राधासहस्रनामस्तोत्रम् २ Radhasahasranamastotram 2

श्रीशिव उवाचअथातः संप्रवक्ष्यामि राधानामसहस्रकम् ।शृणुनारद भद्रं ते गोपनीयं प्रयत्नतः ॥ १॥

śrīśiva uvācaathātaḥ saṃpravakṣyāmi rādhānāmasahasrakam |śṛṇunārada bhadraṃ te gopanīyaṃ prayatnataḥ || 1||

प्रातः सायं निशीथेवा पठितव्यं मुमुक्षुभिः ।त्रिराचम्य शुचिर्भूत्वा यो जपेत्सुसमाहितः ॥ २॥

prātaḥ sāyaṃ niśīthevā paṭhitavyaṃ mumukṣubhiḥ |trirācamya śucirbhūtvā yo japetsusamāhitaḥ || 2||

सवैष्णवो विशुद्धात्मा जायते नात्र संशयः ।बहु किं पठनादस्य भवेद्विष्णुसमः पुमान् ॥ ३॥

savaiṣṇavo viśuddhātmā jāyate nātra saṃśayaḥ |bahu kiṃ paṭhanādasya bhavedviṣṇusamaḥ pumān || 3||

मासैकपठनादस्य भवेत्सर्वार्थसिद्धिदः ।मासद्वयेन देवर्षे भवेद्वै वैष्णवोत्तमः ॥ ४॥

māsaikapaṭhanādasya bhavetsarvārthasiddhidaḥ |māsadvayena devarṣe bhavedvai vaiṣṇavottamaḥ || 4||

सोऽम्बरीषः स प्रह्लाद उद्धवः स युधिष्ठिरः ।सभीष्म अर्जुनश्चैव स्तवराजं पठेत्तु यः ॥ ५॥

so'mbarīṣaḥ sa prahlāda uddhavaḥ sa yudhiṣṭhiraḥ |sabhīṣma arjunaścaiva stavarājaṃ paṭhettu yaḥ || 5||

अथ किं बहुनोक्तेन वर्णनेन पुनः पुनः ।यद्यदिष्टतमं लोके तत्तदाप्नोति साधकः ॥ ६॥

atha kiṃ bahunoktena varṇanena punaḥ punaḥ |yadyadiṣṭatamaṃ loke tattadāpnoti sādhakaḥ || 6||

रहस्यं कथयाम्यद्य यद्वै नामसहस्रकम् ।इदमेव पुरा पृष्टः कृष्ण उद्धवमूचिवान् ॥ ७॥

rahasyaṃ kathayāmyadya yadvai nāmasahasrakam |idameva purā pṛṣṭaḥ kṛṣṇa uddhavamūcivān || 7||

अथ स्तोत्रम् ।ॐ श्रीराधाराधिकाऽऽराध्या राधाकृष्णशिवादिभिः ।गोपिका गोपराज्ञी च गोपानन्दविधायिनी ॥ ८॥

atha stotram |oṃ śrīrādhārādhikā''rādhyā rādhākṛṣṇaśivādibhiḥ |gopikā goparājñī ca gopānandavidhāyinī || 8||

गोपपूज्या गोपहृष्टा गोपगोपीभिरावृता ।गोपाह्लादकरी गोपी गोपागोपशिवङ्करी ॥ ९॥

gopapūjyā gopahṛṣṭā gopagopībhirāvṛtā |gopāhlādakarī gopī gopāgopaśivaṅkarī || 9||

सुन्दरी सुन्दराकारा सुन्दरोत्तमवन्दिता ।सुन्दरानन्दसंहृष्टा सुन्दरी बहुभाविनी ॥ १०॥

sundarī sundarākārā sundarottamavanditā |sundarānandasaṃhṛṣṭā sundarī bahubhāvinī || 10||

सौन्दर्यनिलयारामाभिरामा बहुमानिता ।श्यामा श्यामप्रियाऽश्यामा श्यामाभिवन्दिता नवा ॥ ११॥

saundaryanilayārāmābhirāmā bahumānitā |śyāmā śyāmapriyā'śyāmā śyāmābhivanditā navā || 11||

ललिता ललिताचारा ललिताचारशालिनी ।कृष्णा कृष्णकृपाकर्त्री कृष्णानन्दपरायणा ॥ १२॥

lalitā lalitācārā lalitācāraśālinī |kṛṣṇā kṛṣṇakṛpākartrī kṛṣṇānandaparāyaṇā || 12||

कृष्णप्रिया कृष्णपूज्या कृष्णाकर्षणकारिणी ।कृष्णाराध्या कृष्णवन्द्या कृत्स्नवर्त्मनिबुद्धिदा ॥ १३॥

kṛṣṇapriyā kṛṣṇapūjyā kṛṣṇākarṣaṇakāriṇī |kṛṣṇārādhyā kṛṣṇavandyā kṛtsnavartmanibuddhidā || 13||

कृष्णपूजनसर्वस्वा कृष्णदर्शनतत्परा ।श्रीकृष्णपदसर्वस्वा कृष्णकृष्णेतिवादिनी ॥ १४॥

kṛṣṇapūjanasarvasvā kṛṣṇadarśanatatparā |śrīkṛṣṇapadasarvasvā kṛṣṇakṛṣṇetivādinī || 14||

श्रीकृष्णकान्तसक्ता च कृष्णप्रेमविवर्द्धिनी ॥ १५॥

śrīkṛṣṇakāntasaktā ca kṛṣṇapremavivarddhinī || 15||

विशेषा च विशेषज्ञा बल्लवी वल्लभार्चिता ।बल्लवीनाञ्चहार्दज्ञा बल्लवीनांसुखावहा ॥ १६॥

viśeṣā ca viśeṣajñā ballavī vallabhārcitā |ballavīnāñcahārdajñā ballavīnāṃsukhāvahā || 16||

रासमण्डलमध्यस्था रासकेलिकलोत्सुका ।श्रीकृष्णालिङ्गितभुजा रासक्रीडाभिनन्दिनी ॥ १७॥

rāsamaṇḍalamadhyasthā rāsakelikalotsukā |śrīkṛṣṇāliṅgitabhujā rāsakrīḍābhinandinī || 17||

वृषभानुसुताराधा वृषभानुसुखप्रदा ।वृषभानुसुतादेवी कीर्त्यानन्दप्रदायिनी ॥ १८॥

vṛṣabhānusutārādhā vṛṣabhānusukhapradā |vṛṣabhānusutādevī kīrtyānandapradāyinī || 18||

वृषभानुसुता तन्वी वृषभानोः कुलध्वजा ।सर्वागमप्रिया सर्वाचारतत्परमानसा ॥ १९॥

vṛṣabhānusutā tanvī vṛṣabhānoḥ kuladhvajā |sarvāgamapriyā sarvācāratatparamānasā || 19||

प्रजासञ्जीवनी जीवनौषधीं परमामृता ।प्रजासेव्या प्रजावन्द्या व्रजमानुषमुक्तिदा ॥ २०॥

prajāsañjīvanī jīvanauṣadhīṃ paramāmṛtā |prajāsevyā prajāvandyā vrajamānuṣamuktidā || 20||

सौदामिनी दामप्रिया तपोयुक्ता तपोनिधिः ।तापसीगीतगुणका तापसानां गतिप्रिया ॥ २१॥

saudāminī dāmapriyā tapoyuktā taponidhiḥ |tāpasīgītaguṇakā tāpasānāṃ gatipriyā || 21||

तपः कर्त्री तपोयुक्ता तपोमूर्तिस्तपोमयी ।तपसां सिद्धिदा सिद्धा सिद्धाचारविचारिणी ॥ २२॥

tapaḥ kartrī tapoyuktā tapomūrtistapomayī |tapasāṃ siddhidā siddhā siddhācāravicāriṇī || 22||

सिद्धागमा च सिद्धाख्या सिद्धिदात्री सुखावहा ।सुखदासुखसंहृष्टा सुखाकारासुखालया ॥ २३॥

siddhāgamā ca siddhākhyā siddhidātrī sukhāvahā |sukhadāsukhasaṃhṛṣṭā sukhākārāsukhālayā || 23||

सखिभिः सेवितासेव्या सेवकानां शिवङ्करी ।सेविकासेवितपदा सेवकार्पितमानसा ॥ २४॥

sakhibhiḥ sevitāsevyā sevakānāṃ śivaṅkarī |sevikāsevitapadā sevakārpitamānasā || 24||

मनोवेगा मनोरूपा मनोगतिविडम्बिनी ।मनसःप्रेरिका माया मायामयविनाशिनी ॥ २५॥

manovegā manorūpā manogativiḍambinī |manasaḥprerikā māyā māyāmayavināśinī || 25||

मोक्षदा मोक्षमार्गज्ञा मोक्षमार्गप्रकाशिनी ।मोक्षरूपा मोक्षगृहा कर्त्री मोक्षस्य जाह्नवी ॥ २६॥

mokṣadā mokṣamārgajñā mokṣamārgaprakāśinī |mokṣarūpā mokṣagṛhā kartrī mokṣasya jāhnavī || 26||

जह्नुकन्या जलावासा जलाधीशा जलप्रिया ।समुद्रगा विहङ्गाच गङ्गा शिवशिरः स्थिता ॥ २७॥

jahnukanyā jalāvāsā jalādhīśā jalapriyā |samudragā vihaṅgāca gaṅgā śivaśiraḥ sthitā || 27||

शिवरूपा शिवकरी शिवहृद्या शिवंवदा ।शिवप्रिया शिवगतिः शिवमार्गरतिप्रदा ॥ २८॥

śivarūpā śivakarī śivahṛdyā śivaṃvadā |śivapriyā śivagatiḥ śivamārgaratipradā || 28||

शिवाचारप्रिया गुर्वी गुप्तिर्गुप्तगतिर्नृणाम् ।गुप्ता गुप्ततरा गोप्या गोप्यविद्भिः समर्चिता ॥ २९॥

śivācārapriyā gurvī guptirguptagatirnṛṇām |guptā guptatarā gopyā gopyavidbhiḥ samarcitā || 29||

गुप्तालया गुप्तरूपा गुप्तमार्गप्रवर्तिका ।लक्ष्मीह्रीश्रीदयामूर्तिस्तुष्टिः पुष्टिः स्तुतिः प्रभा ॥ ३०॥

guptālayā guptarūpā guptamārgapravartikā |lakṣmīhrīśrīdayāmūrtistuṣṭiḥ puṣṭiḥ stutiḥ prabhā || 30||

क्षमा मेधा सुधा विद्या शुद्धिर्बुद्धिधृतिर्गतिः ।प्रचण्डचण्डमुण्डघ्नी रक्तबीजविनाशिनी ॥ ३१॥

kṣamā medhā sudhā vidyā śuddhirbuddhidhṛtirgatiḥ |pracaṇḍacaṇḍamuṇḍaghnī raktabījavināśinī || 31||

मथुरा द्वारका काञ्ची माहिष्मत्यथ कौशिकी ।अयोध्या कर्णिका काशीवासिनी कर्मवर्द्धिनी ॥ ३२॥

mathurā dvārakā kāñcī māhiṣmatyatha kauśikī |ayodhyā karṇikā kāśīvāsinī karmavarddhinī || 32||

शान्ता शान्तिकरी पुष्टा शान्तविज्ञानदायिका ।शान्तिरूपासदा साङ्गा साङ्गोपाङ्गगतिप्रिया ॥ ३३॥

śāntā śāntikarī puṣṭā śāntavijñānadāyikā |śāntirūpāsadā sāṅgā sāṅgopāṅgagatipriyā || 33||

मनोहरा मनोज्ञाच मनोवृत्तिप्रकाशिनी ।मनःकान्तिभ्रमकरी भ्रामरी भ्रमकारिका ॥ ३४॥

manoharā manojñāca manovṛttiprakāśinī |manaḥkāntibhramakarī bhrāmarī bhramakārikā || 34||

जगद्भ्रमणधाराच जगतो मुक्तिकारिणी ।जगन्माता जगद्धात्री जगज्जीवनजीविका ॥ ३५॥

jagadbhramaṇadhārāca jagato muktikāriṇī |jaganmātā jagaddhātrī jagajjīvanajīvikā || 35||

जगन्मूर्तिर्जगद्देहा जगतां जीवनौषधी ।जगतां बुद्धिसन्दात्री जगतां बुद्धिहारिणी ॥ ३६॥

jaganmūrtirjagaddehā jagatāṃ jīvanauṣadhī |jagatāṃ buddhisandātrī jagatāṃ buddhihāriṇī || 36||

माया मुद्रा महाविद्या महायोगीश्वरी मही ।योगयुक्ता योगविद्या योगाङ्गायोगवल्लभा ॥ ३७॥

māyā mudrā mahāvidyā mahāyogīśvarī mahī |yogayuktā yogavidyā yogāṅgāyogavallabhā || 37||

योगविद्येश्वरी योग्यायुक्ताहारासुखान्विता ।योगैकसाध्या योगाद्या योगक्षेमप्रवाहिका ॥ ३८॥

yogavidyeśvarī yogyāyuktāhārāsukhānvitā |yogaikasādhyā yogādyā yogakṣemapravāhikā || 38||

वृन्दावनप्रिया वृन्दावृन्दावनविहारिणी ।वृन्दावनकृतालास्या वृन्दावनवरार्चिता ॥ ३९॥

vṛndāvanapriyā vṛndāvṛndāvanavihāriṇī |vṛndāvanakṛtālāsyā vṛndāvanavarārcitā || 39||

वृन्दावनस्थजन्तूनां सर्वतोभद्रकारिणी ।वृन्दावनरसोत्कण्ठा वृन्दावनकृतालया ॥ ४०॥

vṛndāvanasthajantūnāṃ sarvatobhadrakāriṇī |vṛndāvanarasotkaṇṭhā vṛndāvanakṛtālayā || 40||

वृन्दावनप्रभावज्ञा वृन्दावनसुपूजिता ।वेणुवादरता वेणुनादिनी कलभाषिणी ॥ ४१॥

vṛndāvanaprabhāvajñā vṛndāvanasupūjitā |veṇuvādaratā veṇunādinī kalabhāṣiṇī || 41||

वेष्णवी विष्णुनिरता विष्णुमायावसुन्धरा ।वसुदा वसुकृद्रामा विष्णुवामाङ्गवासिनी ॥ ४२॥

veṣṇavī viṣṇuniratā viṣṇumāyāvasundharā |vasudā vasukṛdrāmā viṣṇuvāmāṅgavāsinī || 42||

विष्णुभक्तैः सदा सेव्या विष्णुभक्तहितैषिणी ।विष्णुविद्या विष्णुरूपा विश्वज्ञा च विवेकिनी ॥ ४३॥

viṣṇubhaktaiḥ sadā sevyā viṣṇubhaktahitaiṣiṇī |viṣṇuvidyā viṣṇurūpā viśvajñā ca vivekinī || 43||

विवेकदायिका साध्वी सम्यक्साधुजनार्चिता ।सम्यग्ज्ञानपरा सम्यक् सम्यग्विद्याविशारदा ॥ ४४॥

vivekadāyikā sādhvī samyaksādhujanārcitā |samyagjñānaparā samyak samyagvidyāviśāradā || 44||

सारदा शारदा साध्या शरत्पूर्णनिभानना ।शराह्वया सदाह्लादकारिणी जयदा मता ॥ ४५॥

sāradā śāradā sādhyā śaratpūrṇanibhānanā |śarāhvayā sadāhlādakāriṇī jayadā matā || 45||

माता मातामही मन्त्रा मूर्तिर्वन्द्या पितामही ।अर्थैश्वर्यकरी प्रज्ञा ब्राह्मीनारायणी दया ॥ ४६॥

mātā mātāmahī mantrā mūrtirvandyā pitāmahī |arthaiśvaryakarī prajñā brāhmīnārāyaṇī dayā || 46||

पुण्यापुण्यविधानज्ञा पुण्यदेवद्विजार्चिता ।पुण्यमूर्तिः पुण्यदेहा पुण्यग्रामनिवासिनी ॥ ४७॥

puṇyāpuṇyavidhānajñā puṇyadevadvijārcitā |puṇyamūrtiḥ puṇyadehā puṇyagrāmanivāsinī || 47||

गोकुलस्य प्रिया देवी गोकुले सर्वनर्मदा ।गोकुलाचारसर्वज्ञा गोकुलस्य सुखार्थिनी ॥ ४८॥

gokulasya priyā devī gokule sarvanarmadā |gokulācārasarvajñā gokulasya sukhārthinī || 48||

गोकुलीयैः सदा ध्येया गोकुलाय गतिप्रदा ।गोकुलाचारविदुषी गोकुलाचारवर्णिनी ॥ ४९॥

gokulīyaiḥ sadā dhyeyā gokulāya gatipradā |gokulācāraviduṣī gokulācāravarṇinī || 49||

सुरारिदमनी दिव्या सुरवृन्दविनाशिनी ।दुष्टदानवसंहत्रीं कंसचाणूरमर्दिनी ॥ ५०॥

surāridamanī divyā suravṛndavināśinī |duṣṭadānavasaṃhatrīṃ kaṃsacāṇūramardinī || 50||