राधिकाहृदयम् अथवा अथर्वशीर्षसदृशं राधिकारहस्यं Radhika Hridayam

(अथर्वशीर्षसदृशं राधिकारहस्यं)ॐ विश्वात्मिका पराशक्तिः परमा ब्रह्मविद्या राधिका नाम्ना विख्याता ।सा एव साक्षात्परात्परब्रह्मस्वरूपिणी ।यस्याः प्रभावात्सर्वे देवाः स्वस्मिन् स्वस्मिन् कर्मणि प्रवर्तन्ते ।यथा रवेः प्रभा यथा वाग्वाणी तथैव सा राधिका अखिलजगदाधारा ।यस्याः स्पर्शेन विना अणुमात्रमपि न चलति सा एव मूलप्रकृतिः ।सा शिवा सा शक्तिः सा पुरुषः सा प्रकृतिः सा माया सा कालासा षट्त्रिंशत्तत्त्वरूपा सा कुण्डलिनी ।सा एव एकैवापि बहुधा प्रकाशते ।यथा गगनं घटेघटे भिन्नं दृश्यते तथापि आकाशमेकमेवतथैव सा राधिका चतुर्मुखब्रह्मरूपेण सा सृजति विष्णुत्वेनपालयति रुद्ररूपेण संहरति ।इन्द्रवरुणाग्नियमादिषु सर्वेषु देवतागणेषु सा एवशक्तिरूपेण प्रतिष्ठिता ।तस्याः स्वरूपं न आदिमत् न च अन्तवत् ।सा चिदाकाशे चिदग्निकुण्डमध्यस्थिता ।सा एव मोहात्मिका सा एव मोक्षदा ।यया व्याप्तमिदं सर्वं यस्यां स्थितं चराचरं सा राधिका इति प्रोच्यते ।सा नादबिन्दुकलातीता परब्रह्ममयी ।उद्यदिनद्युतिमिन्दुकिरीटां तुङ्गकुचां नयनत्रययुक्तां स्मेरमुखींवरदाङ्कुशपाशाभीतिकरां प्रभजे परमेश्वरीम् ।इति ध्यात्वा साधकः तन्मयतां लभते ।तद्बीजं यत्र हाकारं रेफसंयुक्तं इकारं बिन्दुभूषितं तदेवमायाबीजं यदन्तर्निगूढं वर्तते ।तस्य मन्त्रस्य शक्तिऋषिर्गायत्री छन्दो भुवनेश्वरी देवता ।एतद्बीजं हृदये निधाय यो जपत्यसौ साक्षात्परब्रह्ममयः भवति ।सा एव ब्रह्म सा एव ब्रह्मणी सा एव पुरुषप्रकृतिभिन्नापि अभिन्नरूपा ।सा तपोमयी सा तपः सा महः सा जनः सा सत्यम् ।सा यदा सङ्कल्पयति तदा सृष्टिरुदेति यदा सा निमीलयतितदा सर्वं तस्यामेव लीयते ।सा पाशङ्कुशधनुर्बाणधरा सा योगिनी सा भोगिनी सा सन्न्यासिनी ।सा एव इन्द्रियग्राह्या सा इन्द्रियातीता ।यस्याः प्रसादादक्षराणि स्फुरन्ति यस्याः अनुग्रहाद्ज्ञानमुदेतिसा परा वाक्सा राधिका ।न तस्याः समीपे कश्चिद्भिन्नः सा एव सर्वम् ।य एवं वेद स साक्षात्परब्रह्मस्वरूपां राधिकामेव पश्यति ।सा एव मुक्तिः सा एव भुक्तिः सा एव पूर्णता ।यस्या अङ्घ्रिपङ्कजे सर्वं विश्वं निवसति सा राधिका इति प्रोक्ता ।इदमथर्वशीर्षसदृशं रहस्यं यः पठति समहापातकभयात्प्रमुच्यते ।अहोरात्रकृतं पापं तस्य नाशयति ।स सर्वसिद्धीनां पात्रं भवति ।तस्य गृहे लक्ष्मीः सदा वसति ।यः सहस्रं जपत्यसौ ब्रह्मस्वरूपं प्राप्नोति ।मृत्योः परं न तस्य भयं स जीवन्मुक्तो भवतीति ।इत्युपनिषत् ।ॐ शान्तिः शान्तिः शान्तिः ॥

(atharvaśīrṣasadṛśaṃ rādhikārahasyaṃ)oṃ viśvātmikā parāśaktiḥ paramā brahmavidyā rādhikā nāmnā vikhyātā |sā eva sākṣātparātparabrahmasvarūpiṇī |yasyāḥ prabhāvātsarve devāḥ svasmin svasmin karmaṇi pravartante |yathā raveḥ prabhā yathā vāgvāṇī tathaiva sā rādhikā akhilajagadādhārā |yasyāḥ sparśena vinā aṇumātramapi na calati sā eva mūlaprakṛtiḥ |sā śivā sā śaktiḥ sā puruṣaḥ sā prakṛtiḥ sā māyā sā kālāsā ṣaṭtriṃśattattvarūpā sā kuṇḍalinī |sā eva ekaivāpi bahudhā prakāśate |yathā gaganaṃ ghaṭeghaṭe bhinnaṃ dṛśyate tathāpi ākāśamekamevatathaiva sā rādhikā caturmukhabrahmarūpeṇa sā sṛjati viṣṇutvenapālayati rudrarūpeṇa saṃharati |indravaruṇāgniyamādiṣu sarveṣu devatāgaṇeṣu sā evaśaktirūpeṇa pratiṣṭhitā |tasyāḥ svarūpaṃ na ādimat na ca antavat |sā cidākāśe cidagnikuṇḍamadhyasthitā |sā eva mohātmikā sā eva mokṣadā |yayā vyāptamidaṃ sarvaṃ yasyāṃ sthitaṃ carācaraṃ sā rādhikā iti procyate |sā nādabindukalātītā parabrahmamayī |udyadinadyutimindukirīṭāṃ tuṅgakucāṃ nayanatrayayuktāṃ smeramukhīṃvaradāṅkuśapāśābhītikarāṃ prabhaje parameśvarīm |iti dhyātvā sādhakaḥ tanmayatāṃ labhate |tadbījaṃ yatra hākāraṃ rephasaṃyuktaṃ ikāraṃ bindubhūṣitaṃ tadevamāyābījaṃ yadantarnigūḍhaṃ vartate |tasya mantrasya śaktiṛṣirgāyatrī chando bhuvaneśvarī devatā |etadbījaṃ hṛdaye nidhāya yo japatyasau sākṣātparabrahmamayaḥ bhavati |sā eva brahma sā eva brahmaṇī sā eva puruṣaprakṛtibhinnāpi abhinnarūpā |sā tapomayī sā tapaḥ sā mahaḥ sā janaḥ sā satyam |sā yadā saṅkalpayati tadā sṛṣṭirudeti yadā sā nimīlayatitadā sarvaṃ tasyāmeva līyate |sā pāśaṅkuśadhanurbāṇadharā sā yoginī sā bhoginī sā sannyāsinī |sā eva indriyagrāhyā sā indriyātītā |yasyāḥ prasādādakṣarāṇi sphuranti yasyāḥ anugrahādjñānamudetisā parā vāksā rādhikā |na tasyāḥ samīpe kaścidbhinnaḥ sā eva sarvam |ya evaṃ veda sa sākṣātparabrahmasvarūpāṃ rādhikāmeva paśyati |sā eva muktiḥ sā eva bhuktiḥ sā eva pūrṇatā |yasyā aṅghripaṅkaje sarvaṃ viśvaṃ nivasati sā rādhikā iti proktā |idamatharvaśīrṣasadṛśaṃ rahasyaṃ yaḥ paṭhati samahāpātakabhayātpramucyate |ahorātrakṛtaṃ pāpaṃ tasya nāśayati |sa sarvasiddhīnāṃ pātraṃ bhavati |tasya gṛhe lakṣmīḥ sadā vasati |yaḥ sahasraṃ japatyasau brahmasvarūpaṃ prāpnoti |mṛtyoḥ paraṃ na tasya bhayaṃ sa jīvanmukto bhavatīti |ityupaniṣat |oṃ śāntiḥ śāntiḥ śāntiḥ ||

इति ब्रह्मयामले राधिकाहृदयं अथवा अथर्वशीर्षसदृशं राधिकारहस्यं सम्पूर्णम् ।

iti brahmayāmale rādhikāhṛdayaṃ athavā atharvaśīrṣasadṛśaṃ rādhikārahasyaṃ sampūrṇam |