अभीष्टप्रार्थनाष्टकम् Abhishtaprarthanashtakam

कदा गोष्ठे गोष्ठक्षितिपगृहदेव्या किल तयासबाष्पं कुर्वत्या विलसति सुते लालनविधिम् ।मुहुर्दृष्टं रोहिण्यपीहितनिवेशामवनतंनिषेवे ताम्बूलैरहमपि विशाखाप्रियसखीम् ॥ १॥

kadā goṣṭhe goṣṭhakṣitipagṛhadevyā kila tayāsabāṣpaṃ kurvatyā vilasati sute lālanavidhim |muhurdṛṣṭaṃ rohiṇyapīhitaniveśāmavanataṃniṣeve tāmbūlairahamapi viśākhāpriyasakhīm || 1||

कदा गान्धर्वायां शुचि विरचयन्त्यां हरिकृतेमुदा हारान्वृन्दैः सह सवयसामात्मसदने ।विचित्य श्रीहस्ते मणिमिह मुहुः सम्पुटचयादहो विन्यस्यन्ती सफलयति सेयं भुजलताम् ॥ २॥

kadā gāndharvāyāṃ śuci viracayantyāṃ harikṛtemudā hārānvṛndaiḥ saha savayasāmātmasadane |vicitya śrīhaste maṇimiha muhuḥ sampuṭacayādaho vinyasyantī saphalayati seyaṃ bhujalatām || 2||

कदा लीलाराज्ये व्रजविपिनरूपे विजयिनीनिजं भाग्यं साक्षादिह विदधती वल्लभतया ।समन्ताद्क्रीडन्ती पिकमधुपमुख्याभिरभितःप्रजाभिः सञ्जुष्टा प्रमदयति सा मां मदधिपा ॥ ३॥

kadā līlārājye vrajavipinarūpe vijayinīnijaṃ bhāgyaṃ sākṣādiha vidadhatī vallabhatayā |samantādkrīḍantī pikamadhupamukhyābhirabhitaḥprajābhiḥ sañjuṣṭā pramadayati sā māṃ madadhipā || 3||

कदा कृष्णातीरे त्रिचतुरसखीभिः सममहोप्रसूनां गुम्फन्तीं रविसखसुतामानततया ।समेत्य प्रच्छन्नं सपदि परिरिप्सोर्बकरिपोर्निषेधे भ्रूभङ्गं भृशमनुभजेऽहम् व्यजनिनी ॥ ४॥

kadā kṛṣṇātīre tricaturasakhībhiḥ samamahoprasūnāṃ gumphantīṃ ravisakhasutāmānatatayā |sametya pracchannaṃ sapadi pariripsorbakariporniṣedhe bhrūbhaṅgaṃ bhṛśamanubhaje'ham vyajaninī || 4||

कदा शुभ्रे तस्मिन्पुलिनवलये रासमहसासुवर्णाग्गीसङ्घेष्टहमहमिकामत्तमतिषु ।हरौ याते नीलोत्पलनिकसतां जित्वरगुणाद्गुणादस्मान्दिव्यद्रविणमिव राधा मदयति ॥ ५॥

kadā śubhre tasminpulinavalaye rāsamahasāsuvarṇāggīsaṅgheṣṭahamahamikāmattamatiṣu |harau yāte nīlotpalanikasatāṃ jitvaraguṇādguṇādasmāndivyadraviṇamiva rādhā madayati || 5||

कदा भाण्डीरस्य प्रथितरुचिरोत्सङ्गनिलयेवरामध्यासीनं कुसुममयतूलीमतुलितम् ।प्रिये चित्रं पत्रं लिखति निहितस्वङ्गलतिकांविशाखाप्राणालीं भजति दिशती वर्णकमसौ ॥ ६॥

kadā bhāṇḍīrasya prathitarucirotsaṅganilayevarāmadhyāsīnaṃ kusumamayatūlīmatulitam |priye citraṃ patraṃ likhati nihitasvaṅgalatikāṃviśākhāprāṇālīṃ bhajati diśatī varṇakamasau || 6||

कदा तुङ्गे तुङ्गे रहसि गिरिशृङ्गे व्रततिजान्प्रिये पूर्वा लीला निगमयति संस्तव्य निलयान्।मदेनाविष्पष्टं सकलितपदं व्रीडिततयाद्रुतमौत्क्येनैषा विरचयति पृच्छां मम पुरः ॥ ७॥

kadā tuṅge tuṅge rahasi giriśṛṅge vratatijānpriye pūrvā līlā nigamayati saṃstavya nilayān|madenāviṣpaṣṭaṃ sakalitapadaṃ vrīḍitatayādrutamautkyenaiṣā viracayati pṛcchāṃ mama puraḥ || 7||

गतिर्यन्मे नित्या यदखिलमपि स्वं सवयसाम्मदीश्वर्याः प्रेष्ठप्रणयकृतसौभाग्यवरिमा ।हरेर्यत्प्रेमश्रीर्निवसतिरमुष्यस्तुलनयासदा तस्मिन्कुण्डे लसतु ललिताली मम दृशी ॥ ८॥

gatiryanme nityā yadakhilamapi svaṃ savayasāmmadīśvaryāḥ preṣṭhapraṇayakṛtasaubhāgyavarimā |hareryatpremaśrīrnivasatiramuṣyastulanayāsadā tasminkuṇḍe lasatu lalitālī mama dṛśī || 8||

इति श्रीरघुनाथदासगोस्वामिविरचितस्तवावल्यांअभीष्टप्रार्थनाष्टकं सम्पूर्णम् ।

iti śrīraghunāthadāsagosvāmiviracitastavāvalyāṃabhīṣṭaprārthanāṣṭakaṃ sampūrṇam |