इन्दुमौलिस्मरणस्तोत्रम् Indumaulismaranastotram

श्रीगणेशाय नमः ॥कलय कलावित्प्रवरं कलया नीहारदीधितेः शीर्षम् ।सततमलङ्कुर्वाण प्रणतावनदीक्ष यक्षराजसख ॥ १॥

śrīgaṇeśāya namaḥ ||kalaya kalāvitpravaraṃ kalayā nīhāradīdhiteḥ śīrṣam |satatamalaṅkurvāṇa praṇatāvanadīkṣa yakṣarājasakha || 1||

कान्तागेन्द्रसुतायाः शान्ताहङ्कारचिन्त्यचिद्रूप ।कान्तारखेलनरुचे शान्तान्तःकरणं दीनमव शम्भो ॥ २॥

kāntāgendrasutāyāḥ śāntāhaṅkāracintyacidrūpa |kāntārakhelanaruce śāntāntaḥkaraṇaṃ dīnamava śambho || 2||

दाक्षायणीमनोम्ब्रुजभानो वीक्षावितीर्णविनतेष्ट ।द्राक्षामधुरिममदभरशिक्षाकत्रीं प्रदेहि भम वाचम् ॥ ३॥

dākṣāyaṇīmanombrujabhāno vīkṣāvitīrṇavinateṣṭa |drākṣāmadhurimamadabharaśikṣākatrīṃ pradehi bhama vācam || 3||

पारदसमानवर्णौ नीरदनीकाशदिव्यगलदेशः ।पादनतदेवसङ्घः पशुमनिशं पातु मामीशः ॥ ४॥

pāradasamānavarṇau nīradanīkāśadivyagaladeśaḥ |pādanatadevasaṅghaḥ paśumaniśaṃ pātu māmīśaḥ || 4||

भव शम्भो गुरुरूपेणाशु मेऽद्य करुणाब्धे ।चिरतरमिह वासं कुरु जगतीं रक्षन् प्रबोधनानेन ॥ ५॥

bhava śambho gururūpeṇāśu me'dya karuṇābdhe |cirataramiha vāsaṃ kuru jagatīṃ rakṣan prabodhanānena || 5||

यक्षाधिपसखमनिशं रक्षाचतुरं समस्तलोकानाम् ।वीक्षादापितकवितं दाक्षायण्याः पतिं नौमि ॥ ६॥

yakṣādhipasakhamaniśaṃ rakṣācaturaṃ samastalokānām |vīkṣādāpitakavitaṃ dākṣāyaṇyāḥ patiṃ naumi || 6||

यमनियमनिरतलभ्यं शमदममुखषङ्कदानकृतदीक्षम् ।रमणीयपदसरोजं शमनाहितमाश्रये सततम् ॥ ७॥

yamaniyamaniratalabhyaṃ śamadamamukhaṣaṅkadānakṛtadīkṣam |ramaṇīyapadasarojaṃ śamanāhitamāśraye satatam || 7||

यमिहृन्मानसहंसं शमिताघौघं प्रणाममात्रेण ।अमितायुःप्रदपूजं कमितारं नौमि शैलतनयायाः ॥ ८॥

yamihṛnmānasahaṃsaṃ śamitāghaughaṃ praṇāmamātreṇa |amitāyuḥpradapūjaṃ kamitāraṃ naumi śailatanayāyāḥ || 8||

येन कृतमिन्दुमौले मानववर्येण तावकस्मरणम् ।तेन जितं जगदखिलं को न ब्रूते सुरार्यतुल्येन ॥ ९॥

yena kṛtamindumaule mānavavaryeṇa tāvakasmaraṇam |tena jitaṃ jagadakhilaṃ ko na brūte surāryatulyena || 9||

इति इन्दुमौलिस्मरणस्तोत्रं सम्पूर्णम् ॥

iti indumaulismaraṇastotraṃ sampūrṇam ||