विश्वकर्मस्तोत्रम् Vishvakarmastotram

विश्वकर्म ध्यानम् ।न भूमिर्न जलञ्चैव न तेजो न च वायवःनाकाशं च न चित्तञ्च न बुद्धीन्द्रियगोचराःन च ब्रह्मा न विष्णुश्च न रुद्रश्च तारकाःसर्वशून्या निरालम्बा स्वयम्भूता विराटसत्सदापरात्मा विश्वात्मा विश्वकर्मा सदाशिवः ॥

viśvakarma dhyānam |na bhūmirna jalañcaiva na tejo na ca vāyavaḥnākāśaṃ ca na cittañca na buddhīndriyagocarāḥna ca brahmā na viṣṇuśca na rudraśca tārakāḥsarvaśūnyā nirālambā svayambhūtā virāṭasatsadāparātmā viśvātmā viśvakarmā sadāśivaḥ ||

श्रितमध्यतमध्यस्तं ब्रह्मादिसुरसेवितम् ।लोकाध्यक्षं भजेऽहं त्वां विश्वकर्माणमव्ययम् ॥प्राकादिदिङ्मुखोत्पन्नो सनकश्च सनातनः ।अभुवनस्य प्रत्नस्य सुपर्णस्य नमाम्यहम् ॥अखिलभुवनबीजकारणम् ।प्रणवतत्त्वं प्रणवमयं नमामि ॥पञ्चवक्त्रं जटाधरं पञ्चदशविलोचनम् ।सद्योजाताननं श्वेतं च वामदेवन्तु कृष्णकम् ॥अघोरं रक्तवर्णं च तत्पुरुषं हरितप्रभम् ।ईशानं पीतवर्णं च शरीरं हेमवर्णकम् ॥दशबाहुं महाकायं कर्णकुण्डलशोभितम् ।पीताम्बरं पुष्पमालं नागयज्ञोपवीतिनम् ॥रुद्राक्षमालासंयुक्तं व्याघ्रचर्मोत्तरीयकम् ।पिनाकमक्षमालाञ्च नागशूलवराम्बुजम् ॥वीणां डमरुकं बाणं शङ्खचक्रधरं तथा ।कोटिसूर्यप्रतीकाशं सर्वजीवदयापरम् ॥विश्वेशं विश्वकर्माणं विश्वनिर्माणकारिणम् ।ऋषिभिः सनकाद्यैश्च संयुक्तं प्रणमाम्यहम् ॥

śritamadhyatamadhyastaṃ brahmādisurasevitam |lokādhyakṣaṃ bhaje'haṃ tvāṃ viśvakarmāṇamavyayam ||prākādidiṅmukhotpanno sanakaśca sanātanaḥ |abhuvanasya pratnasya suparṇasya namāmyaham ||akhilabhuvanabījakāraṇam |praṇavatattvaṃ praṇavamayaṃ namāmi ||pañcavaktraṃ jaṭādharaṃ pañcadaśavilocanam |sadyojātānanaṃ śvetaṃ ca vāmadevantu kṛṣṇakam ||aghoraṃ raktavarṇaṃ ca tatpuruṣaṃ haritaprabham |īśānaṃ pītavarṇaṃ ca śarīraṃ hemavarṇakam ||daśabāhuṃ mahākāyaṃ karṇakuṇḍalaśobhitam |pītāmbaraṃ puṣpamālaṃ nāgayajñopavītinam ||rudrākṣamālāsaṃyuktaṃ vyāghracarmottarīyakam |pinākamakṣamālāñca nāgaśūlavarāmbujam ||vīṇāṃ ḍamarukaṃ bāṇaṃ śaṅkhacakradharaṃ tathā |koṭisūryapratīkāśaṃ sarvajīvadayāparam ||viśveśaṃ viśvakarmāṇaṃ viśvanirmāṇakāriṇam |ṛṣibhiḥ sanakādyaiśca saṃyuktaṃ praṇamāmyaham ||

इति विश्वकर्मस्तोत्रं सम्पूर्णम् ॥

iti viśvakarmastotraṃ sampūrṇam ||