भगवतीस्तोत्रम् Bhagavatistotram

श्रीगणेशाय नमः ।नमामि त्वां मातर्द्रविणरहितोऽहं तव सुतोजगद्वन्द्यां स्वर्गे भुवि बलिगृहे चापि विदिताम् ।पृथिव्यां कल्याणी मम भयहरा त्वं न च परायतोऽहं यातस्त्वां भवगतभयात्साम्प्रतमुमे ॥ १॥

śrīgaṇeśāya namaḥ |namāmi tvāṃ mātardraviṇarahito'haṃ tava sutojagadvandyāṃ svarge bhuvi baligṛhe cāpi viditām |pṛthivyāṃ kalyāṇī mama bhayaharā tvaṃ na ca parāyato'haṃ yātastvāṃ bhavagatabhayātsāmpratamume || 1||

प्रसीदेशे नित्यं भगवति भवाम्भोधितरणेशरण्ये नास्त्यन्या विपदघहरा कापि जगति ।जडो मूर्खोऽहं ते जननि नहि जाने विलसित\मतोऽहं संयातस्तव पदपयोजे गिरिसुते ॥ २॥

prasīdeśe nityaṃ bhagavati bhavāmbhodhitaraṇeśaraṇye nāstyanyā vipadaghaharā kāpi jagati |jaḍo mūrkho'haṃ te janani nahi jāne vilasita\mato'haṃ saṃyātastava padapayoje girisute || 2||

अहो संसारेऽस्मिन् जननि तव तुल्या नहि पराखलं दुष्टं पुत्रं जगति जननी रक्षति निजम् ।परित्यक्त्वेदानीं सकलसुरवृन्दं गिरिसुतेनमामि त्वां देवीं भवभयहरां मङ्गलकराम् ॥ ३॥

aho saṃsāre'smin janani tava tulyā nahi parākhalaṃ duṣṭaṃ putraṃ jagati jananī rakṣati nijam |parityaktvedānīṃ sakalasuravṛndaṃ girisutenamāmi tvāṃ devīṃ bhavabhayaharāṃ maṅgalakarām || 3||

जगन्मातर्दुर्गे भवभयविभङ्गैकनिपुणेमया संसारेऽस्मिन् तव चरणपूजाऽपि न कृता ।न पुष्पाणां हारस्तव शिरसि शुभ्रोऽर्पित इतिक्षमस्वागो मातर्मम बहुविधं शैलतनये ॥ ४॥

jaganmātardurge bhavabhayavibhaṅgaikanipuṇemayā saṃsāre'smin tava caraṇapūjā'pi na kṛtā |na puṣpāṇāṃ hārastava śirasi śubhro'rpita itikṣamasvāgo mātarmama bahuvidhaṃ śailatanaye || 4||

धनाद्धीनं दीनं परिजनविहीनं बहुशुचंतथा शत्रुग्रस्तं विविधभययुक्तं जडमतिम् ।भवत्याः संयातं निकटमयि भूमीधरसुतेसमाश्वस्तं दृष्ट्या कुरु जगति कीर्त्या च विदितम् ॥ ५॥

dhanāddhīnaṃ dīnaṃ parijanavihīnaṃ bahuśucaṃtathā śatrugrastaṃ vividhabhayayuktaṃ jaḍamatim |bhavatyāḥ saṃyātaṃ nikaṭamayi bhūmīdharasutesamāśvastaṃ dṛṣṭyā kuru jagati kīrtyā ca viditam || 5||

त्वमेका संसारे जनिमदघनाशे प्रभुरहोत्वमेवैका मातर्भवभयलयाधाननिपुणा ।तवाशा मे शश्वज्जननि निजदुःखैकदलनेविहाय त्वां मातः कमिह ननु संयामि शरणम् ॥ ६॥

tvamekā saṃsāre janimadaghanāśe prabhurahotvamevaikā mātarbhavabhayalayādhānanipuṇā |tavāśā me śaśvajjanani nijaduḥkhaikadalanevihāya tvāṃ mātaḥ kamiha nanu saṃyāmi śaraṇam || 6||

तथा पूर्वे काले प्रबलतरवीर्यौ दितिसुतौप्रसिद्धौ सोदर्यौ भुविदिविगतौ भीषणतरौ ।निशुम्भः शुम्भश्च प्रविततमहामोहगहनौविनष्टौ त्वां प्राप्यामरवरनुते शम्भुदयिते ॥ ७॥

tathā pūrve kāle prabalataravīryau ditisutauprasiddhau sodaryau bhuvidivigatau bhīṣaṇatarau |niśumbhaḥ śumbhaśca pravitatamahāmohagahanauvinaṣṭau tvāṃ prāpyāmaravaranute śambhudayite || 7||

सुरास्त्वां संयाता हरिहरनुतां दैत्यदलिताःसुराणां रक्षायै असुरकुलनाशं कृतवती ।अहो मूर्तिर्धन्या सकलसुरसंसेव्यचरणात्वमेवैका मातर्जगति बहुरूपा विजयसे ॥ ८॥

surāstvāṃ saṃyātā hariharanutāṃ daityadalitāḥsurāṇāṃ rakṣāyai asurakulanāśaṃ kṛtavatī |aho mūrtirdhanyā sakalasurasaṃsevyacaraṇātvamevaikā mātarjagati bahurūpā vijayase || 8||

भगवत्या इदं स्तोत्रं योगानन्देन निर्मितम् ।यः पठेद्भक्तिभावेन फलमिष्टं लभेत् सः ॥ ९॥

bhagavatyā idaṃ stotraṃ yogānandena nirmitam |yaḥ paṭhedbhaktibhāvena phalamiṣṭaṃ labhet saḥ || 9||

इति योगानन्दविरचितं श्रीभगवतीस्तोत्रं सम्पूर्णम् ॥

iti yogānandaviracitaṃ śrībhagavatīstotraṃ sampūrṇam ||