राधिकाष्टोत्तरशतनामावलिः Shriradhikashtottarashatanamavalih

राधायै नमः । गन्धर्विकायै । गोष्ठयुवराजैककामितायै ।गन्धर्वाराधितायै । चन्द्रकान्त्यै । माधवसङ्गिन्यै ।दामोदराद्वैतसख्यै । कार्तिकोत्कीर्तिदेश्वर्यै ।मुकुन्ददयितावृन्दधम्मिल्लमणिमञ्जर्यै । भास्करो पासिकायै ।वृषभानुजाय् । अनङ्गमञ्जरीज्येष्ठायै । श्रीदामावरजोत्तमायै ।कीर्तिदाकन्यकायै । मातृस्नेहपीयूषपुत्रिकायै । विशाखासवयसे ।प्रेष्ठविशाखाजीविताधिकायै । प्राणाद्वितीयललितायै ।वृन्दावनविहारिण्यै नमः ॥ २०

rādhāyai namaḥ | gandharvikāyai | goṣṭhayuvarājaikakāmitāyai |gandharvārādhitāyai | candrakāntyai | mādhavasaṅginyai |dāmodarādvaitasakhyai | kārtikotkīrtideśvaryai |mukundadayitāvṛndadhammillamaṇimañjaryai | bhāskaro pāsikāyai |vṛṣabhānujāy | anaṅgamañjarījyeṣṭhāyai | śrīdāmāvarajottamāyai |kīrtidākanyakāyai | mātṛsnehapīyūṣaputrikāyai | viśākhāsavayase |preṣṭhaviśākhājīvitādhikāyai | prāṇādvitīyalalitāyai |vṛndāvanavihāriṇyai namaḥ || 20

ललिताप्राणरक्षैकलक्षायै नमः । वृन्दावनेश्वर्यै ।व्रजेन्द्रगृहिण्यै । कृष्णप्रायस्नेहनिकेतनायै ।व्रजगोगोपगोपालीजीवमात्रैकजीवनायै । स्नेहलाभीरराजेन्द्रायै ।वत्सलायै । अच्युतपूर्वजायै । गोविन्दप्रणयाधारायै ।सुरभीसेवनोत्सुकायै । धृतनन्दीश्वरक्षेमायै । गमनोत्कण्ठिमानसायै ।स्वदेहाद्वैततादृष्टधनिष्ठाध्येयदर्शनायै ।गोपेन्द्रमहिषीपाकशालावेदिप्रकाशिकाय ।आयुर्वर्धाकरद्धानारोहिणीघ्रातमस्तकायै । सुबलान्यस्तसारूप्यायै ।सुबलाप्रीतितोषितायै । मुखरादृक्सुधानप्त्र्यै ।जटिलादृष्टिभासितायै । मधुमङ्गलनर्मोक्तिजनितस्मितचन्द्रिकायै ।पौर्णमासीबहिःखेलत्प्राणपञ्जरसारिकायै नमः ॥ ४०

lalitāprāṇarakṣaikalakṣāyai namaḥ | vṛndāvaneśvaryai |vrajendragṛhiṇyai | kṛṣṇaprāyasnehaniketanāyai |vrajagogopagopālījīvamātraikajīvanāyai | snehalābhīrarājendrāyai |vatsalāyai | acyutapūrvajāyai | govindapraṇayādhārāyai |surabhīsevanotsukāyai | dhṛtanandīśvarakṣemāyai | gamanotkaṇṭhimānasāyai |svadehādvaitatādṛṣṭadhaniṣṭhādhyeyadarśanāyai |gopendramahiṣīpākaśālāvediprakāśikāya |āyurvardhākaraddhānārohiṇīghrātamastakāyai | subalānyastasārūpyāyai |subalāprītitoṣitāyai | mukharādṛksudhānaptryai |jaṭilādṛṣṭibhāsitāyai | madhumaṅgalanarmoktijanitasmitacandrikāyai |paurṇamāsībahiḥkhelatprāṇapañjarasārikāyai namaḥ || 40

स्वगणाद्वैतजीवातवे नमः । स्वीयाहङ्कारवर्धिन्यै ।स्वगणोपेन्द्रपादाब्जस्पर्शालम्भनहर्षिण्यै ।स्वीयवृन्दावनोद्यानपालिकीकृतवृन्दकायै ।ज्ञातवृन्दाटवीसर्वलतातरुमृगद्विजायै ।ईषच्चन्दनसङ्घृष्टनवकाश्मीरदेहभासे । जपापुष्पहप्रीतहर्यै ।पट्टचीनारुणाम्बरायै । चरणाब्जतलज्योतिररुणीकृतभूतलायै ।हरिचित्तचमत्कारिचारुनूपुरनिःस्वनायै ।कृष्णश्रान्तिहरश्रेणीपीठवल्गितघण्टिकायै ।कृष्णसर्वस्वपीनोद्यत्कुचाञ्चन्मणिमालिकायै ।नानारत्नेल्लसच्छङ्खचूडचारुभुजद्वयायै ।स्यमन्तकमणिभ्राजन्मणिभ्राजन्मणिबन्धातिबन्धुरायै ।सुवर्णदर्पणज्योतिरुल्लङ्घिमुखमण्डलायै ।पक्वदाडिमबीजाभदन्ताकृष्टाघभिच्छुकायै ।अब्जरागादिसृष्टाब्जकलिकाकर्णभूषणायै । सौभाग्यकज्जलाङ्काक्तनेत्रानन्दितखञ्जनायै । सुवृत्तमौक्तिकामुक्तानासिकातिलपुष्पिकायै ।सुचारुनवकस्तूरीतिलकाञ्चितभालकायै ॥ ६०

svagaṇādvaitajīvātave namaḥ | svīyāhaṅkāravardhinyai |svagaṇopendrapādābjasparśālambhanaharṣiṇyai |svīyavṛndāvanodyānapālikīkṛtavṛndakāyai |jñātavṛndāṭavīsarvalatātarumṛgadvijāyai |īṣaccandanasaṅghṛṣṭanavakāśmīradehabhāse | japāpuṣpahaprītaharyai |paṭṭacīnāruṇāmbarāyai | caraṇābjatalajyotiraruṇīkṛtabhūtalāyai |haricittacamatkāricārunūpuraniḥsvanāyai |kṛṣṇaśrāntiharaśreṇīpīṭhavalgitaghaṇṭikāyai |kṛṣṇasarvasvapīnodyatkucāñcanmaṇimālikāyai |nānāratnellasacchaṅkhacūḍacārubhujadvayāyai |syamantakamaṇibhrājanmaṇibhrājanmaṇibandhātibandhurāyai |suvarṇadarpaṇajyotirullaṅghimukhamaṇḍalāyai |pakvadāḍimabījābhadantākṛṣṭāghabhicchukāyai |abjarāgādisṛṣṭābjakalikākarṇabhūṣaṇāyai | saubhāgyakajjalāṅkāktanetrānanditakhañjanāyai | suvṛttamauktikāmuktānāsikātilapuṣpikāyai |sucārunavakastūrītilakāñcitabhālakāyai || 60

दिव्यवेणीविनिर्धूतकेकीपिञ्छवरस्तुत्यै ।नेत्रान्तसारविध्वंसकृतचाणूरजिद्धृत्यै ।स्फुरत्कैशोरतारुण्यसन्धिबन्धुरविग्रहायै ।माधवोल्लासकोन्मत्तपिकोरुमधुरस्वरायै ।प्राणायुतशतप्रेष्ठमाधवोत्कीर्तिलम्पटायै ।कृष्णापाङ्गतरङ्गोद्यत्स्मितपीयूषबुद्बुदायै ।पुञ्जीभूतजगल्लज्जावैदग्धीदिग्धविग्रहायै । करुणाविद्रवद्देहायै ।मूर्तिमन्माधुरीघटायै । जगद्गुणवतीवर्गगीयमानगुणोच्चयायै ।शच्यादिसुभगावृन्दवन्द्यमानोरुसौभगायै ।वीणावादनसङ्गीतरसलास्यविशारदायै । नारदप्रमुखोद्गीतजगदानन्दिसद्यशसे । गोवर्धनगुहागेहगृहिणीकुञ्जमण्डनायै ।चण्डांशुनन्दिनीबद्धभगिनीभावविभ्रमायै ।दिव्यकुन्दलतानर्मसख्यदामविभूषणायै ।गोवर्धनधराह्लादिशृङ्गाररसपण्डितायै ।गिरीन्द्रधरवक्षःश्रियै । शङ्खचूडारिजीवनाय ।गोकुलेन्द्रसुतप्रेमकामभूपेन्द्रपट्टणाय नमः ॥ ८०

divyaveṇīvinirdhūtakekīpiñchavarastutyai |netrāntasāravidhvaṃsakṛtacāṇūrajiddhṛtyai |sphuratkaiśoratāruṇyasandhibandhuravigrahāyai |mādhavollāsakonmattapikorumadhurasvarāyai |prāṇāyutaśatapreṣṭhamādhavotkīrtilampaṭāyai |kṛṣṇāpāṅgataraṅgodyatsmitapīyūṣabudbudāyai |puñjībhūtajagallajjāvaidagdhīdigdhavigrahāyai | karuṇāvidravaddehāyai |mūrtimanmādhurīghaṭāyai | jagadguṇavatīvargagīyamānaguṇoccayāyai |śacyādisubhagāvṛndavandyamānorusaubhagāyai |vīṇāvādanasaṅgītarasalāsyaviśāradāyai | nāradapramukhodgītajagadānandisadyaśase | govardhanaguhāgehagṛhiṇīkuñjamaṇḍanāyai |caṇḍāṃśunandinībaddhabhaginībhāvavibhramāyai |divyakundalatānarmasakhyadāmavibhūṣaṇāyai |govardhanadharāhlādiśṛṅgārarasapaṇḍitāyai |girīndradharavakṣaḥśriyai | śaṅkhacūḍārijīvanāya |gokulendrasutapremakāmabhūpendrapaṭṭaṇāya namaḥ || 80

वृषविध्वंसनर्मोक्तिस्वनिर्मितसरोवरायै ।निजकुण्डजलक्रीडाजितसङ्कर्षणानुजाय ।मुरमर्दनमत्तेभविहारामृतदीर्घिकायै ।गिरीन्द्रधरपारीन्द्ररतियुद्धोरुसिंहिकाय ।स्वतनूसौरभोन्मत्तीकृतमोहनमाधवायै ।दोर्मूलोच्चलनक्रीडाव्याकुलीकृतकेशवायै ।निजकुण्डततीकुञ्जक्लृप्तकेलीकलोद्यमायै ।दिव्यमल्लीकुलोल्लासिशय्याकल्पितविग्रहायै ।कृष्णवामभुजन्यस्तचारुदक्षिणगण्डकायै ।सव्यबाहुलताबद्धकृष्णदक्षिणसद्भुजायै ।कृष्णदक्षिणचारूरुश्लिष्टवामोरुरम्भिकायै ।गिरीन्द्रधरदृग्वक्षोमर्दिसुस्तनपर्वतायै ।गोविन्दाधरपीयूषवासिताधरपल्लवायै ।सुधासञ्चयचारूक्तिशीतलीकृतमाधवायै ।गोविन्दोद्गीर्णताम्बूलरागरज्यत्कपोलिकायै ।कृष्णसम्भोगसफलीकृतमन्मथसम्भवायै ।गोविन्दमार्जितोद्दामरतिप्रस्विन्नसन्मुखायै ।विशाखाविजितक्रीडाशान्तिनिद्रालुविग्रहायै ।गोविन्दचरणन्यस्तकायमानसजीवनायै ।स्वप्राणार्बुदनिर्मञ्छ्यहरिपादरजःकणायै नमः ॥ १००

vṛṣavidhvaṃsanarmoktisvanirmitasarovarāyai |nijakuṇḍajalakrīḍājitasaṅkarṣaṇānujāya |muramardanamattebhavihārāmṛtadīrghikāyai |girīndradharapārīndraratiyuddhorusiṃhikāya |svatanūsaurabhonmattīkṛtamohanamādhavāyai |dormūloccalanakrīḍāvyākulīkṛtakeśavāyai |nijakuṇḍatatīkuñjaklṛptakelīkalodyamāyai |divyamallīkulollāsiśayyākalpitavigrahāyai |kṛṣṇavāmabhujanyastacārudakṣiṇagaṇḍakāyai |savyabāhulatābaddhakṛṣṇadakṣiṇasadbhujāyai |kṛṣṇadakṣiṇacārūruśliṣṭavāmorurambhikāyai |girīndradharadṛgvakṣomardisustanaparvatāyai |govindādharapīyūṣavāsitādharapallavāyai |sudhāsañcayacārūktiśītalīkṛtamādhavāyai |govindodgīrṇatāmbūlarāgarajyatkapolikāyai |kṛṣṇasambhogasaphalīkṛtamanmathasambhavāyai |govindamārjitoddāmaratiprasvinnasanmukhāyai |viśākhāvijitakrīḍāśāntinidrāluvigrahāyai |govindacaraṇanyastakāyamānasajīvanāyai |svaprāṇārbudanirmañchyaharipādarajaḥkaṇāyai namaḥ || 100

अणुमात्राच्युतादर्शशप्यमानात्मलोचनायै नमः ।

aṇumātrācyutādarśaśapyamānātmalocanāyai namaḥ |

नित्यनूतनगोविन्दवक्त्रशुभ्रांशुदर्शनायै ।निःसीमहरिमाधुर्यसौन्दर्याद्येकभोगिन्यै ।सापत्न्यधाममुरलीमात्रभाग्यकटाक्षिण्यै ।गाढबुद्धिबलक्रीडाजितवंशीविकर्षिण्यै ।नर्मोक्तिचन्द्रिकोत्फुल्लकृष्णकामाब्धिवर्धिन्यै ।व्रजचन्द्रेन्द्रियग्रामविश्रामविधुशालिकायै ।कृष्णसर्वेन्द्रियोन्मादिराधेत्यक्षरयुग्मकायै नमः ॥ १०८

nityanūtanagovindavaktraśubhrāṃśudarśanāyai |niḥsīmaharimādhuryasaundaryādyekabhoginyai |sāpatnyadhāmamuralīmātrabhāgyakaṭākṣiṇyai |gāḍhabuddhibalakrīḍājitavaṃśīvikarṣiṇyai |narmokticandrikotphullakṛṣṇakāmābdhivardhinyai |vrajacandrendriyagrāmaviśrāmavidhuśālikāyai |kṛṣṇasarvendriyonmādirādhetyakṣarayugmakāyai namaḥ || 108

इति श्रीराधिकाष्टोत्तरशतनामावलिः समाप्ता ।

iti śrīrādhikāṣṭottaraśatanāmāvaliḥ samāptā |