भ्रमराम्बाष्टकम् १ अथवा श्रीमातृस्तवः श्रीशैलभगवत्यष्टकम् Bhramarambashtakam Shrimatristavah Shrishailabhagavatyashtakam

चाञ्चल्यारुणलोचनाञ्चितकृपाचन्द्रार्कचूडामणिंचारुस्मेरमुखां चराचरजगत्संरक्षणीं तत्पदाम् ।चञ्च्चम्पकनासिकाग्रविलसन्मुक्तामणीरञ्जितांश्रीशैलस्थलवासिनीं भगवतीं श्रीमातरं भावये ॥ १॥

cāñcalyāruṇalocanāñcitakṛpācandrārkacūḍāmaṇiṃcārusmeramukhāṃ carācarajagatsaṃrakṣaṇīṃ tatpadām |cañccampakanāsikāgravilasanmuktāmaṇīrañjitāṃśrīśailasthalavāsinīṃ bhagavatīṃ śrīmātaraṃ bhāvaye || 1||

कस्तूरीतिलकाञ्चितेन्दुविलसत्प्रोद्भासिफालस्थलींकर्पूरद्रावमिक्षचूर्णखदिरामोदोल्लसद्वीटिकाम् ।लोलापाङ्गतरङ्गितैरधिकृपासारैर्नतानन्दिनींश्रीशैलस्थलवासिनीं भगवतीं श्रीमातरं भावये ॥ २॥

kastūrītilakāñcitenduvilasatprodbhāsiphālasthalīṃkarpūradrāvamikṣacūrṇakhadirāmodollasadvīṭikām |lolāpāṅgataraṅgitairadhikṛpāsārairnatānandinīṃśrīśailasthalavāsinīṃ bhagavatīṃ śrīmātaraṃ bhāvaye || 2||

राजन्मत्तमरालमन्दगमनां राजीवपत्रेक्षणांराजीवप्रभवादिदेवमकुटै राजत्पदाम्भोरुहाम् ।राजीवायतमन्दमण्डितकुचां राजाधिराजेश्वरींश्रीशैलस्थलवासिनीं भगवतीं श्रीमातरं भावये ॥ ३॥

rājanmattamarālamandagamanāṃ rājīvapatrekṣaṇāṃrājīvaprabhavādidevamakuṭai rājatpadāmbhoruhām |rājīvāyatamandamaṇḍitakucāṃ rājādhirājeśvarīṃśrīśailasthalavāsinīṃ bhagavatīṃ śrīmātaraṃ bhāvaye || 3||

षट्तारां गणदीपिकां शिवसतीं षड्वैरिवर्गापहांषट्चक्रान्तरसंस्थितां वरसुधां षड्योगिनीवेष्टिताम् ।षट्चक्राञ्चितपादुकाञ्चितपदां षड्भावगां षोडशींश्रीशैलस्थलवासिनीं भगवतीं श्रीमातरं भावये ॥ ४॥

ṣaṭtārāṃ gaṇadīpikāṃ śivasatīṃ ṣaḍvairivargāpahāṃṣaṭcakrāntarasaṃsthitāṃ varasudhāṃ ṣaḍyoginīveṣṭitām |ṣaṭcakrāñcitapādukāñcitapadāṃ ṣaḍbhāvagāṃ ṣoḍaśīṃśrīśailasthalavāsinīṃ bhagavatīṃ śrīmātaraṃ bhāvaye || 4||

श्रीनाथादृतपालितात्रिभुवनां श्रीचक्रसंचारिणींज्ञानासक्तमनोजयौवनलसद्गन्धर्वकन्यादृताम् ।दीनानामातिवेलभाग्यजननीं दिव्याम्बरालंकृतांश्रीशैलस्थलवासिनीं भगवतीं श्रीमातरं भावये ॥ ५॥

śrīnāthādṛtapālitātribhuvanāṃ śrīcakrasaṃcāriṇīṃjñānāsaktamanojayauvanalasadgandharvakanyādṛtām |dīnānāmātivelabhāgyajananīṃ divyāmbarālaṃkṛtāṃśrīśailasthalavāsinīṃ bhagavatīṃ śrīmātaraṃ bhāvaye || 5||

लावण्याधिकभूषिताङ्गलतिकां लाक्षालसद्रागिणींसेवायातसमस्तदेववनितां सीमन्तभूषान्विताम् ।भावोल्लासवशीकृतप्रियतमां भण्डासुरच्छेदिनींश्रीशैलस्थलवासिनीं भगवतीं श्रीमातरं भावये ॥ ६॥

lāvaṇyādhikabhūṣitāṅgalatikāṃ lākṣālasadrāgiṇīṃsevāyātasamastadevavanitāṃ sīmantabhūṣānvitām |bhāvollāsavaśīkṛtapriyatamāṃ bhaṇḍāsuracchedinīṃśrīśailasthalavāsinīṃ bhagavatīṃ śrīmātaraṃ bhāvaye || 6||

धन्यां सोमविभावनीयचरितां धाराधरश्यामलांमुन्याराधनमेधिनीं सुमवतां मुक्तिप्रदानव्रताम् ।कन्यापूजनपुप्रसन्नहृदयां काञ्चीलसन्मध्यमांश्रीशैलस्थलवासिनीं भगवतीं श्रीमातरं भावये ॥ ७॥

dhanyāṃ somavibhāvanīyacaritāṃ dhārādharaśyāmalāṃmunyārādhanamedhinīṃ sumavatāṃ muktipradānavratām |kanyāpūjanapuprasannahṛdayāṃ kāñcīlasanmadhyamāṃśrīśailasthalavāsinīṃ bhagavatīṃ śrīmātaraṃ bhāvaye || 7||

कर्पूरागरुकुङ्कुमाङ्कितकुचां कर्पूरवर्णस्थितांकृष्टोत्कृष्टसुकृष्टकर्मदहनां कामेश्वरीं कामिनीम् ।कामाक्षीं करुणारसार्द्रहृदयां कल्पान्तरस्थायिनींश्रीशैलस्थलवासिनीं भगवतीं श्रीमातरं भावये ॥ ८॥

karpūrāgarukuṅkumāṅkitakucāṃ karpūravarṇasthitāṃkṛṣṭotkṛṣṭasukṛṣṭakarmadahanāṃ kāmeśvarīṃ kāminīm |kāmākṣīṃ karuṇārasārdrahṛdayāṃ kalpāntarasthāyinīṃśrīśailasthalavāsinīṃ bhagavatīṃ śrīmātaraṃ bhāvaye || 8||

गायत्रीं गरुडध्वजां गगनगां गान्धर्वगानप्रियांगम्भीरां गजगामिनीं गिरिसुतां गन्धाक्षतालंकृताम् ।गङ्गागौत्मगर्गसंनुतपदां गां गौतमीं गोमतींश्रीशैलस्थलवासिनीं भगवतीं श्रीमातरं भावये ॥ ९॥

gāyatrīṃ garuḍadhvajāṃ gaganagāṃ gāndharvagānapriyāṃgambhīrāṃ gajagāminīṃ girisutāṃ gandhākṣatālaṃkṛtām |gaṅgāgautmagargasaṃnutapadāṃ gāṃ gautamīṃ gomatīṃśrīśailasthalavāsinīṃ bhagavatīṃ śrīmātaraṃ bhāvaye || 9||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छंकरभगवतः कृतौभ्रमराम्बाष्टकं सम्पूर्णम् ॥

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṃkarabhagavataḥ kṛtaubhramarāmbāṣṭakaṃ sampūrṇam ||