विश्वकर्माष्टकम् १ Vishvakarmashtakam 1

निरञ्जनो निराकारः निर्विकल्पो मनोहरः ।निरामयो निजानन्दः निर्विघ्नाय नमो नमः ॥ १॥

nirañjano nirākāraḥ nirvikalpo manoharaḥ |nirāmayo nijānandaḥ nirvighnāya namo namaḥ || 1||

अनादिरप्रमेयश्च अरूपश्च जयाजयः ।लोकरूपो जगन्नाथः विश्वकर्मन्नमो नमः ॥ २॥

anādiraprameyaśca arūpaśca jayājayaḥ |lokarūpo jagannāthaḥ viśvakarmannamo namaḥ || 2||

नमो विश्वविहाराय नमो विश्वविहारिणे ।नमो विश्वविधाताय नमस्ते विश्वकर्मणे ॥ ३॥

namo viśvavihārāya namo viśvavihāriṇe |namo viśvavidhātāya namaste viśvakarmaṇe || 3||

नमस्ते विश्वरूपाय विश्वभूताय ते नमः ।नमो विश्वात्मभूथात्मन् विश्वकर्मन्नमोऽस्तु ते ॥ ४॥

namaste viśvarūpāya viśvabhūtāya te namaḥ |namo viśvātmabhūthātman viśvakarmannamo'stu te || 4||

विश्वायुर्विश्वकर्मा च विश्वमूर्तिः परात्परः ।विश्वनाथः पिता चैव विश्वकर्मन्नमोऽस्तु ते ॥ ५॥

viśvāyurviśvakarmā ca viśvamūrtiḥ parātparaḥ |viśvanāthaḥ pitā caiva viśvakarmannamo'stu te || 5||

विश्वमङ्गलमाङ्गल्यः विश्वविद्याविनोदितः ।विश्वसञ्चारशाली च विश्वकर्मन्नमोऽस्तु ते ॥ ६॥

viśvamaṅgalamāṅgalyaḥ viśvavidyāvinoditaḥ |viśvasañcāraśālī ca viśvakarmannamo'stu te || 6||

विश्वैकविधवृक्षश्च विश्वशाखा महाविधः ।शाखोपशाखाश्च तथा तद्वृक्षो विश्वकर्मणः ॥ ७॥

viśvaikavidhavṛkṣaśca viśvaśākhā mahāvidhaḥ |śākhopaśākhāśca tathā tadvṛkṣo viśvakarmaṇaḥ || 7||

तद्वृक्षः फलसम्पूर्णः अक्षोभ्यश्च परात्परः ।अनुपमानो ब्रह्माण्डः बीजमोङ्कारमेव च ॥ ८॥

tadvṛkṣaḥ phalasampūrṇaḥ akṣobhyaśca parātparaḥ |anupamāno brahmāṇḍaḥ bījamoṅkārameva ca || 8||

इति विश्वकर्माष्टकं सम्पूर्णम् ।

iti viśvakarmāṣṭakaṃ sampūrṇam |