भर्गशिखास्तोत्रम् Bhargashikha Stotram

अपर्णा सुफला यज्ञा सभया निभया वहा ।भीमस्वना भर्गशिखा भास्वती भास्करा विभा ॥ १॥

aparṇā suphalā yajñā sabhayā nibhayā vahā |bhīmasvanā bhargaśikhā bhāsvatī bhāskarā vibhā || 1||

भीमेश्वरी च भेरुण्डा भगेशी भगसर्पिणी ।भगलिङ्गस्थिता भाग्या भाग्यदा भगमालिनी ॥ २॥

bhīmeśvarī ca bheruṇḍā bhageśī bhagasarpiṇī |bhagaliṅgasthitā bhāgyā bhāgyadā bhagamālinī || 2||

भर्गशिखे जगन्माता भर्गशिखे जगत्पिता ।भर्गशिखे जगद्धात्री भर्गशिखे नमो नमः ॥ ३॥

bhargaśikhe jaganmātā bhargaśikhe jagatpitā |bhargaśikhe jagaddhātrī bhargaśikhe namo namaḥ || 3||

चतुर्भुजे चतुर्वक्त्रा संस्तुते परमेश्वरी ।जयकृष्णे स्तुते देवि सर्वदुर्गतिनाशिनी ॥ ४॥

caturbhuje caturvaktrā saṃstute parameśvarī |jayakṛṣṇe stute devi sarvadurgatināśinī || 4||

सर्वबाधामहारोगाभूतबाधास्तथैव च ।जपमानेन नश्यन्ति जीवेच्च शरदा शतम् ॥ ५॥

sarvabādhāmahārogābhūtabādhāstathaiva ca |japamānena naśyanti jīvecca śaradā śatam || 5||

दारिद्र्यव्यसनध्वंसी श्रीमती देवी भर्गशिखा ।त्रैलोक्यवासिनामीड्ये लोकानां वरदा भव ॥ ६॥

dāridryavyasanadhvaṃsī śrīmatī devī bhargaśikhā |trailokyavāsināmīḍye lokānāṃ varadā bhava || 6||

अनाथस्य च दीनस्य जगत्तारणि भर्गशिखा ।शरणागत जीवानां सर्वदुःखविनाशिनी ॥ ७॥

anāthasya ca dīnasya jagattāraṇi bhargaśikhā |śaraṇāgata jīvānāṃ sarvaduḥkhavināśinī || 7||

सर्वसिद्धिमवाप्नोति सर्वत्र विजयी भवेत् ।भर्गस्तोत्रहृदयं पुण्यं भर्गशिखा विभूषितम् ॥ ८॥

sarvasiddhimavāpnoti sarvatra vijayī bhavet |bhargastotrahṛdayaṃ puṇyaṃ bhargaśikhā vibhūṣitam || 8||

इति भर्गशिखास्तोत्रं सम्पूर्णम् ।ंअर्तन्द् टिरथ् ट्रुस्त् अत् ंअत्तन्, ख़श्मिर्।

iti bhargaśikhāstotraṃ sampūrṇam |ṃartand ṭirath ṭrust at ṃattan, ख़śmir|