भार्गवीभार्गवक्षेत्रस्तुतिः Bhargavibhargava Kshetra Stuti

भार्गवीबाहुदायोगे भार्गवं क्षेत्रमुत्तमम् ।वरीवर्ति क्षितौ यत्र तत्रेश्वरगदाधरौ ॥ १॥

bhārgavībāhudāyoge bhārgavaṃ kṣetramuttamam |varīvarti kṣitau yatra tatreśvaragadādharau || 1||

परिपिपालयिषुर्जगतः स्थितिं महति यत्र तु शेषधरे स्थितिम् ।हरिरजो व्यकरोत्तत आहृता सरिदसौ भृगुणाप्यघभीहृता ॥ २॥

paripipālayiṣurjagataḥ sthitiṃ mahati yatra tu śeṣadhare sthitim |harirajo vyakarottata āhṛtā saridasau bhṛguṇāpyaghabhīhṛtā || 2||

स्वमातृहत्याकलुषाश्रयाशदन्दह्यमानो भृगुनन्दनोऽभूत् ।रामः प्रशान्तोलघयिष्यतात्र भुवो भरं तेन बलं लब्धम् ॥ ३॥

svamātṛhatyākaluṣāśrayāśadandahyamāno bhṛgunandano'bhūt |rāmaḥ praśāntolaghayiṣyatātra bhuvo bharaṃ tena balaṃ labdham || 3||

प्रविष्टमात्रस्य नरस्य तीर्थं दन्दह्यमानानि महान्त्यघानि ।प्रयान्ति नाशं जगतीह वन्द्यं श्रीभार्गवक्षेत्रमिहानवद्यम् ॥ ४॥

praviṣṭamātrasya narasya tīrthaṃ dandahyamānāni mahāntyaghāni |prayānti nāśaṃ jagatīha vandyaṃ śrībhārgavakṣetramihānavadyam || 4||

इति श्रीवासुदेवानन्दसरस्वतीविरचिता भार्गवीभार्गवक्षेत्रस्तुतिः समाप्ता ।

iti śrīvāsudevānandasarasvatīviracitā bhārgavībhārgavakṣetrastutiḥ samāptā |