विविधदेवतास्तुतिः Vividha Devata Stuti

ॐ परमात्मने नमः । श्रीगणेशाय नमः । श्रीसरस्वत्यै नमः ।गुरवे नमः । गोविन्दाय नमः । व्यासाय नमः । नरनारायणाभ्यान्नमः ।नमः शिवाय । विष्णवे नमः । नमो भगवते वासुदेवाय ।दुर्गायै नमः । ब्रह्मणे नमः ॥परमात्मनः स्तुतिः ।यत्पादतोयं भवरोगवैद्योयत्पादपांशुर्विमलत्व सिद्।ह्ध्यै ।यन्नाम दुष्कर्मनिवारणायत्वमप्रमेयं पुरुषं नमामि ॥ १॥

oṃ paramātmane namaḥ | śrīgaṇeśāya namaḥ | śrīsarasvatyai namaḥ |gurave namaḥ | govindāya namaḥ | vyāsāya namaḥ | naranārāyaṇābhyānnamaḥ |namaḥ śivāya | viṣṇave namaḥ | namo bhagavate vāsudevāya |durgāyai namaḥ | brahmaṇe namaḥ ||paramātmanaḥ stutiḥ |yatpādatoyaṃ bhavarogavaidyoyatpādapāṃśurvimalatva sid|hdhyai |yannāma duṣkarmanivāraṇāyatvamaprameyaṃ puruṣaṃ namāmi || 1||

श्रीगणेशस्तुतिः ।शैलेन्द्रजादेहभवं सुमङ्गलंबुद्धिप्रदंशोक विनाशदक्षम् ।सिद्धिप्रदं ज्ञानप्रदं गजाननंनमामितविघ्नहरं गणाधिपम् ॥ २॥

śrīgaṇeśastutiḥ |śailendrajādehabhavaṃ sumaṅgalaṃbuddhipradaṃśoka vināśadakṣam |siddhipradaṃ jñānapradaṃ gajānanaṃnamāmitavighnaharaṃ gaṇādhipam || 2||

सरस्वतीस्तुतिः ।ज्ञानामृताब्धिरस सारमयीं सुनेत्रींशुक्लाम्बरां कनकभूषणभूषिताङ्गीम् ।वीणाञ्च पुस्तकधरांस्फटिकारव्यमालांवाणीं नमामि अभयां सुमुखीं पराभ्वाम् ॥ ३॥

sarasvatīstutiḥ |jñānāmṛtābdhirasa sāramayīṃ sunetrīṃśuklāmbarāṃ kanakabhūṣaṇabhūṣitāṅgīm |vīṇāñca pustakadharāṃsphaṭikāravyamālāṃvāṇīṃ namāmi abhayāṃ sumukhīṃ parābhvām || 3||

गोविन्दस्तुतिः ।गोपालबालकैर्नित्यं क्रीडन्तंयमुना तटे ।गोविन्दं सच्चिदानन्दं नमामिसततंहरिम् ॥ ४॥

govindastutiḥ |gopālabālakairnityaṃ krīḍantaṃyamunā taṭe |govindaṃ saccidānandaṃ namāmisatataṃharim || 4||

व्यासस्तुतिः ।एकवेदस्यचत्त्वार शाखाकृत्त्वासविस्तरम् ।इतिहासपुराणानां व्याख्यातारन्नमोऽस्तुते ॥ ५॥

vyāsastutiḥ |ekavedasyacattvāra śākhākṛttvāsavistaram |itihāsapurāṇānāṃ vyākhyātārannamo'stute || 5||

शिवस्तुतिः ।मृडंर्घूजटिं सर्वदुःखाप हारिंशिवं शङ्करं शूलपाणिंवरेण्यम् ।जगत्पूजनीयं प्रसन्नञ्च शान्तंनमोऽस्तुमहेशं सुमुक्तिप्रदन्तम् ॥ ६॥

śivastutiḥ |mṛḍaṃrghūjaṭiṃ sarvaduḥkhāpa hāriṃśivaṃ śaṅkaraṃ śūlapāṇiṃvareṇyam |jagatpūjanīyaṃ prasannañca śāntaṃnamo'stumaheśaṃ sumuktipradantam || 6||

विष्णुस्तुतिः ।यस्य स्मरणमात्रेण यज्ञदानादिका क्रिया ।सद्यःसम्पूर्णतां यान्ति तंविष्णुं प्रणमाम्यहम् ॥ ७॥

viṣṇustutiḥ |yasya smaraṇamātreṇa yajñadānādikā kriyā |sadyaḥsampūrṇatāṃ yānti taṃviṣṇuṃ praṇamāmyaham || 7||

वासुदेवस्तुतिः ।श्रीवासुदेवं वसुदेवपुत्रंश्रीदेवकीनन्दनकृष्णचन्द्रम् ।श्रीरच्युतं वंशीधरं वरेण्यंनमामितुभ्यंसुखदंसुशान्तम् ॥ ८॥

vāsudevastutiḥ |śrīvāsudevaṃ vasudevaputraṃśrīdevakīnandanakṛṣṇacandram |śrīracyutaṃ vaṃśīdharaṃ vareṇyaṃnamāmitubhyaṃsukhadaṃsuśāntam || 8||

दुर्गास्तुतिः ।सुशान्तिदात्रीं जननीष्टदात्रींसनातनी त्वां सुजनैर्सपूज्याम् ।अनन्तदुःखौघविनाशदक्षांनमामिदुर्गाञ्जनदुःख हन्त्रीम् ॥ ९॥

durgāstutiḥ |suśāntidātrīṃ jananīṣṭadātrīṃsanātanī tvāṃ sujanairsapūjyām |anantaduḥkhaughavināśadakṣāṃnamāmidurgāñjanaduḥkha hantrīm || 9||

सूर्यस्तुतिः ।आदित्यमण्डलस्थन्तं शङ्खचक्रवरं प्रभुम् ।किरीटिनं कुण्डलिनं हिरण्यवपुसम्भजे ॥ १०॥

sūryastutiḥ |ādityamaṇḍalasthantaṃ śaṅkhacakravaraṃ prabhum |kirīṭinaṃ kuṇḍalinaṃ hiraṇyavapusambhaje || 10||

राधास्तुतिः ।सदाषोडशवार्षिक्यां श्रीकृष्णप्राणवल्लभाम् ।वृषभानुसुतां राधां नमामिसकलार्थदाम् ॥ ११॥

rādhāstutiḥ |sadāṣoḍaśavārṣikyāṃ śrīkṛṣṇaprāṇavallabhām |vṛṣabhānusutāṃ rādhāṃ namāmisakalārthadām || 11||

श्रीकृष्णस्तुतिः ।अनन्तसौन्दर्यमनन्तधामंअनन्त आनन्द अनन्त नामम् ।अनन्त गोपीजन सेविताङ्गंनमामिकृष्णं पुरुषोत्तमोत्तमम् ॥ १२॥

śrīkṛṣṇastutiḥ |anantasaundaryamanantadhāmaṃananta ānanda ananta nāmam |ananta gopījana sevitāṅgaṃnamāmikṛṣṇaṃ puruṣottamottamam || 12||

लक्ष्मीस्तुतिः ।स्वराज्य साम्राज्य विभूतिदायिनींअनन्त आनन्द सुधा प्रदायिनीम् ।सौभाग्य लक्ष्मीं भुवनैकपालिनींनमामि नित्यं सुखदां सुशान्तिदाम् ॥ १३॥

lakṣmīstutiḥ |svarājya sāmrājya vibhūtidāyinīṃananta ānanda sudhā pradāyinīm |saubhāgya lakṣmīṃ bhuvanaikapālinīṃnamāmi nityaṃ sukhadāṃ suśāntidām || 13||

जगत्गुरुस्तुतिः ।जगद्गुरुं जगद्वन्द्यं जगत् पूज्यं सनातनम् ।गोविन्दपाद शिष्यं तं शङ्करं प्रणतोऽस्म्यहम् ॥ १४॥

jagatgurustutiḥ |jagadguruṃ jagadvandyaṃ jagat pūjyaṃ sanātanam |govindapāda śiṣyaṃ taṃ śaṅkaraṃ praṇato'smyaham || 14||

गुरुवन्दना ।ब्रह्माविष्णु महेशाख्यं शिष्याज्ञान विनाशकम् ।मनोवाञ्छितदातारन्तं गुरुं प्रणतोस्म्यहम् ॥ १५॥

guruvandanā |brahmāviṣṇu maheśākhyaṃ śiṣyājñāna vināśakam |manovāñchitadātārantaṃ guruṃ praṇatosmyaham || 15||

गङ्गास्तुतिः ।विष्णुपादोद्भवां दिव्यां त्रिलोक पावनीं शिवाम् ।नमामि जाह्नवीं गङ्गा भुक्तिमुक्ति प्रदायिनीम् ॥ १६॥

gaṅgāstutiḥ |viṣṇupādodbhavāṃ divyāṃ triloka pāvanīṃ śivām |namāmi jāhnavīṃ gaṅgā bhuktimukti pradāyinīm || 16||

नारायणस्तुतिः ।आपनार इति प्रोक्तः तत् तस्य अयनं शुभम् ।नारायणाख्यं तं विष्णुं प्रणमामि निरन्तरम् ॥ १७॥

nārāyaṇastutiḥ |āpanāra iti proktaḥ tat tasya ayanaṃ śubham |nārāyaṇākhyaṃ taṃ viṣṇuṃ praṇamāmi nirantaram || 17||

इति श्री स्वामी उमेश्वरानन्दतीर्थविरचिता विविध देवतास्तुतिः समाप्ता ।

iti śrī svāmī umeśvarānandatīrthaviracitā vividha devatāstutiḥ samāptā |