कृष्णस्तोत्रम् Shri Krishnastotram by Radha

गोलोकनाथ गोपीश मदीश प्राणवल्लभ ।हे दीनबन्धो दीनेश सर्वेश्वर नमोऽस्तु ते ॥ १॥

golokanātha gopīśa madīśa prāṇavallabha |he dīnabandho dīneśa sarveśvara namo'stu te || 1||

गोपेश गोसमूहेश यशोदाऽऽनन्दवर्धन ।नन्दात्मज सदानन्द नित्यानन्द नमोऽस्तु ते ॥ २॥

gopeśa gosamūheśa yaśodā''nandavardhana |nandātmaja sadānanda nityānanda namo'stu te || 2||

शतमन्योर्भग्नमन्यो ब्रह्मदर्पविनाशक ।कालीयदमन प्राणनाथ कृष्ण नमोऽस्तु ते ॥ ३॥

śatamanyorbhagnamanyo brahmadarpavināśaka |kālīyadamana prāṇanātha kṛṣṇa namo'stu te || 3||

शिवानन्तेश ब्रह्मेश ब्राह्मणेश परात्पर ।ब्रह्मस्वरूप ब्रह्मज्ञ ब्रह्मबीज नमोऽस्तु ते ॥ ४॥

śivānanteśa brahmeśa brāhmaṇeśa parātpara |brahmasvarūpa brahmajña brahmabīja namo'stu te || 4||

चराचरतरोर्बीज गुणातीत गुणात्मक ।गुणबीज गुणाधार गुणेश्वर नमोऽस्तु ते ॥ ५॥

carācaratarorbīja guṇātīta guṇātmaka |guṇabīja guṇādhāra guṇeśvara namo'stu te || 5||

अणिमादिकसिद्धीश सिद्धेः सिद्धिस्वरूपक ।तपस्तपस्विंस्तपसां बीजरूप नमोऽस्तु ते ॥ ६॥

aṇimādikasiddhīśa siddheḥ siddhisvarūpaka |tapastapasviṃstapasāṃ bījarūpa namo'stu te || 6||

यदनिर्वचनीयं च वस्तु निर्वचनीयकम् ।तत्स्वरूप तयोर्बीज सर्वबीज नमोऽस्तु ते ॥ ७॥

yadanirvacanīyaṃ ca vastu nirvacanīyakam |tatsvarūpa tayorbīja sarvabīja namo'stu te || 7||

अहं सरस्वती लक्ष्मीर्दुर्गा गङ्गा श्रुतिप्रसूः ।यस्य पादार्चनान्नित्यं पूज्यास्तस्मै नमो नमः ॥ ८॥

ahaṃ sarasvatī lakṣmīrdurgā gaṅgā śrutiprasūḥ |yasya pādārcanānnityaṃ pūjyāstasmai namo namaḥ || 8||

स्पर्शने यस्य भृत्यानां ध्याने चापि दिवानिशम् ।पवित्राणि च तीर्थानि तस्मै भगवते नमः ॥ ९॥

sparśane yasya bhṛtyānāṃ dhyāne cāpi divāniśam |pavitrāṇi ca tīrthāni tasmai bhagavate namaḥ || 9||

इत्येवमुक्त्वा सा देवी जले सन्न्यस्य विग्रहम् ।मनःप्राणांश्च श्रीकृष्णे तस्थौ स्थाणुसमा सती ॥ १०॥

ityevamuktvā sā devī jale sannyasya vigraham |manaḥprāṇāṃśca śrīkṛṣṇe tasthau sthāṇusamā satī || 10||

राधाकृतं हरेः स्तोत्रं त्रिसन्ध्यं यः पठेन्नरः ।हरिभक्तिं च दास्यं च लभेद्राधागतिं ध्रुवम् ॥ ११॥

rādhākṛtaṃ hareḥ stotraṃ trisandhyaṃ yaḥ paṭhennaraḥ |haribhaktiṃ ca dāsyaṃ ca labhedrādhāgatiṃ dhruvam || 11||

विपत्तौ यः पठेद्भक्त्या सद्यः सम्पत्तिमाप्नुयात् ।चिरकालगतं द्रव्यं हृतं नष्टं च लभ्यते ॥ १२॥

vipattau yaḥ paṭhedbhaktyā sadyaḥ sampattimāpnuyāt |cirakālagataṃ dravyaṃ hṛtaṃ naṣṭaṃ ca labhyate || 12||

बन्धुवृद्धिर्भवेत्तस्य प्रसन्नं मानसं परम् ।चिन्ताग्रस्तः पठेद्भक्त्या परां निर्वृतिमाप्नुयात् ॥ १३॥

bandhuvṛddhirbhavettasya prasannaṃ mānasaṃ param |cintāgrastaḥ paṭhedbhaktyā parāṃ nirvṛtimāpnuyāt || 13||

पतिभेदे पुत्रभेदे मित्रभेदे च सङ्कटे ।मासं भक्त्या यदि पठेत्सद्यः सन्दर्शनं लभेत् ॥ १४॥

patibhede putrabhede mitrabhede ca saṅkaṭe |māsaṃ bhaktyā yadi paṭhetsadyaḥ sandarśanaṃ labhet || 14||

भक्त्या कुमारी स्तोत्रं च शृणुयाद्वत्सरं यदि ।श्रीकृष्णसदृशं कान्तं गुणवन्तं लभेद्ध्रुवम् ॥ १५॥

bhaktyā kumārī stotraṃ ca śṛṇuyādvatsaraṃ yadi |śrīkṛṣṇasadṛśaṃ kāntaṃ guṇavantaṃ labheddhruvam || 15||

इति श्रीब्रह्मवैवर्ते महापुराणे श्रीकृष्णजन्मखण्डेगोपिकावस्त्रहरणप्रस्तावोनाम सप्तविंशोऽश्यायेराधाकृतं श्रीकृष्णस्तोत्रं सम्पूर्णम् ।

iti śrībrahmavaivarte mahāpurāṇe śrīkṛṣṇajanmakhaṇḍegopikāvastraharaṇaprastāvonāma saptaviṃśo'śyāyerādhākṛtaṃ śrīkṛṣṇastotraṃ sampūrṇam |