त्रिपुरसुन्दरीपुष्पाञ्जलिस्तवः Tripurasundari Pushpanjali Shtavah

श्रीगणेशाय नमः ।कल्याणदात्रि कमनीयतनूलते त्वांकं चापि कालमनुचिन्त्य हृदाब्जमध्ये ।कामं प्रहर्षभरितेन मया तवाद्यपुष्पाञ्जलिश्चरणयोरयमम्ब कीर्णः ॥ १॥

śrīgaṇeśāya namaḥ |kalyāṇadātri kamanīyatanūlate tvāṃkaṃ cāpi kālamanucintya hṛdābjamadhye |kāmaṃ praharṣabharitena mayā tavādyapuṣpāñjaliścaraṇayorayamamba kīrṇaḥ || 1||

एतन्मदीयसुकृत्तं परमं पुराणंयत्त्वामहं प्रतिदिनं मनसा भजामि ।साक्षात्कृतेन तव रूपमनेन चाद्यपुष्पाञ्जलिश्चरणयोरयमम्ब कीर्णः ॥ २॥

etanmadīyasukṛttaṃ paramaṃ purāṇaṃyattvāmahaṃ pratidinaṃ manasā bhajāmi |sākṣātkṛtena tava rūpamanena cādyapuṣpāñjaliścaraṇayorayamamba kīrṇaḥ || 2||

ईशादिदेवमहनीयमहानुभावेदीनं त्विमं भवभयेन परिस्फुरन्तम् ।दीनार्तिहर्त्रि दयया परिपालयाशुपुष्पाञ्जलिश्चरणयोरयमम्ब कीर्णः ॥ ३॥

īśādidevamahanīyamahānubhāvedīnaṃ tvimaṃ bhavabhayena parisphurantam |dīnārtihartri dayayā paripālayāśupuṣpāñjaliścaraṇayorayamamba kīrṇaḥ || 3||

लज्जां विहाय बहुधा बहवोऽपि देवाःसम्पूजिता जडधिया नतु कोऽपि दृष्टः ।लब्धं तवैव रमणीयवपुर्दृशा मेपुष्पाञ्जलिश्चरणयोरयमम्ब कीर्णः ॥ ४॥

lajjāṃ vihāya bahudhā bahavo'pi devāḥsampūjitā jaḍadhiyā natu ko'pi dṛṣṭaḥ |labdhaṃ tavaiva ramaṇīyavapurdṛśā mepuṣpāñjaliścaraṇayorayamamba kīrṇaḥ || 4||

ह्रींकारमन्त्रनिलये बहुशो भवाब्धौमग्नः परं तु न कदापि गतोऽस्मि पारम् ।तत्तारणे निपुणयोस्त्रिपुरे मयाद्यपुष्पाञ्जलिश्चरणयोरयमम्ब कीर्णः ॥ ५॥

hrīṃkāramantranilaye bahuśo bhavābdhaumagnaḥ paraṃ tu na kadāpi gato'smi pāram |tattāraṇe nipuṇayostripure mayādyapuṣpāñjaliścaraṇayorayamamba kīrṇaḥ || 5||

हस्तेषु पाशमहनीयसितेक्षुचापेपुष्पास्त्रमङ्कुशवरं ललितं दधाने ।हेमाद्रितुङ्गतरशृङ्गनिवासशीलेपुष्पाञ्जलिश्चरणयोरयमम्ब कीर्णः ॥ ६॥

hasteṣu pāśamahanīyasitekṣucāpepuṣpāstramaṅkuśavaraṃ lalitaṃ dadhāne |hemādrituṅgataraśṛṅganivāsaśīlepuṣpāñjaliścaraṇayorayamamba kīrṇaḥ || 6||

सर्वेषु देवि समयेषु गतिस्त्वमेवनान्यं कदापि मनसा समनुस्मरामि ।सर्वत्र रूपमतुलं तव पश्यताद्यपुष्पाञ्जलिश्चरणयोरयमम्ब कीर्णः ॥ ७॥

sarveṣu devi samayeṣu gatistvamevanānyaṃ kadāpi manasā samanusmarāmi |sarvatra rūpamatulaṃ tava paśyatādyapuṣpāñjaliścaraṇayorayamamba kīrṇaḥ || 7||

कस्ते पुरेशि विधिवत्तु समर्हणायांशक्तः समस्तपरिवर्हयुतोऽपि धीमान् ।हृत्पङ्कजेन भवतीं भजता मयाद्यपुष्पाञ्जलिश्चरणयोरयमम्ब कीर्णः ॥ ८॥

kaste pureśi vidhivattu samarhaṇāyāṃśaktaḥ samastaparivarhayuto'pi dhīmān |hṛtpaṅkajena bhavatīṃ bhajatā mayādyapuṣpāñjaliścaraṇayorayamamba kīrṇaḥ || 8||

हन्तातिस्थभवपावकशोषितेनकुत्राप्यलब्धशरणेन सरोजवक्त्रे ।अन्ते मयात्रभवतीं शरणं गतेनपुष्पाञ्जलिश्चरणयोरयमम्ब कीर्णः ॥ ९॥

hantātisthabhavapāvakaśoṣitenakutrāpyalabdhaśaraṇena sarojavaktre |ante mayātrabhavatīṃ śaraṇaṃ gatenapuṣpāñjaliścaraṇayorayamamba kīrṇaḥ || 9||

लक्ष्यासि देवि बहुजन्मतपोबलेनलक्ष्मीशधातृपरिपूज्यपदास्तुजाते ।आलक्ष्य रूपमरुणं तव विस्मितेनपुष्पाञ्जलिश्चरणयोरयमम्ब कीर्णः ॥ १०॥

lakṣyāsi devi bahujanmatapobalenalakṣmīśadhātṛparipūjyapadāstujāte |ālakṣya rūpamaruṇaṃ tava vismitenapuṣpāñjaliścaraṇayorayamamba kīrṇaḥ || 10||

ह्रीङ्कारमेव शरणं जगतां वदन्तिह्रीङ्कारमेव परमं भुवने रहस्यम् ।ह्रीङ्कारमेव सततं स्मरता मयाद्यपुष्पाञ्जलिश्चरणयोरयमम्ब कीर्णः ॥ ११॥

hrīṅkārameva śaraṇaṃ jagatāṃ vadantihrīṅkārameva paramaṃ bhuvane rahasyam |hrīṅkārameva satataṃ smaratā mayādyapuṣpāñjaliścaraṇayorayamamba kīrṇaḥ || 11||

सर्वस्य देवि भुवनस्य निदानभूतात्वय्येव सर्वमनघे विलयं गतं स्यात् ।सञ्चिन्त्य चैतदधुना त्रिपुरे मया तेपुष्पाञ्जलिश्चरणयोरमम्ब कीर्णः ॥ १२॥

sarvasya devi bhuvanasya nidānabhūtātvayyeva sarvamanaghe vilayaṃ gataṃ syāt |sañcintya caitadadhunā tripure mayā tepuṣpāñjaliścaraṇayoramamba kīrṇaḥ || 12||

कश्चिद्यदा भवनिहन्त्रि विचिन्तयेत्त्वांदीनं तदैव हि कटाक्षयसे दृशा त्वम् ।एवं विचिन्त्य भवतीं स्मरता मयाद्ययुष्पाञ्जलिश्चरणयोरमम्ब कीर्णः ॥ १३॥

kaścidyadā bhavanihantri vicintayettvāṃdīnaṃ tadaiva hi kaṭākṣayase dṛśā tvam |evaṃ vicintya bhavatīṃ smaratā mayādyayuṣpāñjaliścaraṇayoramamba kīrṇaḥ || 13||

लब्ध्वा त्वदीयचरणान्धुजमम्बजन्तुर्नावर्तते पुनरपि प्रभवाय लोके ।वेदोक्तिमेवमसकृत्स्मरता मयाद्यपुष्पालिश्चरणयोरयमम्ब कीर्णः ॥ १४॥

labdhvā tvadīyacaraṇāndhujamambajanturnāvartate punarapi prabhavāya loke |vedoktimevamasakṛtsmaratā mayādyapuṣpāliścaraṇayorayamamba kīrṇaḥ || 14||

ह्रीङ्कारमेव जपतां प्रतिवासरं चह्रीङ्कारमेव भजतां सकलेष्टसिद्ध्यै ।ह्रीङ्कारमेव परमं शरणं गतेनपुष्पाञ्जलिश्चरणयोरयमप्य कीर्णः ॥ १५॥

hrīṅkārameva japatāṃ prativāsaraṃ cahrīṅkārameva bhajatāṃ sakaleṣṭasiddhyai |hrīṅkārameva paramaṃ śaraṇaṃ gatenapuṣpāñjaliścaraṇayorayamapya kīrṇaḥ || 15||

श्रीङ्कारमन्त्रकनकाब्जनिवासशीलेश्रीरूपधारिणि शिवो श्रितकल्पवल्लि ।श्रीमद्गुहस्तुतमहाविभवे पुरेशिपुष्पाञ्जलिश्चरणयोरयमम्ब कीर्णः ॥ १६॥

śrīṅkāramantrakanakābjanivāsaśīleśrīrūpadhāriṇi śivo śritakalpavalli |śrīmadguhastutamahāvibhave pureśipuṣpāñjaliścaraṇayorayamamba kīrṇaḥ || 16||

इति श्रीत्रिपुरसुन्दरीपुष्पाञ्जलिस्तवः सम्पूर्णः ॥

iti śrītripurasundarīpuṣpāñjalistavaḥ sampūrṇaḥ ||