भारतविजयस्तोत्रम् Bharatavijayastotram

मङ्गल्योल्लासलीलः करटमदनदीस्नानपानप्रमत्तश्चञ्चद्भिश्चञ्चरीकैः कलितकलकलः स्वस्तिपुण्याह्वघोषैः ।दोर्दण्डैरस्त्रशस्त्रप्रहरणपटुभिर्ज्वालमालाजटालैःप्रत्यूहव्यूहहन्ता जनयतु विजयं कुञ्जरग्रामणीर्नः ॥ १॥

maṅgalyollāsalīlaḥ karaṭamadanadīsnānapānapramattaścañcadbhiścañcarīkaiḥ kalitakalakalaḥ svastipuṇyāhvaghoṣaiḥ |dordaṇḍairastraśastrapraharaṇapaṭubhirjvālamālājaṭālaiḥpratyūhavyūhahantā janayatu vijayaṃ kuñjaragrāmaṇīrnaḥ || 1||

दिव्यैस्तेजोभिरिद्धा प्रबलभुजवनोत्तालकीलायुधाढ्यासिंहस्कन्धाधिरूढा विपुलबलवलद्वाहिनीव्यूहभीमा ।गर्जातर्जाः सृजन्ती महिषमरिचमूं मथ्नती रिष्टिवृष्ट्यातुष्टा स्वेष्टा विशिष्टा घटयतु घटनाश्चण्डिका नः प्रचण्डा ॥ २॥

divyaistejobhiriddhā prabalabhujavanottālakīlāyudhāḍhyāsiṃhaskandhādhirūḍhā vipulabalavaladvāhinīvyūhabhīmā |garjātarjāḥ sṛjantī mahiṣamaricamūṃ mathnatī riṣṭivṛṣṭyātuṣṭā sveṣṭā viśiṣṭā ghaṭayatu ghaṭanāścaṇḍikā naḥ pracaṇḍā || 2||

सङ्कल्पानल्पलीलाक्षणगणजनितानन्तसृष्टिप्रवाहःसर्वज्ञः सर्वशिक्तः श्रुतनुतमहिमा मेदुरश्रीमनोज्ञः ।लोकग्रासप्रसक्त प्रलयघनघटाटोपघोरान् मयादीन्धुन्वन् ध्वस्तान् धिनोतु ध्वनितजयरवैधूर्धरो धूर्जटीनः ॥ ३॥

saṅkalpānalpalīlākṣaṇagaṇajanitānantasṛṣṭipravāhaḥsarvajñaḥ sarvaśiktaḥ śrutanutamahimā meduraśrīmanojñaḥ |lokagrāsaprasakta pralayaghanaghaṭāṭopaghorān mayādīndhunvan dhvastān dhinotu dhvanitajayaravaidhūrdharo dhūrjaṭīnaḥ || 3||

लोकालोकाग्रजाग्रन्मद मुदिरमहाचण्डशौण्डोग्रदण्डःप्रोद्दण्डो दानवेन्द्रो विजितवसुमतीवैभवः स्वर्णशय्यः ।यत्तीव्राघातरूक्षाक्षतखरनखरैर्दीर्घनिद्रां सहेलंप्राप्तः सोऽव्याजभव्यः कलयतु कुशलं भारतस्याद्यसिंहः ॥ ४॥

lokālokāgrajāgranmada mudiramahācaṇḍaśauṇḍogradaṇḍaḥproddaṇḍo dānavendro vijitavasumatīvaibhavaḥ svarṇaśayyaḥ |yattīvrāghātarūkṣākṣatakharanakharairdīrghanidrāṃ sahelaṃprāptaḥ so'vyājabhavyaḥ kalayatu kuśalaṃ bhāratasyādyasiṃhaḥ || 4||

सर्वां सृष्टिं समस्ताञ् जनगणनिकरान् व्यश्नुवानं समन्ताद्ध्वान्त व्यात्तास्यघोरं मलिनितजगतीजालमुद्यन् विभिन्दन् ।तीव्रै जाग्रत्प्रवेगैर्ज्वलनकणगणोद्गगुणगर्वेरखवैरुस्रैरश्रान्तनेमिर्दिशतु विजयिनीं सुश्रियं श्रीरविर्नः ॥ ५॥

sarvāṃ sṛṣṭiṃ samastāñ janagaṇanikarān vyaśnuvānaṃ samantāddhvānta vyāttāsyaghoraṃ malinitajagatījālamudyan vibhindan |tīvrai jāgratpravegairjvalanakaṇagaṇodgaguṇagarverakhavairusrairaśrāntanemirdiśatu vijayinīṃ suśriyaṃ śrīravirnaḥ || 5||

श्रीमन् भूताधिनाथप्रमथगणपते सर्वशक्ते पुरारेसर्वोत्तुङ्गे हिमाद्रे सुरुचिरशिखरे वैजयन्ती जयन्ती ।प्रोच्चैरुड्डीयमाना चिरतरमहिमा भारतीया लसन्तींप्राग्वद् दोधूयमाना विहरतु गगने विश्वववन्द्याभिनन्द्या ॥ ६॥

śrīman bhūtādhināthapramathagaṇapate sarvaśakte purāresarvottuṅge himādre suruciraśikhare vaijayantī jayantī |proccairuḍḍīyamānā cirataramahimā bhāratīyā lasantīṃprāgvad dodhūyamānā viharatu gagane viśvavavandyābhinandyā || 6||

वेदाः शास्त्राणि यागाः शुचिरुचिरुचिरा आश्रमा वर्णभागास्तीर्थान्यस्वप्नसौधा जनगणवितता संस्कृतिः सभ्यता च ।सम्पूर्णो धर्मराशिः प्रशमितविपुलापत्तिराष्ट्रं समग्रंवृद्धिः सिद्धिः समृद्धिः सकलसुरपतेऽक्षुण्णतां नीयतां नः ॥ ७॥

vedāḥ śāstrāṇi yāgāḥ śucirucirucirā āśramā varṇabhāgāstīrthānyasvapnasaudhā janagaṇavitatā saṃskṛtiḥ sabhyatā ca |sampūrṇo dharmarāśiḥ praśamitavipulāpattirāṣṭraṃ samagraṃvṛddhiḥ siddhiḥ samṛddhiḥ sakalasurapate'kṣuṇṇatāṃ nīyatāṃ naḥ || 7||

सर्वाधिष्ठानभूमन् भरतभुवनिमां व्योमयानैरसङ्ख्यैःशस्त्रास्त्रैर्नैकभेदैरतुलितविभवैर्घोरसामर्थ्यसार्थैः ।दुर्धर्षा दुर्विभेद्या कलितनव नवोत्साहपर्णाभ्युदीर्णासङ्ख्यातीताप्रतूर्ण जयतु खलबलं वाहिनी भारतीया ॥ ८॥

sarvādhiṣṭhānabhūman bharatabhuvanimāṃ vyomayānairasaṅkhyaiḥśastrāstrairnaikabhedairatulitavibhavairghorasāmarthyasārthaiḥ |durdharṣā durvibhedyā kalitanava navotsāhaparṇābhyudīrṇāsaṅkhyātītāpratūrṇa jayatu khalabalaṃ vāhinī bhāratīyā || 8||

देशेऽस्मिन् द्राक् समस्ते विपुलजयरवो दुन्दुभिर्ध्वानधीरःयूनामुत्साहसिंहध्वनिभिरविरतं श्रूयतां श्रीनिवास ।किञ्चार्यावर्तभूमिर्निजविजयलसत् प्राज्यसौराज्यसिम्नांपूर्णाखण्डद्युतीनां प्रगुणितगरिमा स्यात् खनिर्वर्धितानाम् ॥ ९॥

deśe'smin drāk samaste vipulajayaravo dundubhirdhvānadhīraḥyūnāmutsāhasiṃhadhvanibhiravirataṃ śrūyatāṃ śrīnivāsa |kiñcāryāvartabhūmirnijavijayalasat prājyasaurājyasimnāṃpūrṇākhaṇḍadyutīnāṃ praguṇitagarimā syāt khanirvardhitānām || 9||

ध्वस्तानः शत्रवः स्युस्त्वरितमिहसुखाः सन्तु गावः समग्राःसर्वे नार्यो नराश्च प्रमथितविपुलापत्तयः सन्तवदीनाः ।भूमिः सस्याभ्युदीर्णा खलबलजयिनी वाहिनी नोऽस्त्वजय्याभयात् भूयो भवानीप्रभुरयमखिलानुग्रहे रक्षको नः ॥ १०॥

dhvastānaḥ śatravaḥ syustvaritamihasukhāḥ santu gāvaḥ samagrāḥsarve nāryo narāśca pramathitavipulāpattayaḥ santavadīnāḥ |bhūmiḥ sasyābhyudīrṇā khalabalajayinī vāhinī no'stvajayyābhayāt bhūyo bhavānīprabhurayamakhilānugrahe rakṣako naḥ || 10||

सर्वैर्नव्यैरसङ्ख्यैर्गुणगणभरितैः सज्जितानो युवानःसोत्साहाः सङ्घबद्धाः प्रबलरिपुचमूनाथलीलावदानाः ।सङ्ख्यातीताः पतन्तः करिनिकरदलत् सिंहविक्रान्तवीर्याःश्रीनाथानुग्रहात्ते विजयमलमरं मोदमाना लभन्ताम् ॥ ११॥

sarvairnavyairasaṅkhyairguṇagaṇabharitaiḥ sajjitāno yuvānaḥsotsāhāḥ saṅghabaddhāḥ prabalaripucamūnāthalīlāvadānāḥ |saṅkhyātītāḥ patantaḥ karinikaradalat siṃhavikrāntavīryāḥśrīnāthānugrahātte vijayamalamaraṃ modamānā labhantām || 11||

इति काशीपीठाधीश्वरजगद्गुरुशङ्कराचार्यस्वामिश्रीमहेश्वरानन्दसरस्वतीविरचितं१ भारतविजयस्तोत्रं समाप्तम् ।(१। २०१९ संवदि चीनाक्रमणावसरे वाराणसेयसंस्कृतविश्वविद्यालयोपकुलपतिश्रीसुरतिनारायणमणित्रिपाठिमहोदयैःप्रार्थनया स्तोत्रमिदं विरचितम् । न्यूनाधिकभावेन तत्राऽन्यत्रच संस्कतसंस्थानेषु प्रार्थनायां सुगृहीतमभवत् ।)

iti kāśīpīṭhādhīśvarajagadguruśaṅkarācāryasvāmiśrīmaheśvarānandasarasvatīviracitaṃ1 bhāratavijayastotraṃ samāptam |(1| 2019 saṃvadi cīnākramaṇāvasare vārāṇaseyasaṃskṛtaviśvavidyālayopakulapatiśrīsuratinārāyaṇamaṇitripāṭhimahodayaiḥprārthanayā stotramidaṃ viracitam | nyūnādhikabhāvena tatrā'nyatraca saṃskatasaṃsthāneṣu prārthanāyāṃ sugṛhītamabhavat |)