ईश्वरस्तोत्रम् अथवा सुरस्तवनम् Ishvara Stotram Athava Surastavanam

अथ षष्टितमः पटलःआनन्दभैरव उवाचवद कान्ते परानन्दे रहस्यं कुलसुन्दरि ।यस्य विज्ञानमात्रेण भवेद् गङ्गाधरो हरिः ॥ ६०१॥

atha ṣaṣṭitamaḥ paṭalaḥānandabhairava uvācavada kānte parānande rahasyaṃ kulasundari |yasya vijñānamātreṇa bhaved gaṅgādharo hariḥ || 601||

ईश्वरस्य स्तवब्रह्मपरं निर्वाणसाधनम् ।शोभाकोटियोगपतेर्योगेन्द्रस्य परापतेः ॥ ६०२॥

īśvarasya stavabrahmaparaṃ nirvāṇasādhanam |śobhākoṭiyogapateryogendrasya parāpateḥ || 602||

ईश्वरं के न मानन्ति ब्रह्मविष्णुशिवादयः ।तस्य स्मरणमात्रेण महावाग्ग्मी च मृत्युजित् ॥ ६०३॥

īśvaraṃ ke na mānanti brahmaviṣṇuśivādayaḥ |tasya smaraṇamātreṇa mahāvāggmī ca mṛtyujit || 603||

मन्त्री वेदान्तसिद्धान्तं तं भजन्ति महर्षयः ।देवा मनुष्या गन्धर्वास्तं भजन्ति महेश्वरम् ॥ ६०४॥

mantrī vedāntasiddhāntaṃ taṃ bhajanti maharṣayaḥ |devā manuṣyā gandharvāstaṃ bhajanti maheśvaram || 604||

अकालमृत्युहरणं सर्वदा सर्वतोमुखम् ।सदा तस्य स्तवं दिव्यं श्रोतुमिच्छामि शाङ्करि ॥ ६०५॥

akālamṛtyuharaṇaṃ sarvadā sarvatomukham |sadā tasya stavaṃ divyaṃ śrotumicchāmi śāṅkari || 605||

सुरस्तवनंश्रीआनन्दभैरवी उवाचकौल त्वं शृणु शङ्करप्रियकरं स्तोत्रं तदीशस्य चश्रीनाथाय नमः कुलेश परमप्राणेश तुभ्यं मुदा ।सानन्दाय नमो भवाय पतये लोकेश्वरायो ॐ नमोभूतेशाय गणाधिपाय यतये श्रीशूलिने ते नमः ॥ ६०६॥

surastavanaṃśrīānandabhairavī uvācakaula tvaṃ śṛṇu śaṅkarapriyakaraṃ stotraṃ tadīśasya caśrīnāthāya namaḥ kuleśa paramaprāṇeśa tubhyaṃ mudā |sānandāya namo bhavāya pataye lokeśvarāyo oṃ namobhūteśāya gaṇādhipāya yataye śrīśūline te namaḥ || 606||

कान्ताय प्रणवाय योगपतये योगेश्वरायो ॐ नमोमहारायाक्षरेश्वराय महते नित्याय नित्यं नमः ।स्वाधिष्ठानविभेदकाय हरये मूलाब्जसम्भेदिने ।नाभेरम्बुजभेदिने हृदयाम्भोद्भिदकायों नमः ॥ ६०७॥

kāntāya praṇavāya yogapataye yogeśvarāyo oṃ namomahārāyākṣareśvarāya mahate nityāya nityaṃ namaḥ |svādhiṣṭhānavibhedakāya haraye mūlābjasambhedine |nābherambujabhedine hṛdayāmbhodbhidakāyoṃ namaḥ || 607||

कालाय प्रणवाय मायवशिने नित्यं नमो भास्वतेमोक्षाय प्रमथेश्वराय कवये खट्वाङ्गहस्ताय ते ।भक्तिश्रीनिधये महेन्द्रखचराय मायाश्रयायों नमो ।विज्ञानाय शिवाय सूक्ष्मगतये गूढाय भूयो नमः ॥ ६०८॥

kālāya praṇavāya māyavaśine nityaṃ namo bhāsvatemokṣāya pramatheśvarāya kavaye khaṭvāṅgahastāya te |bhaktiśrīnidhaye mahendrakhacarāya māyāśrayāyoṃ namo |vijñānāya śivāya sūkṣmagataye gūḍhāya bhūyo namaḥ || 608||

सर्वज्ञाय जयाय भूतिपतये भूतेश्वराय प्रभोपञ्चास्याय हराय देवपतये गौरीश्वराय श्रिये ।भोगायान्तरगामिने हरिहरायानन्दचिद्रूपिणेकल्याणाय भगाय शुद्धमतिभिर्नित्यं नमस्ते नमः ॥ ६०९॥

sarvajñāya jayāya bhūtipataye bhūteśvarāya prabhopañcāsyāya harāya devapataye gaurīśvarāya śriye |bhogāyāntaragāmine hariharāyānandacidrūpiṇekalyāṇāya bhagāya śuddhamatibhirnityaṃ namaste namaḥ || 609||

गोविन्दप्रियवल्लभाय विधये ब्रह्मादिकोत्पत्तयेउत्पत्तिस्थितिसंहृतिप्रकृतये बाह्याय विश्वेश्वर ।तुभ्यं काल नमो नमः प्रलययोगोल्लासिने भूभृतेविज्ञाताय गिरीन्द्रपूजित विभो भूताधिपायानिशम् ॥ ६०१०॥

govindapriyavallabhāya vidhaye brahmādikotpattayeutpattisthitisaṃhṛtiprakṛtaye bāhyāya viśveśvara |tubhyaṃ kāla namo namaḥ pralayayogollāsine bhūbhṛtevijñātāya girīndrapūjita vibho bhūtādhipāyāniśam || 6010||

गौरीशाय गणार्चिताय मनसे मान्याय भूवासिनेभूतोत्साहमहीशनाथशशिचूडाय प्रधानाय ते ।नित्यं नित्यकलाकुलाय फणिचूडाय प्रबुद्धाय तेतेजःशान्तिपते सतां पतिपते निर्वाससे ते नमः ॥ ६०११॥

gaurīśāya gaṇārcitāya manase mānyāya bhūvāsinebhūtotsāhamahīśanāthaśaśicūḍāya pradhānāya te |nityaṃ nityakalākulāya phaṇicūḍāya prabuddhāya tetejaḥśāntipate satāṃ patipate nirvāsase te namaḥ || 6011||

शोभाकोटियुताय चन्द्रकिरणाह्लादाय सूक्ष्माय तेतुभ्यं नाथ नमो नमः प्रणमतामानन्दसिन्धूत्सवा ।हेरम्ब श्रयकार्तिकेयजनकानन्दप्रियाय प्रभोपित्रे सर्वसुखाय सर्वपतये श्रीनीलकण्ठेश्वर ॥ ६०१२॥

śobhākoṭiyutāya candrakiraṇāhlādāya sūkṣmāya tetubhyaṃ nātha namo namaḥ praṇamatāmānandasindhūtsavā |heramba śrayakārtikeyajanakānandapriyāya prabhopitre sarvasukhāya sarvapataye śrīnīlakaṇṭheśvara || 6012||

त्रिब्रह्मार्पितभूतये सुरतये श्रीभास्वते योगिनामानन्दोदयकारिणे कुलपते ते नाथ तुभ्यं नमः ।ब्रह्मानन्दकुलाय रौप्यगिरये सौन्दर्यसंसिद्धयेसर्वानन्दकराय सम्परतरायाढ्याय सत्यं नमः ॥ ६०१३॥

tribrahmārpitabhūtaye surataye śrībhāsvate yogināmānandodayakāriṇe kulapate te nātha tubhyaṃ namaḥ |brahmānandakulāya raupyagiraye saundaryasaṃsiddhayesarvānandakarāya samparatarāyāḍhyāya satyaṃ namaḥ || 6013||

काशीशं कौशिकीशं सुरतरुकिरणं कारणाख्यं सुखाख्यंगौरीशं गङ्गिरीशं गुरुमगुरुगिरिश्रेणिलिप्ताङ्गवङ्गम् ।घोषाख्यं मञ्जुघोषं घनगणघटितं घोरसङ्घट्टनादंचार्वीशं राघवेशं घनहृदि घटमामीश्वरं घौटकेशम् ॥ ६०१४॥

kāśīśaṃ kauśikīśaṃ suratarukiraṇaṃ kāraṇākhyaṃ sukhākhyaṃgaurīśaṃ gaṅgirīśaṃ gurumagurugiriśreṇiliptāṅgavaṅgam |ghoṣākhyaṃ mañjughoṣaṃ ghanagaṇaghaṭitaṃ ghorasaṅghaṭṭanādaṃcārvīśaṃ rāghaveśaṃ ghanahṛdi ghaṭamāmīśvaraṃ ghauṭakeśam || 6014||

लाक्षाभाण्डं विशालो वसति तव करे स्थावरो जङ्गमो वाभूताध्यक्षो वशिष्ठः स्वपरिजनकुले सर्वदा पाहि शम्भो ।भक्तिज्ञानं न दातुं चपलमलमणिश्रेणिमाला विलोलालोकाभीतो कलङ्की विधिशतमुकुटश्रीपदाम्भोरुहं ते ॥ ६०१५॥

lākṣābhāṇḍaṃ viśālo vasati tava kare sthāvaro jaṅgamo vābhūtādhyakṣo vaśiṣṭhaḥ svaparijanakule sarvadā pāhi śambho |bhaktijñānaṃ na dātuṃ capalamalamaṇiśreṇimālā vilolālokābhīto kalaṅkī vidhiśatamukuṭaśrīpadāmbhoruhaṃ te || 6015||

धूर्तः शौरिः प्रशान्तो विमलमधुरसामोदमानोऽप्रमत्तोमायामोहापदेवी सुरमदमदनो दानसम्मानदाता ।त्वं नाथं श्रीपदाम्भोरुहविमलतले ते कथं ना सुरक्षेपूर्वास्यो दक्षिणास्यो धनपतिवदनः पश्चिमास्यो मुनिस्त्वम् ॥ ६०१६॥

dhūrtaḥ śauriḥ praśānto vimalamadhurasāmodamāno'pramattomāyāmohāpadevī suramadamadano dānasammānadātā |tvaṃ nāthaṃ śrīpadāmbhoruhavimalatale te kathaṃ nā surakṣepūrvāsyo dakṣiṇāsyo dhanapativadanaḥ paścimāsyo munistvam || 6016||

भेदी सिद्धान्तविद्याधरनिधिकिरणः कारणोऽनन्तशक्तिर्यः साक्षात् कामधेनुः स च धनपतिपः सर्वभोगानुरागी ।पादाम्भोजे हि नित्यं कलगिरिसुतानाथ ते योगिपत्वम् ।चित्तं मे चञ्चलाख्यं शशिधरकिरणो वाक्पते योगसिद्धिः ॥ ६०१७॥

bhedī siddhāntavidyādharanidhikiraṇaḥ kāraṇo'nantaśaktiryaḥ sākṣāt kāmadhenuḥ sa ca dhanapatipaḥ sarvabhogānurāgī |pādāmbhoje hi nityaṃ kalagirisutānātha te yogipatvam |cittaṃ me cañcalākhyaṃ śaśidharakiraṇo vākpate yogasiddhiḥ || 6017||

कपर्दी श्रीखड्गासिवरगदया वेदभुजयाघनच्छायासङ्कोचरचनावशच्छद्मविजयः ।जयी जेता जायेर्जयमनुकरोतु श्रियतमोज्वलज्झञ्झावाते क्षणधर इह क्रोध इति मे ॥ ६०१८॥

kapardī śrīkhaḍgāsivaragadayā vedabhujayāghanacchāyāsaṅkocaracanāvaśacchadmavijayaḥ |jayī jetā jāyerjayamanukarotu śriyatamojvalajjhañjhāvāte kṣaṇadhara iha krodha iti me || 6018||

अथाऽऽज्ञा चक्रान्तर्गतविवरमाच्छन्नजटिलःप्रतिज्ञाभङ्गस्थकटकशतकोटिप्रकटितः ।कुठारस्ते क्रोधी कमठकटवासी कठिनहाककाराद्यं नत्वा दशकिरणमानोऽवतु सदा ॥ ६०१९॥

athā''jñā cakrāntargatavivaramācchannajaṭilaḥpratijñābhaṅgasthakaṭakaśatakoṭiprakaṭitaḥ |kuṭhāraste krodhī kamaṭhakaṭavāsī kaṭhinahākakārādyaṃ natvā daśakiraṇamāno'vatu sadā || 6019||

सुधाखण्डादेव्याः स्तवनपठनेन प्रियकरंपदाम्भोजं चेति प्रचयति स्वभाग्यं कुलपते ।प्रधाने भूखण्डे जयति यदि मृत्युञ्जयपदंविनोदं भूयोगं पचति सहसा प्रेमतरलः ॥ ६०२०॥

sudhākhaṇḍādevyāḥ stavanapaṭhanena priyakaraṃpadāmbhojaṃ ceti pracayati svabhāgyaṃ kulapate |pradhāne bhūkhaṇḍe jayati yadi mṛtyuñjayapadaṃvinodaṃ bhūyogaṃ pacati sahasā premataralaḥ || 6020||

यद्येवं प्रपठेदिदमनियतं कौलावलीसंयुतंस्तोत्रं साररहस्यभारपरमानन्दैकचित्तस्थलम् ।योगीन्द्रावगतित्वमुक्तफलदं सर्वेश्वरत्वं पदंचन्द्रादित्यसमागतं परपदाह्लादैकमात्रं लभेत् ॥ ६०२१॥

yadyevaṃ prapaṭhedidamaniyataṃ kaulāvalīsaṃyutaṃstotraṃ sārarahasyabhāraparamānandaikacittasthalam |yogīndrāvagatitvamuktaphaladaṃ sarveśvaratvaṃ padaṃcandrādityasamāgataṃ parapadāhlādaikamātraṃ labhet || 6021||

ते शम्भो यदि पादाम्भोरुहमङ्गलवल्लिका ।पूज्यते सर्वदा योगी निर्वाणगुणसिद्धये ॥ ६०२२॥

te śambho yadi pādāmbhoruhamaṅgalavallikā |pūjyate sarvadā yogī nirvāṇaguṇasiddhaye || 6022||

किन्न सिद्।ह्ध्यति भ्रूमध्ये शिवभक्तिप्रसादतः ॥ ६०२३॥

kinna sid|hdhyati bhrūmadhye śivabhaktiprasādataḥ || 6023||

इति श्री रुद्रयामले उत्तरतन्त्रे महातन्त्रोद्दीपने अनाहत पद्मे सुरस्तवनंनाम षष्टितमः पटलः ॥ ६०॥

iti śrī rudrayāmale uttaratantre mahātantroddīpane anāhata padme surastavanaṃnāma ṣaṣṭitamaḥ paṭalaḥ || 60||

ऱुद्रयमल उत्तरतन्त्र।

rudrayamala uttaratantra|