कृष्णलीलास्तुतिः Shrikrishnalilastutih
kṛṣṇalīlāstutiḥ
Shrikrishnalilastutih (कृष्णलीलास्तुतिः): a hymn of praise (stuti) to Kṛṣṇa. 9 verses in Sanskrit with Devanagari and IAST.
- Stotra
- Stuti
- Kṛṣṇa
- Stuti
कृष्णलीलास्तुतिः
1 / 9
निगमतरोः प्रतिशाखं मृगितं च मया परं ब्रह्म ।मिलितमिदानीमङ्के गोकुलपङ्केरुहाक्षीणाम् ॥ १॥
nigamataroḥ pratiśākhaṃ mṛgitaṃ ca mayā paraṃ brahma |militamidānīmaṅke gokulapaṅkeruhākṣīṇām || 1||
तप्तं तपोभिरन्यैः फलितं च तद्गोपबालानाम् ।आसां यत्कुचकुम्भे नीलनिचोलायते परम्ब्रह्म ॥ २॥
taptaṃ tapobhiranyaiḥ phalitaṃ ca tadgopabālānām |āsāṃ yatkucakumbhe nīlanicolāyate parambrahma || 2||
श्रुतिमपरे स्मृतिमपरे भारतमन्ये भजन्तु भवभीताः ।अहमपि नन्दं वन्दे यस्यालिन्दे परम्ब्रह्म ॥ ३॥
śrutimapare smṛtimapare bhāratamanye bhajantu bhavabhītāḥ |ahamapi nandaṃ vande yasyālinde parambrahma || 3||
किं कथयामः कस्मै कस्य मनः प्रत्ययमाधत्ते ।रमयति गोपवधूटीकुञ्जकुटीरे परम्व्रह्म ॥ ४॥
kiṃ kathayāmaḥ kasmai kasya manaḥ pratyayamādhatte |ramayati gopavadhūṭīkuñjakuṭīre paramvrahma || 4||
नीतन्नीतं नवनवनीतं केन च पीतं पयः क्व मे मुरली ।इति समुदीर्य लुठन्तं भूमौ बालं नमामि गोपालं सम्पूर्णम् ॥ ५॥
nītannītaṃ navanavanītaṃ kena ca pītaṃ payaḥ kva me muralī |iti samudīrya luṭhantaṃ bhūmau bālaṃ namāmi gopālaṃ sampūrṇam || 5||
पश्यत बलमबलानामनाविले हृद्बिले बबन्धुर्याः ।तनुदृष्टिपातरश्म्याऽऽकृष्टममूर्तं परम्ब्रह्म ॥ ६॥
paśyata balamabalānāmanāvile hṛdbile babandhuryāḥ |tanudṛṣṭipātaraśmyā''kṛṣṭamamūrtaṃ parambrahma || 6||
एतत्त्वामहमर्थयामि सततं रे चित्त चिन्तातुरमा चिन्तां कुरु चञ्चलेषु विषयेष्वागारदारादिषु ।गायन्तं यमुनातटद्रुमतले नीलाम्बुदश्यामलंगोपालं वनमालिनं कमलिनं नन्दात्मजं चिन्तय ॥ ७॥
etattvāmahamarthayāmi satataṃ re citta cintāturamā cintāṃ kuru cañcaleṣu viṣayeṣvāgāradārādiṣu |gāyantaṃ yamunātaṭadrumatale nīlāmbudaśyāmalaṃgopālaṃ vanamālinaṃ kamalinaṃ nandātmajaṃ cintaya || 7||
ध्यानाभ्यासवशीकृतेन मनसा तन्निर्गुणं निष्क्रियंज्योतिः किञ्चन योगिनो यदि परं पश्यन्ति पश्यन्तु ते ।अस्माकं तु तदेव लोचनचमत्काराय भूयाच्चिरंकालिन्दीपुलिनेषु तत्किमपि यन्नीलं तमो धावति ॥ ८॥
dhyānābhyāsavaśīkṛtena manasā tannirguṇaṃ niṣkriyaṃjyotiḥ kiñcana yogino yadi paraṃ paśyanti paśyantu te |asmākaṃ tu tadeva locanacamatkārāya bhūyācciraṃkālindīpulineṣu tatkimapi yannīlaṃ tamo dhāvati || 8||
इति श्रीकृष्णलीलास्तुतिः समाप्ता ।
iti śrīkṛṣṇalīlāstutiḥ samāptā |
॥ इति कृष्णलीलास्तुतिः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shrikrishnalilastutih?
Shrikrishnalilastutih has 9 verses on this page, each shown with its number, Devanagari text and transliteration, and meaning where available.
Can I read Shrikrishnalilastutih in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shrikrishnalilastutih?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
