राधाप्रार्थनाचतुःश्लोकी Radhaprarthanachatuhshloki

राधा कैंकर्यप्रार्थनाचतुःश्लोकीकृपयति यदि राधा बाधिताशेषबाधाकिमपरमवशिष्टं पुष्टिमर्यादयोर्मे ।यदि वदति च किञ्चित्स्मेरहासोदितश्रीर्द्विजवरमणिपङ्क्त्या भुक्तिशुक्त्या तदा किम् ॥ १॥

rādhā kaiṃkaryaprārthanācatuḥślokīkṛpayati yadi rādhā bādhitāśeṣabādhākimaparamavaśiṣṭaṃ puṣṭimaryādayorme |yadi vadati ca kiñcitsmerahāsoditaśrīrdvijavaramaṇipaṅktyā bhuktiśuktyā tadā kim || 1||

श्यामसुन्दर शिखण्डशेखरस्मेरहास्य मुरलीमनोहर ।राधिकारसिक मां कृपानिधेस्वप्रियाचरणकिङ्करं कुरुष्व ॥ २॥

śyāmasundara śikhaṇḍaśekharasmerahāsya muralīmanohara |rādhikārasika māṃ kṛpānidhesvapriyācaraṇakiṅkaraṃ kuruṣva || 2||

प्राणनाथ वृषभानुनन्दिनीश्रीमुखाब्जरसलोलषट्पद ।राधिकापदतले कृतस्थितिस्त्वां भजामि रसिकेन्द्रशेखर ॥ ३॥

prāṇanātha vṛṣabhānunandinīśrīmukhābjarasalolaṣaṭpada |rādhikāpadatale kṛtasthitistvāṃ bhajāmi rasikendraśekhara || 3||

संविधाय दशने तृणं विभोप्रार्थये व्रजमहेन्द्रनन्दन ।अस्तु मोहन तवातिवल्लभाजन्मजन्मनि मदीश्वरी प्रिया ॥ ४॥

saṃvidhāya daśane tṛṇaṃ vibhoprārthaye vrajamahendranandana |astu mohana tavātivallabhājanmajanmani madīśvarī priyā || 4||

इति श्रीविठ्ठलेश्वरविरचिता राधाप्रार्थनाचतुःश्लोकी सम्पूर्णा ।

iti śrīviṭhṭhaleśvaraviracitā rādhāprārthanācatuḥślokī sampūrṇā |