उत्कण्ठादशकम् Utkanthadashakam

छिन्नस्वर्णविनिन्दिचिक्कणरुचिं स्मेरां वयःसन्धितोरम्यां रक्तसुचीनपट्टवसनां वेशेन विभ्राजिताम् ।उद्।ह्घूर्णाच्छितिकण्ठपिञ्छविलसद्वेणीं मुकुन्दं मनाक्पश्यन्तीं नयनाञ्चलेन मुदितां राधां कदाहं भजे ॥ १॥

chinnasvarṇavinindicikkaṇaruciṃ smerāṃ vayaḥsandhitoramyāṃ raktasucīnapaṭṭavasanāṃ veśena vibhrājitām |ud|hghūrṇācchitikaṇṭhapiñchavilasadveṇīṃ mukundaṃ manākpaśyantīṃ nayanāñcalena muditāṃ rādhāṃ kadāhaṃ bhaje || 1||

यस्याः कान्ततनूल्लसत्परिमलेनाकृष्ट उच्चैः स्फुरद्गोपीवृन्दमुखारविन्दमधुतत्प्रीत्या धयन्नप्यदः ।मुञ्चन्वर्त्मनि बम्भ्रमीति मदतो गोविन्दभृङ्गः सतांवृन्दारण्यवरेण्यकल्पलतिकां राधां कदाहं भजे ॥ २॥

yasyāḥ kāntatanūllasatparimalenākṛṣṭa uccaiḥ sphuradgopīvṛndamukhāravindamadhutatprītyā dhayannapyadaḥ |muñcanvartmani bambhramīti madato govindabhṛṅgaḥ satāṃvṛndāraṇyavareṇyakalpalatikāṃ rādhāṃ kadāhaṃ bhaje || 2||

श्रीमत्कुण्डतटीकुडुङ्गभवने क्रीडाकलानां गुरुंतल्पे मञ्जुलमल्लिकोमलदलैः कॢप्ते मुहुर्माधवम् ।जित्वा मानिनमक्षसङ्गरविधौ स्मित्वा दृगन्तोत्सवैर्युञ्जानां हसितुं सखीं परमहो राधां कदाहं भजे ॥ ३॥

śrīmatkuṇḍataṭīkuḍuṅgabhavane krīḍākalānāṃ guruṃtalpe mañjulamallikomaladalaiḥ kḷpte muhurmādhavam |jitvā māninamakṣasaṅgaravidhau smitvā dṛgantotsavairyuñjānāṃ hasituṃ sakhīṃ paramaho rādhāṃ kadāhaṃ bhaje || 3||

रासे प्रेमरसेन कृष्णविधुना सार्धं सखीभिर्वृतांभावैरष्टभिरेव सात्त्विकतरैर्लास्यं रसैस्तन्वतीम् ।वीणावेणुमृदङ्गकिङ्किणिचलन्मञ्जीरचूडोच्छलद्ध्वानैः स्फीतसुगीतमञ्जुनितरां राधां कदाहं भजे ॥ ४॥

rāse premarasena kṛṣṇavidhunā sārdhaṃ sakhībhirvṛtāṃbhāvairaṣṭabhireva sāttvikatarairlāsyaṃ rasaistanvatīm |vīṇāveṇumṛdaṅgakiṅkiṇicalanmañjīracūḍocchaladdhvānaiḥ sphītasugītamañjunitarāṃ rādhāṃ kadāhaṃ bhaje || 4||

उद्दामस्मरकेलिसङ्गरभरे कामं वनान्तःखलेकृष्णेनाङ्कितपीनपर्वतकुचद्वन्द्वां नखैरस्त्रकैः ।तद्दर्पेण तथा मदोद्धुरमहो तं विद्धमाकुर्वतींदूरे स्वालिकुलैः कृताशिषमहो राधां कदाहं भजे ॥ ५॥

uddāmasmarakelisaṅgarabhare kāmaṃ vanāntaḥkhalekṛṣṇenāṅkitapīnaparvatakucadvandvāṃ nakhairastrakaiḥ |taddarpeṇa tathā madoddhuramaho taṃ viddhamākurvatīṃdūre svālikulaiḥ kṛtāśiṣamaho rādhāṃ kadāhaṃ bhaje || 5||

मित्राणां निकरैर्वृतेन हरिणा स्वैरं गिरीन्द्रान्तिकेशुल्कादानमिषेण वर्त्मनि हठाद्दम्भेन रुद्धाञ्चलाम् ।सार्धं स्मेरसखीभिरुद्धुरगिरां भङ्ग्या क्षिपन्तीं रुषाभ्रूदर्पैर्विलसच्चकोरनयनां राधां कदाहं भजे ॥ ६॥

mitrāṇāṃ nikarairvṛtena hariṇā svairaṃ girīndrāntikeśulkādānamiṣeṇa vartmani haṭhāddambhena ruddhāñcalām |sārdhaṃ smerasakhībhiruddhuragirāṃ bhaṅgyā kṣipantīṃ ruṣābhrūdarpairvilasaccakoranayanāṃ rādhāṃ kadāhaṃ bhaje || 6||

पारावारविहारकौतुकमनःपूरेण कंसारिणास्फारे मानसजाह्नवीजलभरे तर्यां सौमुत्थापिताम् ।जीर्णा नौर्मम चेत्स्खलेदिति मिषाच्छायाद्वितीयां मुदापारे खण्डितकञ्चुलीं धृतकुचां राधां कदाहं भजे ॥ ७॥

pārāvāravihārakautukamanaḥpūreṇa kaṃsāriṇāsphāre mānasajāhnavījalabhare taryāṃ saumutthāpitām |jīrṇā naurmama cetskhalediti miṣācchāyādvitīyāṃ mudāpāre khaṇḍitakañculīṃ dhṛtakucāṃ rādhāṃ kadāhaṃ bhaje || 7||

उल्लासैर्जलकेलिलोलुपमनःपूरे निदाघोद्गमेक्ष्वेलीलम्पटमानसाभिरमितः सायं सखीभिर्वृताम् ।गोविन्दं सरसि प्रियेऽत्र सलिलक्रीडाविदग्धं कणैःसिञ्चन्तीं जलयन्त्रकेण पयसां राधां कदाहं भजे ॥ ८॥

ullāsairjalakelilolupamanaḥpūre nidāghodgamekṣvelīlampaṭamānasābhiramitaḥ sāyaṃ sakhībhirvṛtām |govindaṃ sarasi priye'tra salilakrīḍāvidagdhaṃ kaṇaiḥsiñcantīṃ jalayantrakeṇa payasāṃ rādhāṃ kadāhaṃ bhaje || 8||

वासन्तीकुसुमोत्करेण परितः सौरभ्यविस्तारिणास्वेनालङ्कृतिसञ्चयेन बहुधाविर्भावितेन स्फुटन्।सोत्कम्पं पुलकोद्गमैर्मुरभिदा द्राग्भूषिताङ्गीं क्रमैर्मोदेनाश्रुभरैः प्लुतां पुलकितां राधां कदाहं भजे ॥ ९॥

vāsantīkusumotkareṇa paritaḥ saurabhyavistāriṇāsvenālaṅkṛtisañcayena bahudhāvirbhāvitena sphuṭan|sotkampaṃ pulakodgamairmurabhidā drāgbhūṣitāṅgīṃ kramairmodenāśrubharaiḥ plutāṃ pulakitāṃ rādhāṃ kadāhaṃ bhaje || 9||

प्राणेभ्योऽप्यधिकप्रिया मुररिपोर्या हन्त यस्या अपिस्वीयप्राणपरार्धतोऽपि दयितास्तत्पादरेणोः कणाः ।धन्यां तां जगतीत्रये परिलसज्जङ्घालकीर्तिं हरेःप्रेष्ठावर्गशिरोऽग्रभूषणमणिं राधां कदाहं भजे ॥ १०॥

prāṇebhyo'pyadhikapriyā murariporyā hanta yasyā apisvīyaprāṇaparārdhato'pi dayitāstatpādareṇoḥ kaṇāḥ |dhanyāṃ tāṃ jagatītraye parilasajjaṅghālakīrtiṃ hareḥpreṣṭhāvargaśiro'grabhūṣaṇamaṇiṃ rādhāṃ kadāhaṃ bhaje || 10||

उत्कण्ठादशकस्तवेन नितरां नव्येन दिव्यैः स्वरैर्वृन्दारणयमहेन्द्रपट्टमहिषीं यः स्तौति सम्यक्सुधीः ।तस्मै प्राणसमागुणानुरसनात्सञ्ज्तहर्षोत्सवैःकृष्णोऽनर्घमभीष्टरत्नमचिरादेतत्स्फुटं यच्छति ॥ ११॥

utkaṇṭhādaśakastavena nitarāṃ navyena divyaiḥ svarairvṛndāraṇayamahendrapaṭṭamahiṣīṃ yaḥ stauti samyaksudhīḥ |tasmai prāṇasamāguṇānurasanātsañjtaharṣotsavaiḥkṛṣṇo'narghamabhīṣṭaratnamacirādetatsphuṭaṃ yacchati || 11||

इति श्रीरघुनाथदासगोस्वामिविरचितस्तवावल्यामुत्कण्ठादशकं सम्पूर्णम् ।

iti śrīraghunāthadāsagosvāmiviracitastavāvalyāmutkaṇṭhādaśakaṃ sampūrṇam |