राधानाम्नामष्टादशशती 1800 names of Radha

(श्रीकृष्णयामले महातन्त्रे)चतुर्विंशोऽध्यायःब्राह्मण उवाचततः सा त्वरया वृन्दा दासी कृष्णस्य योगिनी ।सम्मुखस्था महादेव्या गृहीत्वा करपङ्कजम् ।अपृच्छन्मधुरालापा तन्नाम चरितानि च ॥ १॥

(śrīkṛṣṇayāmale mahātantre)caturviṃśo'dhyāyaḥbrāhmaṇa uvācatataḥ sā tvarayā vṛndā dāsī kṛṣṇasya yoginī |sammukhasthā mahādevyā gṛhītvā karapaṅkajam |apṛcchanmadhurālāpā tannāma caritāni ca || 1||

वृन्दा उवाचकिं ते नाम महादेवि तन्मे कथय सुव्रते ।मया त्वं कृत्ययाविष्टा लक्ष्यसे मन्दगामिनि ॥ २॥

vṛndā uvācakiṃ te nāma mahādevi tanme kathaya suvrate |mayā tvaṃ kṛtyayāviṣṭā lakṣyase mandagāmini || 2||

श्रुतमस्ति मया किञ्चित्तदाकर्णय सुव्रते ।परब्रह्मस्वरूपस्य कृष्णस्याऽद्भुतरूपिणः ॥ ३॥

śrutamasti mayā kiñcittadākarṇaya suvrate |parabrahmasvarūpasya kṛṣṇasyā'dbhutarūpiṇaḥ || 3||

देहाद्विनिर्गता पूर्वं राधिका सकलाधिका ।तां दृष्ट्वा रूपिणीं देवीं स्वयं कृष्णो मुमोह सः ॥ ४॥

dehādvinirgatā pūrvaṃ rādhikā sakalādhikā |tāṃ dṛṣṭvā rūpiṇīṃ devīṃ svayaṃ kṛṣṇo mumoha saḥ || 4||

ततस्तुष्टाव विकलो राधा राधेति जल्पकः ।तामेव नीलराजीवलोचनीं शोकमोचनीम् ॥ ५॥

tatastuṣṭāva vikalo rādhā rādheti jalpakaḥ |tāmeva nīlarājīvalocanīṃ śokamocanīm || 5||

ततः सा च महादेवी भुवनेश्याऽवरोधिता ।कृष्णदेहोद्भवाऽप्यद्य रतिभीताऽद्रवत् क्षणात् ॥ ६॥

tataḥ sā ca mahādevī bhuvaneśyā'varodhitā |kṛṣṇadehodbhavā'pyadya ratibhītā'dravat kṣaṇāt || 6||

हस्तप्राप्तां च तां देवीं न स जग्राह केशवः ।प्रेमभङ्गभयात् साऽपि ततश्चान्तर्दधे क्षणात् ॥ ७॥

hastaprāptāṃ ca tāṃ devīṃ na sa jagrāha keśavaḥ |premabhaṅgabhayāt sā'pi tataścāntardadhe kṣaṇāt || 7||

अन्तर्हितायां राधायां तत्कामासक्तचेतनः ।चिन्तयामास विश्वात्मा कथं मद्वशगा भवेत् ॥ ८॥

antarhitāyāṃ rādhāyāṃ tatkāmāsaktacetanaḥ |cintayāmāsa viśvātmā kathaṃ madvaśagā bhavet || 8||

अपूर्वरूपसम्पन्ना नवयौवनगर्विणी ।तत्र चिन्तयतस्तस्य कृष्णस्य परमात्मनः ॥ ९॥

apūrvarūpasampannā navayauvanagarviṇī |tatra cintayatastasya kṛṣṇasya paramātmanaḥ || 9||

देहादाविर्बभूवाऽसौ परब्रह्मस्वरूपिणी ।समस्तलोकजननी श्रीमत्त्रिपुरसुन्दरी ॥ १०॥

dehādāvirbabhūvā'sau parabrahmasvarūpiṇī |samastalokajananī śrīmattripurasundarī || 10||

यथा कृष्णे न भेदोऽस्ति परमानन्दरूपिणी ।बहुरूपा च सा देवी ततो जाताः सहस्रशः ॥ ११॥

yathā kṛṣṇe na bhedo'sti paramānandarūpiṇī |bahurūpā ca sā devī tato jātāḥ sahasraśaḥ || 11||

अनङ्गकुसुमाद्याश्च नित्यलीला महाबलाः ।नानारूपधराः सर्वा नानाशक्तिसमन्विताः ॥ १२॥

anaṅgakusumādyāśca nityalīlā mahābalāḥ |nānārūpadharāḥ sarvā nānāśaktisamanvitāḥ || 12||

अन्वेषणाय राधायाः प्रेषिता विश्वरूपया ।राधया चापि ताः सर्वा निर्जिता निजमायया ॥ १३॥

anveṣaṇāya rādhāyāḥ preṣitā viśvarūpayā |rādhayā cāpi tāḥ sarvā nirjitā nijamāyayā || 13||

तच्छ्रुत्वा त्रिपुरादेवी योगिनी त्रिपुरातनी ।चकार कर्म तद्दिव्यं मन्त्रमुद्रासमन्वितम् ॥ १४॥

tacchrutvā tripurādevī yoginī tripurātanī |cakāra karma taddivyaṃ mantramudrāsamanvitam || 14||

संक्षोभणं द्रावणं च वश्याकर्षणमादनम् ।त्रिखण्डाद्या मुद्रिकाश्च वश्यकर्मकुतूहलाः ॥ १५॥

saṃkṣobhaṇaṃ drāvaṇaṃ ca vaśyākarṣaṇamādanam |trikhaṇḍādyā mudrikāśca vaśyakarmakutūhalāḥ || 15||

याभिर्विरचिताभिश्च का स्त्री न स्याद्वशङ्गता ।मायया मोहिता याश्च उन्माद्यन्त्यो मनस्विनि ॥ १६॥

yābhirviracitābhiśca kā strī na syādvaśaṅgatā |māyayā mohitā yāśca unmādyantyo manasvini || 16||

न जाने कीदृशी तासां गतिर्भवति शोभने ।त्रिपुरा त्रिजगद्धात्री साक्षाद्या भगवत्तनुः ॥ १७॥

na jāne kīdṛśī tāsāṃ gatirbhavati śobhane |tripurā trijagaddhātrī sākṣādyā bhagavattanuḥ || 17||

तया विरचिता माया न कस्या वा हरेन्मनः ।न जाने कासि देवी त्वं किं ते नाम प्रकाश्यताम् ॥ १८॥

tayā viracitā māyā na kasyā vā harenmanaḥ |na jāne kāsi devī tvaṃ kiṃ te nāma prakāśyatām || 18||

नवलावण्यवश्याभिः समाप्लावितविग्रहाः ।न क्वापि कापि मे दृष्टा सृष्टाविह विहारिणी ॥ १९॥

navalāvaṇyavaśyābhiḥ samāplāvitavigrahāḥ |na kvāpi kāpi me dṛṣṭā sṛṣṭāviha vihāriṇī || 19||

ब्राह्मण उवाचइत्युक्ता सा महादेवी कृष्णदेवस्य वल्लभा ।वाणीं सुमधुरां कान्तामकरोदतिथिं मुखे ॥ २०॥

brāhmaṇa uvācaityuktā sā mahādevī kṛṣṇadevasya vallabhā |vāṇīṃ sumadhurāṃ kāntāmakarodatithiṃ mukhe || 20||

श्रीराधिका उवाचन जानामि कुतो जाता कस्मादत्र समागता ।किं मे नाम न जानामि स्वभावचपलाऽस्म्यहम् ॥ २१॥

śrīrādhikā uvācana jānāmi kuto jātā kasmādatra samāgatā |kiṃ me nāma na jānāmi svabhāvacapalā'smyaham || 21||

एकं स्मरामि पुरुषं श्यामलं पुरुषाकृतिम् ।तत्कटाक्षबाणभिन्नहृदया हृदयाम्बुजे ॥ २२॥

ekaṃ smarāmi puruṣaṃ śyāmalaṃ puruṣākṛtim |tatkaṭākṣabāṇabhinnahṛdayā hṛdayāmbuje || 22||

रिरंसुरपि तं दूरे भयात् प्रथमसङ्गमे ।दैवादहं गता दूरे नीपमूलादिति स्मरे ॥ २३॥

riraṃsurapi taṃ dūre bhayāt prathamasaṅgame |daivādahaṃ gatā dūre nīpamūlāditi smare || 23||

ब्राह्मण उवाचततो वृन्दा भगवती भूयः प्रोवाच कामिनी ।तामेव राधिकां देवीं प्रणयाविष्टमानसा ॥ २४॥

brāhmaṇa uvācatato vṛndā bhagavatī bhūyaḥ provāca kāminī |tāmeva rādhikāṃ devīṃ praṇayāviṣṭamānasā || 24||

वृन्दा उवाचकथयस्व महेशानि नाम किं ते सुखावहे ।रूपं दृष्ट्वा मोहितायै मह्यं शुश्रूषवे परम् ॥ २५॥

vṛndā uvācakathayasva maheśāni nāma kiṃ te sukhāvahe |rūpaṃ dṛṣṭvā mohitāyai mahyaṃ śuśrūṣave param || 25||

रूपमीदृङ्नाम कीदृक् सुधासहचरं भवेत् ।इति व्याकुलिताया मे सत्यमान्दोलितं मनः ॥ २६॥

rūpamīdṛṅnāma kīdṛk sudhāsahacaraṃ bhavet |iti vyākulitāyā me satyamāndolitaṃ manaḥ || 26||

करुणाकरुणापूर्णमरुणायतलोचने ।यद्यस्ति कुरु चेतस्त्वं मम शोकविमोचने ॥ २७॥

karuṇākaruṇāpūrṇamaruṇāyatalocane |yadyasti kuru cetastvaṃ mama śokavimocane || 27||

श्रीराधिका उवाचशृणु ते कथयिष्यामि वृन्दे वृन्दारवन्दिते ।अष्टादशशतीं नाम्नां वेदागमसुगोपिताम् ॥ २८॥

śrīrādhikā uvācaśṛṇu te kathayiṣyāmi vṛnde vṛndāravandite |aṣṭādaśaśatīṃ nāmnāṃ vedāgamasugopitām || 28||

पवित्रां परमां पुण्यां पापसंहारकारिणीम् ।श्रीकृष्णविरहाक्रान्तमनसो यदि नो सुखम् ॥ २९॥

pavitrāṃ paramāṃ puṇyāṃ pāpasaṃhārakāriṇīm |śrīkṛṣṇavirahākrāntamanaso yadi no sukham || 29||

तथापि तव सौभाग्यान्मुखे वाणीं युनज्म्यहम् ।यत्ते प्रवर्त्तयिष्यामि प्रवर्त्त्यं न कदाचन ।केभ्योऽपि प्राणतुल्येभ्यो भक्तेभ्योऽपि विशेषतः ॥ ३०॥

tathāpi tava saubhāgyānmukhe vāṇīṃ yunajmyaham |yatte pravarttayiṣyāmi pravarttyaṃ na kadācana |kebhyo'pi prāṇatulyebhyo bhaktebhyo'pi viśeṣataḥ || 30||

अस्याऽष्टादशशतीनामस्तोत्रस्य नारदऋषिरनुष्टुपछन्दःश्रीकृष्णाऽभिन्ना राधारसमयीशक्तिर्देवता पुरुषस्यपुरुषार्थचतुष्टयसाधने श्रीराधानाम्नामष्टादशशतीपाठे विनियोगः ।ॐ राधा परमा शक्तिः श्रीकृष्णप्राणवल्लभा ।नित्या रसमयी शुद्धा प्रबुद्धा बुद्धरूपिणी ॥ ३१॥

asyā'ṣṭādaśaśatīnāmastotrasya nāradaṛṣiranuṣṭupachandaḥśrīkṛṣṇā'bhinnā rādhārasamayīśaktirdevatā puruṣasyapuruṣārthacatuṣṭayasādhane śrīrādhānāmnāmaṣṭādaśaśatīpāṭhe viniyogaḥ |oṃ rādhā paramā śaktiḥ śrīkṛṣṇaprāṇavallabhā |nityā rasamayī śuddhā prabuddhā buddharūpiṇī || 31||

कमला कमलास्या च कमलासनवन्दिता ।कमलासना कामिनी च कान्ता कान्तमनोहरा ॥ ३२॥

kamalā kamalāsyā ca kamalāsanavanditā |kamalāsanā kāminī ca kāntā kāntamanoharā || 32||

कान्तिमत्यनुरागाढ्या कामकेलिविलासिनी ।वृन्दारण्येश्वरी वृन्दा वृन्दारकमनोरमा ॥ ३३॥

kāntimatyanurāgāḍhyā kāmakelivilāsinī |vṛndāraṇyeśvarī vṛndā vṛndārakamanoramā || 33||

विश्वेषां जननी विश्वा विश्वपालनकारिणी ।विश्वाधारा विश्वरूपा विश्वसृष्टिविकासिनी ॥ ३४॥

viśveṣāṃ jananī viśvā viśvapālanakāriṇī |viśvādhārā viśvarūpā viśvasṛṣṭivikāsinī || 34||

विश्वेश्वरी विश्वमाया विश्वसंहारचारिणी ।अमृता मोक्षदा मोक्षा मोक्षलक्ष्मीः सुलक्षणा ॥ ३५॥

viśveśvarī viśvamāyā viśvasaṃhāracāriṇī |amṛtā mokṣadā mokṣā mokṣalakṣmīḥ sulakṣaṇā || 35||

नित्यं विलासरसिका नित्यं कौतुकलम्पटा ।गोपी राज्ञी शशिमुखी खञ्जनाक्षी च खञ्जना ॥ ३६॥

nityaṃ vilāsarasikā nityaṃ kautukalampaṭā |gopī rājñī śaśimukhī khañjanākṣī ca khañjanā || 36||

क्रीडानिकुञ्जनिलया कदम्बतरुवासिनी ।अभक्तोत्सारणकरी सदा प्रणतवत्सला ३७॥जगन्मोहा मोहरूपा गजेन्द्रमृदुगामिनी ।नितम्बिनी कामदेवजयजङ्गमदेवता ॥ ३८॥

krīḍānikuñjanilayā kadambataruvāsinī |abhaktotsāraṇakarī sadā praṇatavatsalā 37||jaganmohā moharūpā gajendramṛdugāminī |nitambinī kāmadevajayajaṅgamadevatā || 38||

शिवदा विपदुद्धारकारिणी विजयप्रदा ।विजया भामिनी देवी श्रीमती रतिलालसा ॥ ३९॥

śivadā vipaduddhārakāriṇī vijayapradā |vijayā bhāminī devī śrīmatī ratilālasā || 39||

मदोन्मत्ता मादिनी च दीप्ता त्रैलोक्यसुन्दरी ।वृषभानुसुता दुर्गा दुर्गोत्तारणकारिणी ॥ ४०॥

madonmattā mādinī ca dīptā trailokyasundarī |vṛṣabhānusutā durgā durgottāraṇakāriṇī || 40||

श्रीवृन्दावनचन्द्राक्षिचकोरवरचन्द्रिका ।लावण्यवश्या स्नाताङ्गी पूर्णामृतरसोदया ॥ ४१॥

śrīvṛndāvanacandrākṣicakoravaracandrikā |lāvaṇyavaśyā snātāṅgī pūrṇāmṛtarasodayā || 41||

अनन्तानन्तचरिताऽनन्तविक्रमचातुरी ।अरूपा अधिकाकारा अमिता अहिता हिता ॥ ४२॥

anantānantacaritā'nantavikramacāturī |arūpā adhikākārā amitā ahitā hitā || 42||

अलीकहीना अध्यास्या अरिष्टगणभञ्जनी ।अरिक्ता अघृताशक्ता अत्युज्ज्वलसमुज्ज्वला ॥ ४३॥

alīkahīnā adhyāsyā ariṣṭagaṇabhañjanī |ariktā aghṛtāśaktā atyujjvalasamujjvalā || 43||

अत्यद्भुता अविकृतिरविचारविवर्जिता ।अवचोगोचरा व्यक्तिरमनो वर्त्मगामिनी ॥ ४४॥

atyadbhutā avikṛtiravicāravivarjitā |avacogocarā vyaktiramano vartmagāminī || 44||

अनुच्छ्वसन्मानसा च अतिकान्तिकलापिनी ।अजन्मा कर्मसुकृता अमला अतिसुन्दरी ॥ ४५॥

anucchvasanmānasā ca atikāntikalāpinī |ajanmā karmasukṛtā amalā atisundarī || 45||

अभिरामाऽभिचलिताप्यभिसारविहारिणी ।अतीवरतिसञ्चारिमानसा चातिकामुकी ॥ ४६॥

abhirāmā'bhicalitāpyabhisāravihāriṇī |atīvaratisañcārimānasā cātikāmukī || 46||

अनङ्गरङ्गचतुरा चाङ्गसङ्गतचन्दना ।अपाङ्गभङ्गसञ्चारा अतिथिप्रियसेविनी ॥ ४७॥

anaṅgaraṅgacaturā cāṅgasaṅgatacandanā |apāṅgabhaṅgasañcārā atithipriyasevinī || 47||

अमराधिताङ्घ्र्यब्जा अलिका कलिकाकुला ।अचिन्त्यरूपचरिता अधिकानन्दशालिनी ॥ ४८॥

amarādhitāṅghryabjā alikā kalikākulā |acintyarūpacaritā adhikānandaśālinī || 48||

अमन्दरससम्पन्ना अकला चाकुला तथा ।अकाला चाकृतिरताऽप्यचला चलसन्निभा ॥ ४९॥

amandarasasampannā akalā cākulā tathā |akālā cākṛtiratā'pyacalā calasannibhā || 49||

अमन्दा अरुणाक्षी च अरुणारुणिमाधरा ।अपराधभञ्जिनी च अखला चाबला तथा ॥ ५०॥

amandā aruṇākṣī ca aruṇāruṇimādharā |aparādhabhañjinī ca akhalā cābalā tathā || 50||

अगलन्ती छलाढ्या च अम्बुदागमहर्षिता ।अम्बरावीतसर्वाङ्गी अम्बुराशिनिवासिनी ॥ ५१॥

agalantī chalāḍhyā ca ambudāgamaharṣitā |ambarāvītasarvāṅgī amburāśinivāsinī || 51||