ईश्वरस्तोत्रम् २ Ishvara Stotram 2

अथ द्विषष्टितमः पटलःश्रीआनन्दभैरवी उवाचअथ नाथ प्रवक्ष्येऽहं काकिनीगुरुदेवयोः ।मन्त्रोद्धारस्तव ज्ञानं येन सिद्धो भवेद् यतिः ॥ ६२१॥

atha dviṣaṣṭitamaḥ paṭalaḥśrīānandabhairavī uvācaatha nātha pravakṣye'haṃ kākinīgurudevayoḥ |mantroddhārastava jñānaṃ yena siddho bhaved yatiḥ || 621||

एतत्स्तवनपाठेन सहस्राख्यान्तसिद्धिषु ।राजत्वं लभते सद्योऽथवा योगी च सम्पदि ॥ ६२२॥

etatstavanapāṭhena sahasrākhyāntasiddhiṣu |rājatvaṃ labhate sadyo'thavā yogī ca sampadi || 622||

यथा जनकराजा च विषये गुरुभक्तिमान् ।महासिद्धो महाज्ञानी तथा भवति साधकः ॥ ६२३॥

yathā janakarājā ca viṣaye gurubhaktimān |mahāsiddho mahājñānī tathā bhavati sādhakaḥ || 623||

सुरा नागा रुद्रगणाः सर्वे विद्यार्थसेवकाः ।योगी ज्ञानी तथा सिद्धाः खेचरा यक्षराक्षसाः ॥ ६२४॥

surā nāgā rudragaṇāḥ sarve vidyārthasevakāḥ |yogī jñānī tathā siddhāḥ khecarā yakṣarākṣasāḥ || 624||

मुनयः क्रोधवेतालास्तथा चण्डेश्वरादयः ।एतच्छुभस्तवेन्द्रेण स्तुत्वा सर्वत्र सिद्धिगाः ॥ ६२५॥

munayaḥ krodhavetālāstathā caṇḍeśvarādayaḥ |etacchubhastavendreṇa stutvā sarvatra siddhigāḥ || 625||

पूर्णः पूर्णेन्दुबिम्बाननकमलकटाक्षादघौघापहारीनारीन्धाता विधाता समवति न च तान् योगयोग्यान् महेन्द्रान् ।सम्पत्तिप्राणयोगी निरवधिवरदानन्दगोप्ता शरीरोबालो मृत्युञ्जयस्य प्रभुरिति भयहा पातु मे गुप्तदेहम् ॥ ६२६॥

pūrṇaḥ pūrṇendubimbānanakamalakaṭākṣādaghaughāpahārīnārīndhātā vidhātā samavati na ca tān yogayogyān mahendrān |sampattiprāṇayogī niravadhivaradānandagoptā śarīrobālo mṛtyuñjayasya prabhuriti bhayahā pātu me guptadeham || 626||

कामक्रोधापहन्ता जनयति भरतान् भारतान् पातु पृथ्वींयो योगी भावयोगी मम कुलफलदः सर्वदा शं करोतु ।तत्क्रोडे लोकचक्रं तिलतुलतुलसेसन्निभं भाति सूक्ष्मंतच्छ्रीनाथाङ्घ्रिपादद्वयमजरमहं भावये हृत्प्रपञ्चे ॥ ६२७॥

kāmakrodhāpahantā janayati bharatān bhāratān pātu pṛthvīṃyo yogī bhāvayogī mama kulaphaladaḥ sarvadā śaṃ karotu |tatkroḍe lokacakraṃ tilatulatulasesannibhaṃ bhāti sūkṣmaṃtacchrīnāthāṅghripādadvayamajaramahaṃ bhāvaye hṛtprapañce || 627||

मायां मोहे विवेकी शतकितवरिपूच्छेदकः प्रेरकस्थकोर्षाणी गुप्ततन्द्रावनिभवमनुजो यो महामङ्गलस्थः ।लोकातीतो तितीरो जय जय करुणानाथ दाता तपस्वीमन्त्रोद्धारार्थगुप्तं समवति य इह प्राणनाथं तमीडे ॥ ६२८॥

māyāṃ mohe vivekī śatakitavaripūcchedakaḥ prerakasthakorṣāṇī guptatandrāvanibhavamanujo yo mahāmaṅgalasthaḥ |lokātīto titīro jaya jaya karuṇānātha dātā tapasvīmantroddhārārthaguptaṃ samavati ya iha prāṇanāthaṃ tamīḍe || 628||

भावान्तो योऽतिगुर्वी हृदि जयकमलेऽतेऽमरप्रत्यथर्वोवाग्देवी देवतायै नम इति मनुना मोहितो वाक्पतीशः ।मन्त्रार्थोद्दीपनाख्यो विजयसखाकोटिभिर्वेष्टितो योबालार्कानन्दरश्मिप्रचयशतमखः पातु मां दुःखजालात् ॥ ६२९॥

bhāvānto yo'tigurvī hṛdi jayakamale'te'marapratyatharvovāgdevī devatāyai nama iti manunā mohito vākpatīśaḥ |mantrārthoddīpanākhyo vijayasakhākoṭibhirveṣṭito yobālārkānandaraśmipracayaśatamakhaḥ pātu māṃ duḥkhajālāt || 629||

हृष्टाङ्गा सङ्गताङ्गाननविमलशिखाकोटिभिर्वर्जितो योमन्त्राच्चैतन्यहर्ता प्रणवमयशिवं तत्सदान्ते शिवं च ।ध्यात्वा माहेश्वरायां नम इति जपनात् ते महेन्द्राधिपः स्यात्कालीपुत्रः स एव त्वमभयवरदः सेव्यते यैः स मुक्तः ॥ ६२१०॥

hṛṣṭāṅgā saṅgatāṅgānanavimalaśikhākoṭibhirvarjito yomantrāccaitanyahartā praṇavamayaśivaṃ tatsadānte śivaṃ ca |dhyātvā māheśvarāyāṃ nama iti japanāt te mahendrādhipaḥ syātkālīputraḥ sa eva tvamabhayavaradaḥ sevyate yaiḥ sa muktaḥ || 6210||

हंसः प्राणाविहन्ता त्वमखिलवरदस्त्वं निदानः प्रधानःशान्तीशस्त्वं प्रतिष्ठः प्रणवशिवसदाभद्रमाहेश्वराय ।अन्तेऽत्युच्चैर्नमोऽन्ते मनुमिह जपते सम्पदे दोषभङ्गादानन्दाब्धौ त्वमीशो गुरुरिह चपलं चापलं मां प्रपाहि ॥ ६२११॥

haṃsaḥ prāṇāvihantā tvamakhilavaradastvaṃ nidānaḥ pradhānaḥśāntīśastvaṃ pratiṣṭhaḥ praṇavaśivasadābhadramāheśvarāya |ante'tyuccairnamo'nte manumiha japate sampade doṣabhaṅgādānandābdhau tvamīśo gururiha capalaṃ cāpalaṃ māṃ prapāhi || 6211||

आनन्दोद्रेककारी त्वमपि सकरुणासागरो भक्तिदातादाता विद्याधरीणां त्वमपि सुररिपुः पार्वतीप्राणनाथः ।तारे बिन्द्वाधराढ्यं क्षरमथविधुमत्तं मन्त्रमेकाक्षरं तेतारान्तं त्र्यक्षरन्तं प्रजपति यदि यो योगिराड् भूतले स्यात् ॥ ६२१२॥

ānandodrekakārī tvamapi sakaruṇāsāgaro bhaktidātādātā vidyādharīṇāṃ tvamapi suraripuḥ pārvatīprāṇanāthaḥ |tāre bindvādharāḍhyaṃ kṣaramathavidhumattaṃ mantramekākṣaraṃ tetārāntaṃ tryakṣarantaṃ prajapati yadi yo yogirāḍ bhūtale syāt || 6212||

सर्पाण्डस्थं सुसिद्धो हरविधुमधरं चन्द्रबिन्दुस्वरूपंजप्त्वा नित्यं विलोमं प्रणवमृतिहरं वह्निकान्ता तदन्ते ।एतद्रूपं पदं यो भजति वरगतं हेममञ्जीरनादंमम्रेक्षानन्दचित्तं विजयवरकुलानन्ददः प्राणगं ते ॥ ६२१३॥

sarpāṇḍasthaṃ susiddho haravidhumadharaṃ candrabindusvarūpaṃjaptvā nityaṃ vilomaṃ praṇavamṛtiharaṃ vahnikāntā tadante |etadrūpaṃ padaṃ yo bhajati varagataṃ hemamañjīranādaṃmamrekṣānandacittaṃ vijayavarakulānandadaḥ prāṇagaṃ te || 6213||

उच्चाटे मोहने वाप्यरिवशसमये शान्तिपुष्ट्यान्तवश्येते मन्त्रान् योजयित्वा जपति यदि सुधीः श्रीपदाब्जावलम्बी ।सिध्येत् षट्कर्मसारं परमगुरुगतः स भवेत् कल्पशाखीराजेन्द्रः सर्वलोके धनपतिसदृशः शम्भुनाथप्रसादात् ॥ ६२१४॥

uccāṭe mohane vāpyarivaśasamaye śāntipuṣṭyāntavaśyete mantrān yojayitvā japati yadi sudhīḥ śrīpadābjāvalambī |sidhyet ṣaṭkarmasāraṃ paramagurugataḥ sa bhavet kalpaśākhīrājendraḥ sarvaloke dhanapatisadṛśaḥ śambhunāthaprasādāt || 6214||

खान्तं शक्रादिरूढं विधुनयनयुतं कामबीजं त्रिशक्तिंचाद्येऽन्ते ॐ शिवायानलवधुमिलितं यो जपेन्नाथमन्त्रम् ।तेनाम्नायो जपित्वा कुलपथनिरतः साधकः श्रीवरेण्यःकिं तस्यासाध्यसिद्धिं त्रिजगति स सुखी सन्मुखी योगमार्गी ॥ ६२१५॥

khāntaṃ śakrādirūḍhaṃ vidhunayanayutaṃ kāmabījaṃ triśaktiṃcādye'nte oṃ śivāyānalavadhumilitaṃ yo japennāthamantram |tenāmnāyo japitvā kulapathanirataḥ sādhakaḥ śrīvareṇyaḥkiṃ tasyāsādhyasiddhiṃ trijagati sa sukhī sanmukhī yogamārgī || 6215||

सर्वातीतो विहारी पदगतिरहितः सर्वगामी विरामीहस्ताभावो विनेता निरवधिवरदः सर्वरूपी विरूपी ।मन्त्रज्ञस्त्वं सुमन्त्री महमयसमयः संशयासारहन्तामन्ता विश्वेश्वरीणां परपशुपतयेऽन्ते नमः पातु नम्रम् ॥ ६२१६॥

sarvātīto vihārī padagatirahitaḥ sarvagāmī virāmīhastābhāvo vinetā niravadhivaradaḥ sarvarūpī virūpī |mantrajñastvaṃ sumantrī mahamayasamayaḥ saṃśayāsārahantāmantā viśveśvarīṇāṃ parapaśupataye'nte namaḥ pātu namram || 6216||

योगी भोगी विरागी त्वमतुलविभवः सम्भवः पञ्चचूडोवाणी शेषः प्रियेशः शशिग्रथितमृडाशोभिताङ्गो ह्यनङ्गः ।कामो माया रमेशः प्रथमदिनकरश्रेणि शोभावलिप्तःसर्वाङ्गं यः प्रपायादमलकमलगः क्रोधगो योऽवलोकम् ॥ ६२१७॥

yogī bhogī virāgī tvamatulavibhavaḥ sambhavaḥ pañcacūḍovāṇī śeṣaḥ priyeśaḥ śaśigrathitamṛḍāśobhitāṅgo hyanaṅgaḥ |kāmo māyā rameśaḥ prathamadinakaraśreṇi śobhāvaliptaḥsarvāṅgaṃ yaḥ prapāyādamalakamalagaḥ krodhago yo'valokam || 6217||

एतच्छ्रीशङ्करस्तोत्रं यः पठेन्नियतः शुचिः ।संवत्सराद् भवेत् सिद्धिः सर्वज्ञानप्रदायिनी ॥ ६२१८॥

etacchrīśaṅkarastotraṃ yaḥ paṭhenniyataḥ śuciḥ |saṃvatsarād bhavet siddhiḥ sarvajñānapradāyinī || 6218||

शुचौ वाप्यशुचौ स्तौति भक्त्या यः साधकोत्तमः ।स सर्वयातनामुक्तो योगी ग्रन्थिविभेदकः ॥ ६२१९॥

śucau vāpyaśucau stauti bhaktyā yaḥ sādhakottamaḥ |sa sarvayātanāmukto yogī granthivibhedakaḥ || 6219||

अकस्मात् सिद्धिमाप्नोति प्रेमानन्दसुभक्तिदाम् ।शतमष्टोत्तरं चास्य पुरश्चर्याविधिः स्मृतः ॥ ६२२०॥

akasmāt siddhimāpnoti premānandasubhaktidām |śatamaṣṭottaraṃ cāsya puraścaryāvidhiḥ smṛtaḥ || 6220||

न स्नानं न जपः कार्यं न पूजादिविधानकम् ।केवलं स्तवपाठेनानाहते सुस्थिरो भवेत् ॥ ६२२१॥

na snānaṃ na japaḥ kāryaṃ na pūjādividhānakam |kevalaṃ stavapāṭhenānāhate susthiro bhavet || 6221||

चिरञ्जीवी वीतरागो वीतसंसारभावनः ।पठित्वा धारयित्वा च योगभ्रष्टो न सम्भवेत् ।अनायासे योगसिद्धिं प्राप्नोति विपुलां श्रियम् ॥ ६२२२॥

cirañjīvī vītarāgo vītasaṃsārabhāvanaḥ |paṭhitvā dhārayitvā ca yogabhraṣṭo na sambhavet |anāyāse yogasiddhiṃ prāpnoti vipulāṃ śriyam || 6222||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेषट्चक्रप्रकाशे भैरवीभैरवसंवादे ईश्वरस्तोत्रविन्यासो नामद्विषष्टितमः पटलः ॥ ६२॥

iti śrīrudrayāmale uttaratantre mahātantroddīpane siddhamantraprakaraṇeṣaṭcakraprakāśe bhairavībhairavasaṃvāde īśvarastotravinyāso nāmadviṣaṣṭitamaḥ paṭalaḥ || 62||

ऱुद्रयमल उत्तरतन्त्र।

rudrayamala uttaratantra|