भारताम्बिकास्तुतिः Bharatambika Stutih

श्रीः ।अङ्गवङ्गसिन्धुराष्ट्रकूटकोटिसंयुतांदेवसिन्धुनर्मदादिसिन्धुसङ्घशोभिताम् ।शैलराजविन्ध्यसह्यशैलपङ्क्तिरक्षितांपुण्यभूमिमादरान्नमामि भारताम्बिकाम् ॥ १॥

śrīḥ |aṅgavaṅgasindhurāṣṭrakūṭakoṭisaṃyutāṃdevasindhunarmadādisindhusaṅghaśobhitām |śailarājavindhyasahyaśailapaṅktirakṣitāṃpuṇyabhūmimādarānnamāmi bhāratāmbikām || 1||

रामकृष्णरामदासबुद्धदेवमातरंविक्रमार्कभोजराजराजराजपालिताम् ।भासकालिदासभट्टिबाणभारविप्रसूंपुण्यभूमिमादरान्नमामि भारताम्बिकाम् ॥ २॥

rāmakṛṣṇarāmadāsabuddhadevamātaraṃvikramārkabhojarājarājarājapālitām |bhāsakālidāsabhaṭṭibāṇabhāraviprasūṃpuṇyabhūmimādarānnamāmi bhāratāmbikām || 2||

पश्चिमाब्धिदक्षिणाब्धिपूर्वसिन्धुसंवृतांकाशिकागयाप्रयागपत्तनाभिशोभिताम् ।पम्पयाभिरञ्जितां च चम्पया मनोहरांपुण्यभूमिमादरान्नमामि भारताम्बिकाम् ॥ ३॥

paścimābdhidakṣiṇābdhipūrvasindhusaṃvṛtāṃkāśikāgayāprayāgapattanābhiśobhitām |pampayābhirañjitāṃ ca campayā manoharāṃpuṇyabhūmimādarānnamāmi bhāratāmbikām || 3||

योगिवर्यशङ्करार्यधर्ममार्गदर्शिनींपूजनीयमालवीयगान्धिनेह्रुसेविताम् ।श्रीरवीन्द्रदिव्यकाव्यलब्धकीर्तिसन्ततिंपुण्यभूमिमादरान्नमामि भारताम्बिकाम् ॥ ४॥

yogivaryaśaṅkarāryadharmamārgadarśinīṃpūjanīyamālavīyagāndhinehrusevitām |śrīravīndradivyakāvyalabdhakīrtisantatiṃpuṇyabhūmimādarānnamāmi bhāratāmbikām || 4||

सत्यसत्त्वशालिनीं सुधर्ममार्गदर्शिनींभुक्तिमुक्तिदायिनीं विरक्तिबुद्धिवर्धिनीम् ।पापसङ्घनाशिनीं परात्परां पुरातनींपुण्यभूमिमादरान्नमामि भारताम्बिकाम् ॥ ५॥

satyasattvaśālinīṃ sudharmamārgadarśinīṃbhuktimuktidāyinīṃ viraktibuddhivardhinīm |pāpasaṅghanāśinīṃ parātparāṃ purātanīṃpuṇyabhūmimādarānnamāmi bhāratāmbikām || 5||

देवमन्दिराभिरञ्जितात्मतीर्थराजितांनिर्जितामरावतीपुरीविराजितश्रियम् ।सस्यवृद्धिकारिणीं प्रमोददुग्धवाहिनींपुण्यभूमिमादरान्नमामि भारताम्बिकाम् ॥ ६॥

devamandirābhirañjitātmatīrtharājitāṃnirjitāmarāvatīpurīvirājitaśriyam |sasyavṛddhikāriṇīṃ pramodadugdhavāhinīṃpuṇyabhūmimādarānnamāmi bhāratāmbikām || 6||

कोटिविंशतिद्वयस्वलोकशोकमर्दिनींकोटिमर्त्यजातिधर्मकर्ममर्मनिर्मितां !कालचक्रवर्तिनीं पुराणसंस्कृतिप्रभांपुण्यभूमिमादरान्नमामि भारताम्बिकाम् ॥ ७॥

koṭiviṃśatidvayasvalokaśokamardinīṃkoṭimartyajātidharmakarmamarmanirmitāṃ !kālacakravartinīṃ purāṇasaṃskṛtiprabhāṃpuṇyabhūmimādarānnamāmi bhāratāmbikām || 7||

पारतन्त्र्यमोचनक्रियानिबद्धकङ्कणैःस्वार्थहीनजीवितैः स्वजीविते गतस्पृहैः ॥राजनीतिपण्डितैस्तनूभवैस्सदा स्तुतांपुण्यभूमिमादरान्नमामि भारताम्बिकाम् ॥ ८॥

pāratantryamocanakriyānibaddhakaṅkaṇaiḥsvārthahīnajīvitaiḥ svajīvite gataspṛhaiḥ ||rājanītipaṇḍitaistanūbhavaissadā stutāṃpuṇyabhūmimādarānnamāmi bhāratāmbikām || 8||

धैर्यशौर्यसाहसादिशीलपङ्क्तिभूषितैर्देशभक्तसैनिकैः स्वतन्त्रमन्त्रदीक्षितैःराष्ट्रगीतगायने रतैस्सदा सुतैर्नुतांपुण्यभूमिमादरान्नमामि भारताम्बिकाम् ॥ ९॥

dhairyaśauryasāhasādiśīlapaṅktibhūṣitairdeśabhaktasainikaiḥ svatantramantradīkṣitaiḥrāṣṭragītagāyane rataissadā sutairnutāṃpuṇyabhūmimādarānnamāmi bhāratāmbikām || 9||

सौख्यदानि मङ्गलानि सर्वजीवराशिषुभारताम्बिका दयामयी सदा दिशत्वरम् ।दास्यबन्धमोचिता सुभाग्यचक्रवर्तिनीसत्वरं समेधतां प्रपञ्चराष्ट्रमण्डले ॥ १०॥

saukhyadāni maṅgalāni sarvajīvarāśiṣubhāratāmbikā dayāmayī sadā diśatvaram |dāsyabandhamocitā subhāgyacakravartinīsatvaraṃ samedhatāṃ prapañcarāṣṭramaṇḍale || 10||

भक्तिभावपूरितः पुनः पुनश्च मातरंवेदवृन्दकीर्तितां समुज्ज्वलां सदा नतः ।सन्ततं हि मङ्गलार्थमुन्नताभिलाषिणींस्तौमि मञ्जुलैर्वचोभिरीडितां सुरैरपि ॥ ११॥

bhaktibhāvapūritaḥ punaḥ punaśca mātaraṃvedavṛndakīrtitāṃ samujjvalāṃ sadā nataḥ |santataṃ hi maṅgalārthamunnatābhilāṣiṇīṃstaumi mañjulairvacobhirīḍitāṃ surairapi || 11||

ये पठन्ति भारताम्बिकास्तुतिं सदा नराभक्तिनम्रमौलयो मनोज्ञया गिरा नवाम् ।नव्यकीर्तिशोभितास्सुदिव्यकान्तिराजितास्तं भवन्ति मातृभक्तिपूर्णमानसा ध्रुवम् ॥ १२॥

ye paṭhanti bhāratāmbikāstutiṃ sadā narābhaktinamramaulayo manojñayā girā navām |navyakīrtiśobhitāssudivyakāntirājitāstaṃ bhavanti mātṛbhaktipūrṇamānasā dhruvam || 12||

इति भारताम्बिकास्तुतिः सम्पूर्णा ।॥ इति ॥

iti bhāratāmbikāstutiḥ sampūrṇā ||| iti ||