ईशानस्तवः अथवा गङ्गाधराष्टकम् Ishanastavah

श्रीगणेशाय नमः ॥यः षड्वक्त्रगजाननाद्भुतसुताविष्कारणव्यञ्जिताचिन्त्योत्पादनवैभवांगिरिसुतां मायां निजाङ्गे दधत् ।सेव्यां संसृतिहानये त्रिपथगां विद्यां च मूर्ध्ना वहन्स्वं ब्रह्मस्वमभिव्यनक्ति भजतः पायात् स गङ्गाधरः ॥ १॥

śrīgaṇeśāya namaḥ ||yaḥ ṣaḍvaktragajānanādbhutasutāviṣkāraṇavyañjitācintyotpādanavaibhavāṃgirisutāṃ māyāṃ nijāṅge dadhat |sevyāṃ saṃsṛtihānaye tripathagāṃ vidyāṃ ca mūrdhnā vahansvaṃ brahmasvamabhivyanakti bhajataḥ pāyāt sa gaṅgādharaḥ || 1||

यस्यालोच्य कपर्ददुर्गविलुठत्गङ्गाम्बुशौक्ल्याच्छतामाधुर्याणि पाराजयोदितशुचा क्षीणः कलामात्रताम् ।बिभ्रत् पित्सति नूनमुत्कटजटाजूटोच्चकूटाच्छशीलालाटक्षिशिखासु सोऽस्तु भजतां भव्याय गङ्गाधरः ॥ २॥

yasyālocya kapardadurgaviluṭhatgaṅgāmbuśauklyācchatāmādhuryāṇi pārājayoditaśucā kṣīṇaḥ kalāmātratām |bibhrat pitsati nūnamutkaṭajaṭājūṭoccakūṭācchaśīlālāṭakṣiśikhāsu so'stu bhajatāṃ bhavyāya gaṅgādharaḥ || 2||

यल्लालाटकृपीटयोनिसततासङ्गाद्विलीनः शशीगङ्गारूपमुपेत्य तत्प्रशमनाशक्तः कृशाङ्गः शुचा ।उद्बध्नाति तनुं त्रपापरवशो मन्ये जटादामभिःपायात् स्तव्यविभाव्यनव्यचरितो भक्तान् स गङ्गाधरः ॥ ३॥

yallālāṭakṛpīṭayonisatatāsaṅgādvilīnaḥ śaśīgaṅgārūpamupetya tatpraśamanāśaktaḥ kṛśāṅgaḥ śucā |udbadhnāti tanuṃ trapāparavaśo manye jaṭādāmabhiḥpāyāt stavyavibhāvyanavyacarito bhaktān sa gaṅgādharaḥ || 3||

अङ्कारूढधराधराधिपसुतासौन्दर्यसन्तर्जितागङ्गा यस्य कपर्ददुर्गमदने लीना विलीना ह्रिया ।चिन्तापाण्डुतनुः स्खलन्त्यविरतं पार्वत्यसूयास्मितैरन्तर्धिं बहु मन्यतेऽस्तु भजतां भूत्यै स गङ्गाधरः ॥ ४॥

aṅkārūḍhadharādharādhipasutāsaundaryasantarjitāgaṅgā yasya kapardadurgamadane līnā vilīnā hriyā |cintāpāṇḍutanuḥ skhalantyavirataṃ pārvatyasūyāsmitairantardhiṃ bahu manyate'stu bhajatāṃ bhūtyai sa gaṅgādharaḥ || 4||

मुग्धां स्निग्ध इव प्रतार्य गिरिजामर्धाङ्गदानच्छलान्नित्योद्दद्बहुलभ्रमां त्रिपथगामात्मोत्तमाङ्गे वहन् ।स्ताने यो विषमेक्षणस्वपदवीमारोप्यते कोविदैःप्रच्छन्नप्रणयक्रमोऽस्तु भजतां प्रीत्यै स गङ्गाधरः ॥ ५॥

mugdhāṃ snigdha iva pratārya girijāmardhāṅgadānacchalānnityoddadbahulabhramāṃ tripathagāmātmottamāṅge vahan |stāne yo viṣamekṣaṇasvapadavīmāropyate kovidaiḥpracchannapraṇayakramo'stu bhajatāṃ prītyai sa gaṅgādharaḥ || 5||

संवासज्जसुरासुरर्पिपरिषद्व्याकीर्णपुष्पाञ्जलिप्रश्च्योतन्मकरन्दबिन्दुसततासारः पतन्मस्तके ।यस्याविश्रमसम्भृतस्त्रिपथगा नाम्ना जनैः ख्याप्यतेस त्रैलोक्यनिषेविताङ्घ्रियुगलः पुष्णातु गङ्गाधरः ॥ ६॥

saṃvāsajjasurāsurarpipariṣadvyākīrṇapuṣpāñjalipraścyotanmakarandabindusatatāsāraḥ patanmastake |yasyāviśramasambhṛtastripathagā nāmnā janaiḥ khyāpyatesa trailokyaniṣevitāṅghriyugalaḥ puṣṇātu gaṅgādharaḥ || 6||

यस्मिन्नुद्धतताण्डवैकरसतासाटोपनाव्यक्रमेविस्रस्तासु जटासु भासुरतनुर्धाराशतैः पातुका ।गङ्गाजङ्गमवारिपर्वतधियं चित्ते विधत्ते सतामेवं चित्रविभूतिरस्तु भजतां भव्याय गङ्गाधरः ॥ ७॥

yasminnuddhatatāṇḍavaikarasatāsāṭopanāvyakramevisrastāsu jaṭāsu bhāsuratanurdhārāśataiḥ pātukā |gaṅgājaṅgamavāriparvatadhiyaṃ citte vidhatte satāmevaṃ citravibhūtirastu bhajatāṃ bhavyāya gaṅgādharaḥ || 7||

यो गङ्गापयसि प्रभो तव महानत्यादरः कल्पतेसम्मूर्च्छद्विषयापनाय विधते क्रुद्ध्यस्यसत्योक्तये ।ईशानस्तव सागरान्तगमने वाप्यः पुराण्योऽक्षमाःसङ्क्षिप्येत्वममिष्टुतः ससितगुः प्रीतोऽस्तु गङ्गाधरः ॥ ८॥

yo gaṅgāpayasi prabho tava mahānatyādaraḥ kalpatesammūrcchadviṣayāpanāya vidhate kruddhyasyasatyoktaye |īśānastava sāgarāntagamane vāpyaḥ purāṇyo'kṣamāḥsaṅkṣipyetvamamiṣṭutaḥ sasitaguḥ prīto'stu gaṅgādharaḥ || 8||

इतीशनस्तवः सम्पूर्णः ॥गङ्गाधराष्टकम्

itīśanastavaḥ sampūrṇaḥ ||gaṅgādharāṣṭakam