शारदादेवीस्तोत्रम् १ Shri Sharadadevi Stotram

(अथ श्रीमत्याः शारदादेव्याः स्तोत्रं प्रारभ्यते)प्रकृतिं परमामभयां वरदांनररूपधरां जनतापहराम् ।शरणागत सेवकतोषकरींप्रणमामि परां जननीं जगताम् ॥ १॥

(atha śrīmatyāḥ śāradādevyāḥ stotraṃ prārabhyate)prakṛtiṃ paramāmabhayāṃ varadāṃnararūpadharāṃ janatāpaharām |śaraṇāgata sevakatoṣakarīṃpraṇamāmi parāṃ jananīṃ jagatām || 1||

गुणहीनसुतानपराधयुतान्कृपयाऽद्य समुद्धर मोहगतान् ।तरणीं भवसागरपारकरींप्रणमामि परां जननीं जगताम् ॥ २॥

guṇahīnasutānaparādhayutānkṛpayā'dya samuddhara mohagatān |taraṇīṃ bhavasāgarapārakarīṃpraṇamāmi parāṃ jananīṃ jagatām || 2||

विषयं कुसुमं परिहृत्य सदाचरणाम्बुरुहामृत शान्तिसुधाम् ।पिब भृङ्गमनो भवरोगहरांप्रणमामि परां जननीं जगताम् ॥ ३॥

viṣayaṃ kusumaṃ parihṛtya sadācaraṇāmburuhāmṛta śāntisudhām |piba bhṛṅgamano bhavarogaharāṃpraṇamāmi parāṃ jananīṃ jagatām || 3||

कृपां कुरु महादेवि सुतेषु प्रणतेषु च ।चरणाश्रय दानेन कृपामयि नमोऽस्तुते ॥ ४॥

kṛpāṃ kuru mahādevi suteṣu praṇateṣu ca |caraṇāśraya dānena kṛpāmayi namo'stute || 4||

लज्जापटावृते नित्यं शारदे ज्ञानदायिके ।पापेभ्यो नः सदा रक्ष कृपामयि नमोऽस्तुते ॥ ५॥

lajjāpaṭāvṛte nityaṃ śārade jñānadāyike |pāpebhyo naḥ sadā rakṣa kṛpāmayi namo'stute || 5||

रामकृष्णगत प्राणां तन्नामश्रवणप्रियाम् ।तद्भावरञ्जिताकारां प्रणमामि मुहुर्मुहुः ॥ ६॥

rāmakṛṣṇagata prāṇāṃ tannāmaśravaṇapriyām |tadbhāvarañjitākārāṃ praṇamāmi muhurmuhuḥ || 6||

पवित्रं चरितं यस्याः पवित्रं जीवनं तथापवित्रता स्वरूपिण्यै तस्यै कुर्मो नमो नमः ॥ ७॥

pavitraṃ caritaṃ yasyāḥ pavitraṃ jīvanaṃ tathāpavitratā svarūpiṇyai tasyai kurmo namo namaḥ || 7||

देवीं प्रसन्नां प्रणतार्तिहन्त्रीं, योगीन्द्रपूज्यां युगधर्मपात्रीम् ।तां शारदां भक्तिविज्ञानदात्रीं, दयास्वरूपां प्रणमामि नित्यम् ॥ ८॥

devīṃ prasannāṃ praṇatārtihantrīṃ, yogīndrapūjyāṃ yugadharmapātrīm |tāṃ śāradāṃ bhaktivijñānadātrīṃ, dayāsvarūpāṃ praṇamāmi nityam || 8||

स्नेहेन बध्नासि मनोऽस्मदीयं, दोषानशेषान् सगुणी करोषि ।अहेतुना नो दयसे सदोषान्, स्वाङ्के गृहीत्वा यदिदं विचित्रम् ॥ ९॥

snehena badhnāsi mano'smadīyaṃ, doṣānaśeṣān saguṇī karoṣi |ahetunā no dayase sadoṣān, svāṅke gṛhītvā yadidaṃ vicitram || 9||

प्रसीद मातर्विनयेन याचे, नित्यं भव स्नेहवती सुतेषु ।प्रेमैकबिन्दुं चिरदग्धचित्ते, विषिञ्च चित्तं कुरु नः सुशान्तम् ॥ १०॥

prasīda mātarvinayena yāce, nityaṃ bhava snehavatī suteṣu |premaikabinduṃ ciradagdhacitte, viṣiñca cittaṃ kuru naḥ suśāntam || 10||

जननीं शारदां देवीं रामकृष्णं जगद्गुरुम् ।पादपद्मे तयोः श्रित्वा प्रणमामि मुहुर्मुहुः ॥ ११॥

jananīṃ śāradāṃ devīṃ rāmakṛṣṇaṃ jagadgurum |pādapadme tayoḥ śritvā praṇamāmi muhurmuhuḥ || 11||

इति श्रीमत् अभेदानन्दस्वामिनाविरचितंश्रीमत्याः शारदादेव्याः स्तोत्रम् सम्पूर्णम् ।

iti śrīmat abhedānandasvāmināviracitaṃśrīmatyāḥ śāradādevyāḥ stotram sampūrṇam |