त्रिपुरसुन्दरीवेदसारस्तवः Tripurasundari Vedasara Stavah

श्रीगणेशाय नमः ।कस्तूरीपङ्कभास्वद्गलचलदमलस्थूलमुक्तावलीकाज्योत्स्नाशुद्धावदाता शशिशिशुमुकुटालङ्कृता ब्रह्मपत्नी ।साहित्याम्भोजभृङ्गी कविकुलविनुता सात्त्विकीं वाग्विभूतिंदेयान्मे शुभवस्त्रा करचलवलया वल्लकीं वादयन्ती ॥ १॥

śrīgaṇeśāya namaḥ |kastūrīpaṅkabhāsvadgalacaladamalasthūlamuktāvalīkājyotsnāśuddhāvadātā śaśiśiśumukuṭālaṅkṛtā brahmapatnī |sāhityāmbhojabhṛṅgī kavikulavinutā sāttvikīṃ vāgvibhūtiṃdeyānme śubhavastrā karacalavalayā vallakīṃ vādayantī || 1||

एकान्ते योगिवृन्दैः प्रशमितकरणैः क्षुत्पिपासाविमुक्तैःसानन्दं ध्यानयोगाद्विसगुणसद्दशी दृश्यते चित्तमध्ये ।या देवी हंसरूपा भवभयहरणं साधकानां विधत्तेसा नित्यं नादरूपा त्रिभुवनजननी मोदमाविष्करोतु ॥ २॥

ekānte yogivṛndaiḥ praśamitakaraṇaiḥ kṣutpipāsāvimuktaiḥsānandaṃ dhyānayogādvisaguṇasaddaśī dṛśyate cittamadhye |yā devī haṃsarūpā bhavabhayaharaṇaṃ sādhakānāṃ vidhattesā nityaṃ nādarūpā tribhuvanajananī modamāviṣkarotu || 2||

ईक्षित्री सृष्टिकाले त्रिभुवनमथ या तत्क्षणेऽनुप्रविश्यस्थेमानं प्रापयन्ती निजगुणविभवैः सर्वथा व्याप्य विश्वम् ।संहर्त्री सर्वभासां विलयनसमये स्वात्मनि स्वप्रकाशासा देवी कर्मबन्धं मम भवकरणं नाश्यत्वादिशक्तिः ॥ ३॥

īkṣitrī sṛṣṭikāle tribhuvanamatha yā tatkṣaṇe'nupraviśyasthemānaṃ prāpayantī nijaguṇavibhavaiḥ sarvathā vyāpya viśvam |saṃhartrī sarvabhāsāṃ vilayanasamaye svātmani svaprakāśāsā devī karmabandhaṃ mama bhavakaraṇaṃ nāśyatvādiśaktiḥ || 3||

लक्ष्या या चक्रराजे नवपुरलसिते योगिनीवृन्दगुप्तेसौवर्णे शैलशृङ्गे सुरगणरचिते तत्त्वसोपानयुक्ते ।मन्त्रिण्या मेचकाङ्ग्या कुचभरनतया कोलमुख्या च सार्धंसाम्राज्ञी सा मदीया मदगजगमना दीर्घमायुस्तनोतु ॥ ४॥

lakṣyā yā cakrarāje navapuralasite yoginīvṛndaguptesauvarṇe śailaśṛṅge suragaṇaracite tattvasopānayukte |mantriṇyā mecakāṅgyā kucabharanatayā kolamukhyā ca sārdhaṃsāmrājñī sā madīyā madagajagamanā dīrghamāyustanotu || 4||

ह्रीङ्काराम्भोजभृङ्गी हयमुखविनुता हानिवृद्ध्यादिहीनाहंसोऽहंमन्त्रराज्ञी हरिहयवरदा हादिमन्त्रार्थरूपा ।हस्ते चिन्मुद्रिकाढ्या हतबहुदनुजा हस्तिकृत्तिप्रिया मेहार्दं शोकातिरेकं शमयतु ललिताघीश्वरी पाशहस्ता ॥ ५॥

hrīṅkārāmbhojabhṛṅgī hayamukhavinutā hānivṛddhyādihīnāhaṃso'haṃmantrarājñī harihayavaradā hādimantrārtharūpā |haste cinmudrikāḍhyā hatabahudanujā hastikṛttipriyā mehārdaṃ śokātirekaṃ śamayatu lalitāghīśvarī pāśahastā || 5||

हस्ते पङ्केरुहाभे सरससरसिजं बिभ्रती लोकमाताक्षीरोदन्वत्सुकन्या करिवरविनुता नित्यपुष्टाक्ष गेहा ।पद्माक्षी हेमवर्णा मुररिपुदयिता शेवधिः सम्पदां यासा मे दारिद्र्यदोषं दमयतु करुणादृष्टिपातैरजस्रम् ॥ ६॥

haste paṅkeruhābhe sarasasarasijaṃ bibhratī lokamātākṣīrodanvatsukanyā karivaravinutā nityapuṣṭākṣa gehā |padmākṣī hemavarṇā muraripudayitā śevadhiḥ sampadāṃ yāsā me dāridryadoṣaṃ damayatu karuṇādṛṣṭipātairajasram || 6||

सच्चिद्ब्रह्मस्वरूपां सकलगुणयुतां निर्गुणां निर्विकारांरागद्वेषादिहन्त्रीं रविशशिनयनां राज्यदानप्रवीणाम् ।चत्वारिंशत्त्रिकोणे चतुरधिकसमे चक्रराजे लसन्तींकामाक्षीं कामितानां वितरणचतुरां चेतसा भावयामि ॥ ७॥

saccidbrahmasvarūpāṃ sakalaguṇayutāṃ nirguṇāṃ nirvikārāṃrāgadveṣādihantrīṃ raviśaśinayanāṃ rājyadānapravīṇām |catvāriṃśattrikoṇe caturadhikasame cakrarāje lasantīṃkāmākṣīṃ kāmitānāṃ vitaraṇacaturāṃ cetasā bhāvayāmi || 7||

कन्दर्पे शान्तदर्पे त्रिनयननयनज्योतिषा देववृन्दैःसाशङ्कं साश्रुपातं सविनयकरुणं याचिता कामपत्न्या ।या देवी दृष्टिपातैः पुनरपि मदनं जीवयामास सद्यःसा नित्यं रोगशान्त्यै प्रभवतु ललिताधीश्वरी चित्प्रकाशा ॥ ८॥

kandarpe śāntadarpe trinayananayanajyotiṣā devavṛndaiḥsāśaṅkaṃ sāśrupātaṃ savinayakaruṇaṃ yācitā kāmapatnyā |yā devī dṛṣṭipātaiḥ punarapi madanaṃ jīvayāmāsa sadyaḥsā nityaṃ rogaśāntyai prabhavatu lalitādhīśvarī citprakāśā || 8||

हव्यैः कव्यैश्च सर्वैः श्रुतिचयविहितैः कर्मभिः कर्मशीलाध्यानाद्यैरष्टभिश्च प्रशमितकलुषा योगिनः पर्णभक्षाः ।यामेवानेकरूपां प्रतिदिनमवनौ संश्रयन्ते विधिज्ञाःसा मे मोहान्धकारं बहुभवजनितं नाशयत्वादिमाता ॥ ९॥

havyaiḥ kavyaiśca sarvaiḥ śruticayavihitaiḥ karmabhiḥ karmaśīlādhyānādyairaṣṭabhiśca praśamitakaluṣā yoginaḥ parṇabhakṣāḥ |yāmevānekarūpāṃ pratidinamavanau saṃśrayante vidhijñāḥsā me mohāndhakāraṃ bahubhavajanitaṃ nāśayatvādimātā || 9||

लक्ष्या मूलत्रिकोणे गुरुवरकरुणालेशतः कामपीठेयस्याः विश्वं समस्तं बहुतरविततं जायते कुण्डलिन्याः ।यस्याः शक्तिप्ररोहादविरलममृतं विन्दते योगिवृन्दंतां वन्दे नादरूपां प्रणवपदमयीं प्राणिनां प्राणदात्रीम् ॥ १०॥

lakṣyā mūlatrikoṇe guruvarakaruṇāleśataḥ kāmapīṭheyasyāḥ viśvaṃ samastaṃ bahutaravitataṃ jāyate kuṇḍalinyāḥ |yasyāḥ śaktiprarohādaviralamamṛtaṃ vindate yogivṛndaṃtāṃ vande nādarūpāṃ praṇavapadamayīṃ prāṇināṃ prāṇadātrīm || 10||

ह्रीङ्काराम्भोधिलक्ष्मीं हिमगिरितनयामीश्वरीमीश्वराणांह्रींमन्त्राराध्यदेवीं श्रुतिशतशिखरैर्मृग्यमाणां मृगाक्षीम् ।ह्रींमन्त्रान्तैस्त्रिकूटैः स्थिरतरमतिभिर्धार्यमाणां ज्वलन्तींह्रीं ह्रीं ह्रीमित्यजस्रं हृदयसरसिजे भावयेऽहं भवानीम् ॥ ११॥

hrīṅkārāmbhodhilakṣmīṃ himagiritanayāmīśvarīmīśvarāṇāṃhrīṃmantrārādhyadevīṃ śrutiśataśikharairmṛgyamāṇāṃ mṛgākṣīm |hrīṃmantrāntaistrikūṭaiḥ sthirataramatibhirdhāryamāṇāṃ jvalantīṃhrīṃ hrīṃ hrīmityajasraṃ hṛdayasarasije bhāvaye'haṃ bhavānīm || 11||

सर्वेषां ध्यानमात्रात्सवितुरुदरगा चोदयन्ती मनीषांसावित्री तत्पदार्था शशियुतमकुटा पञ्चशीर्षा त्रिनेत्राहस्ताग्रैः शङ्खचक्राद्यखिलजनपरित्राणदक्षायुधानांबिभ्राणा वृन्दमम्बा विशदयतु मतिं मामकीनां महेशी ॥ १२॥

sarveṣāṃ dhyānamātrātsaviturudaragā codayantī manīṣāṃsāvitrī tatpadārthā śaśiyutamakuṭā pañcaśīrṣā trinetrāhastāgraiḥ śaṅkhacakrādyakhilajanaparitrāṇadakṣāyudhānāṃbibhrāṇā vṛndamambā viśadayatu matiṃ māmakīnāṃ maheśī || 12||

कर्त्री लोकस्य लीलाविलसितविधिना कारयित्री क्रियाणांभर्त्री स्वानुप्रवेशाद्वियदनिलमुखैः पञ्चभूतैः स्वसृष्टैः ।हर्त्री स्वेनैव धाम्ना पुनरपि विलये कालरूपं दधानाहन्यादामूलमस्मत्कलुषभरमुमा भुक्तिमुक्तिप्रदात्री ॥ १३॥

kartrī lokasya līlāvilasitavidhinā kārayitrī kriyāṇāṃbhartrī svānupraveśādviyadanilamukhaiḥ pañcabhūtaiḥ svasṛṣṭaiḥ |hartrī svenaiva dhāmnā punarapi vilaye kālarūpaṃ dadhānāhanyādāmūlamasmatkaluṣabharamumā bhuktimuktipradātrī || 13||

लक्ष्या या पुण्यजालैर्गुरुवरचरणाम्भोजसेवाविशेषाद्दृश्या स्वान्ते सुधीभिर्दरदलितमहापद्मकोशेन तुल्ये ।लक्षं जस्वापि यस्या मनुवरमणिमासिद्धिमन्तो महान्तःसा नित्यं मामकीने हृदयसरसिजे वासमङ्गीकरोतु ॥ १४॥

lakṣyā yā puṇyajālairguruvaracaraṇāmbhojasevāviśeṣāddṛśyā svānte sudhībhirdaradalitamahāpadmakośena tulye |lakṣaṃ jasvāpi yasyā manuvaramaṇimāsiddhimanto mahāntaḥsā nityaṃ māmakīne hṛdayasarasije vāsamaṅgīkarotu || 14||

ह्रींश्रीर्मैंमन्त्ररूपा हरिहरविनुताऽगस्त्यपत्नीप्रदिष्टाहादिः काद्यर्णतत्त्वा सुरपतिवरदा कामराजप्रदिष्टा ।दुष्टानां दानवानां मदभरहरणा दुःखहन्त्री बुधानांसाम्राज्ञी चक्रराज्ञी प्रदिशतु कुशलं मह्यमोङ्काररूपा ॥ १५॥

hrīṃśrīrmaiṃmantrarūpā hariharavinutā'gastyapatnīpradiṣṭāhādiḥ kādyarṇatattvā surapativaradā kāmarājapradiṣṭā |duṣṭānāṃ dānavānāṃ madabharaharaṇā duḥkhahantrī budhānāṃsāmrājñī cakrarājñī pradiśatu kuśalaṃ mahyamoṅkārarūpā || 15||

श्रींमन्त्रार्थस्वरूपा श्रितजनदुरितध्वान्तहन्त्री शरण्याश्रौतस्मार्तक्रियाणामविकलफलदा भालनेत्रस्य दाराः ।श्रीचक्रान्तर्निषण्णा गुहवरजननी दुष्टहन्त्री वरेण्याश्रीमत्सिंहासनेशी प्रदिशतु विपुलां कीर्तिमानन्दरूपा ॥ १६॥

śrīṃmantrārthasvarūpā śritajanaduritadhvāntahantrī śaraṇyāśrautasmārtakriyāṇāmavikalaphaladā bhālanetrasya dārāḥ |śrīcakrāntarniṣaṇṇā guhavarajananī duṣṭahantrī vareṇyāśrīmatsiṃhāsaneśī pradiśatu vipulāṃ kīrtimānandarūpā || 16||

श्रीचक्रवरसाम्राज्ञी श्रीमत्त्रिपुरसुन्दरी ।श्रीगुहान्वयसौवर्णदीपिका दिशतु श्रियम् ॥ १७॥

śrīcakravarasāmrājñī śrīmattripurasundarī |śrīguhānvayasauvarṇadīpikā diśatu śriyam || 17||

इति श्रीमत्त्रिपुरसुन्दरीवेदसारस्तवः सम्पूर्णः ॥

iti śrīmattripurasundarīvedasārastavaḥ sampūrṇaḥ ||