त्रिपुरसुन्दरीपञ्चरत्नस्तोत्रम् अथवा पञ्चरत्नस्तवः Tripurasundari Pancharatnastotram

नीलालकां शशिमुखीं नवपल्लवोष्ठींचाम्पेयपुष्पसुषमोज्ज्वलदिव्यनासाम् ।पद्मेक्षणां मुकुरसुन्दरगण्डभागांत्वां साम्प्रतं त्रिपुरसुन्दरि! देवि! वन्दे ॥ १॥

nīlālakāṃ śaśimukhīṃ navapallavoṣṭhīṃcāmpeyapuṣpasuṣamojjvaladivyanāsām |padmekṣaṇāṃ mukurasundaragaṇḍabhāgāṃtvāṃ sāmprataṃ tripurasundari! devi! vande || 1||

श्रीकुन्दकुड्मलशिलोज्ज्वलदन्तवृन्दांमन्दस्मितद्युतितिराहितचारुवाणीम् ।नानामणिस्थगितहारसुचारुकण्ठींत्वां साम्प्रतं त्रिपुरसुन्दरि! देवि! वन्दे ॥ २॥

śrīkundakuḍmalaśilojjvaladantavṛndāṃmandasmitadyutitirāhitacāruvāṇīm |nānāmaṇisthagitahārasucārukaṇṭhīṃtvāṃ sāmprataṃ tripurasundari! devi! vande || 2||

पीनस्तनीं घनभुजां विपुलाब्जहस्तांभृङ्गावलीजितसुशोभितरोमराजिम् ।मत्तेभकुम्भकुचभारसुनम्रमद्।ह्ध्यांत्वां साम्प्रतं त्रिपुरसुन्दरि! देवि! वन्दे ॥ ३॥

pīnastanīṃ ghanabhujāṃ vipulābjahastāṃbhṛṅgāvalījitasuśobhitaromarājim |mattebhakumbhakucabhārasunamramad|hdhyāṃtvāṃ sāmprataṃ tripurasundari! devi! vande || 3||

रम्भोज्ज्वलोरुयुगलां मृगराजपत्रामिन्द्रादिदेवमकुटोज्ज्वलपादपद्माम् ।हेमाम्बरां करधृताञ्चितखड्गवल्लींत्वां साम्प्रतं त्रिपुरसुन्दरि! देवि! वन्दे ॥ ४॥

rambhojjvaloruyugalāṃ mṛgarājapatrāmindrādidevamakuṭojjvalapādapadmām |hemāmbarāṃ karadhṛtāñcitakhaḍgavallīṃtvāṃ sāmprataṃ tripurasundari! devi! vande || 4||

मत्तेभवक्त्रजननीं मृडदेहयुक्तांशैलाग्रमद्।ह्ध्यनिलयां वरसुन्दराङ्गीम् ।कोटीश्वराख्यहृदिसंस्थितपादपद्मांत्वां साम्प्रतं त्रिपुरसुन्दरि! देवि! वन्दे ॥ ५॥

mattebhavaktrajananīṃ mṛḍadehayuktāṃśailāgramad|hdhyanilayāṃ varasundarāṅgīm |koṭīśvarākhyahṛdisaṃsthitapādapadmāṃtvāṃ sāmprataṃ tripurasundari! devi! vande || 5||

बाले! त्वत्पादयुगलं ध्यात्वा संप्रति निर्मितम् ।नवीनं पञ्चरत्नं च धार्यतां चरणद्वये ॥ ६॥

bāle! tvatpādayugalaṃ dhyātvā saṃprati nirmitam |navīnaṃ pañcaratnaṃ ca dhāryatāṃ caraṇadvaye || 6||

इति श्रीत्रिपुरसुन्दरीपञ्चरत्नस्तोत्रं सम्पूर्णम् ।

iti śrītripurasundarīpañcaratnastotraṃ sampūrṇam |