त्वमेव ब्रूहिस्तोत्रम् Tvameva Bruhi Stotram

श्री गणेशाय नमः ।आसीद्धराधामललामरूपो नासीदहो कस्य गुरुर्गरीयान् ।देशः स एवाद्य त्वदीयप्रेयान् हेयानधस्तिष्ठति सर्वदेशात् ॥ १॥

śrī gaṇeśāya namaḥ |āsīddharādhāmalalāmarūpo nāsīdaho kasya gururgarīyān |deśaḥ sa evādya tvadīyapreyān heyānadhastiṣṭhati sarvadeśāt || 1||

अभूदयोध्या भवदीयमेध्या पुरी पुरा देवपुरादपीह ।म्लेच्छैरुपेतामवलोक्यते तां नो दूयते किं वद चारु चेतः ॥ २॥

abhūdayodhyā bhavadīyamedhyā purī purā devapurādapīha |mlecchairupetāmavalokyate tāṃ no dūyate kiṃ vada cāru cetaḥ || 2||

पुरा सुराक्रान्तवसुन्धराया व्यथा त्वया किं न निराकृता सा ।तत्ते बलं क्वास्ति खरः शरो वा गोघातिनो हन्त कथं न हन्सि ॥ ३॥

purā surākrāntavasundharāyā vyathā tvayā kiṃ na nirākṛtā sā |tatte balaṃ kvāsti kharaḥ śaro vā goghātino hanta kathaṃ na hansi || 3||

मन्ये महापापकलापकारी चेद्रावणो हन्त हतस्त्वयैव ।किं तद्विधानद्य न पश्यसीह यद्वा त्वमस्माकमिवासि भीतः ॥ ४॥

manye mahāpāpakalāpakārī cedrāvaṇo hanta hatastvayaiva |kiṃ tadvidhānadya na paśyasīha yadvā tvamasmākamivāsi bhītaḥ || 4||

सीतातिमीता दशकन्धरेण वीता त्वया शान्तिमितो न भेदः ।नानाबला हाद्य खला हरन्ति नायांसि कारुण्यमितोऽस्ति खेदः ॥ ५॥

sītātimītā daśakandhareṇa vītā tvayā śāntimito na bhedaḥ |nānābalā hādya khalā haranti nāyāṃsi kāruṇyamito'sti khedaḥ || 5||

नोचेद् दयाघन दयामधुना करोषि सन् दीनबन्धुरपि निष्ठुरतां तनोऽसि ।कस्यान्तिकं व्रजतु भारतमेतदद्य लोकाभिराम घनश्याम त्वमेव ब्रूहि ॥ ६॥

noced dayāghana dayāmadhunā karoṣi san dīnabandhurapi niṣṭhuratāṃ tano'si |kasyāntikaṃ vrajatu bhāratametadadya lokābhirāma ghanaśyāma tvameva brūhi || 6||

॥ श्रीराजमणिशर्मकृतं त्वमेवब्रूहिस्तोत्रं सम्पूर्णम् ॥

|| śrīrājamaṇiśarmakṛtaṃ tvamevabrūhistotraṃ sampūrṇam ||