॥

yakṣakardamajālepaveṣṭanāmbarasundaram |bilvacampakadhattūraratnapaṅkajamālinī || 33||

जातीसरावलीशोभिलिङ्गमौलिमनोहरम् ।तक्कोलागरुजोधूपधूमैश्शिवा तदा ॥ ३४॥

jātīsarāvalīśobhiliṅgamaulimanoharam |takkolāgarujodhūpadhūmaiśśivā tadā || 34||

कुरुविन्दमणिज्योतिदीपैरुद्योतितान्तरम् ।सुपुण्डरीकमालाभिर्नवनीलोत्पलस्रजा ॥ ३५॥

kuruvindamaṇijyotidīpairudyotitāntaram |supuṇḍarīkamālābhirnavanīlotpalasrajā || 35||

हरिन्मणिनिभैर्बिल्वैस्सहस्त्रैः पूजयेच्छिवा ।भक्ष्यभोज्यवरान्नानां राशिभिश्शैलकन्यका ॥ ३६॥

harinmaṇinibhairbilvaissahastraiḥ pūjayecchivā |bhakṣyabhojyavarānnānāṃ rāśibhiśśailakanyakā || 36||

ताम्बूलैः खदिरासारस्वर्णकर्पूरखण्डजैः ।नीराजनैर्मुखरितशङ्खकाहलमद्दलैः ॥ ३७॥

tāmbūlaiḥ khadirāsārasvarṇakarpūrakhaṇḍajaiḥ |nīrājanairmukharitaśaṅkhakāhalamaddalaiḥ || 37||

वीणावेणुजमड्डूत्थदुन्दुभ्यादिसुनिस्वनैः ।रुद्राणीनर्तनैश्चैव योगिनीगणवादनैः ॥ ३८॥

vīṇāveṇujamaḍḍūtthadundubhyādisunisvanaiḥ |rudrāṇīnartanaiścaiva yoginīgaṇavādanaiḥ || 38||

त्रिकालं पूजयत्येवं त्रिपुण्ड्रललितालका ।रुद्राक्षकीलितापारमुक्तामणिसरोज्वला ॥ ३९॥

trikālaṃ pūjayatyevaṃ tripuṇḍralalitālakā |rudrākṣakīlitāpāramuktāmaṇisarojvalā || 39||

सोमशौचे वाससी साप्यरजे धारिणी शिवा ।संस्तुवन्ती महालिङ्गं देवीश्वरमतन्द्रिताकृताञ्जलिपुटा देवी प्रकृष्टञ्चाष्टविग्रहम् ॥ ४१॥

somaśauce vāsasī sāpyaraje dhāriṇī śivā |saṃstuvantī mahāliṅgaṃ devīśvaramatandritākṛtāñjalipuṭā devī prakṛṣṭañcāṣṭavigraham || 41||

॥ इति शिवरहस्यान्तर्गते माहेश्वराख्ये कैलासशैले देवीमहासौधवर्णनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः २७ कैलासवर्णने देवीपूजास्तुतिकथनम् । २७४१॥

|| iti śivarahasyāntargate māheśvarākhye kailāsaśaile devīmahāsaudhavarṇanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 27 kailāsavarṇane devīpūjāstutikathanam | 2741||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः २७ – कैलासवर्णने देवीपूजास्तुतिकथनम् ।२७-४१॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 27 – kailāsavarṇane devīpūjāstutikathanam | 27-41||