नटराजाष्टकम् Nataraja Ashtakam

कुञ्चरचर्मकृताम्बरमम्बुरुहासनमाधवगेयगुणंशङ्करमन्तकमानहरं स्मरदाहकलोचनमेणधरम् ।साञ्जलियोगिपतञ्जलिसन्नुतमिन्दुकलाधरमब्जमुखंमञ्जुलशिञ्जितरञ्जितकुञ्चितवामपदं भज नृत्यपतिम् ॥ १॥

kuñcaracarmakṛtāmbaramamburuhāsanamādhavageyaguṇaṃśaṅkaramantakamānaharaṃ smaradāhakalocanameṇadharam |sāñjaliyogipatañjalisannutamindukalādharamabjamukhaṃmañjulaśiñjitarañjitakuñcitavāmapadaṃ bhaja nṛtyapatim || 1||

पिङ्गलतुङ्गजटावलिभासुरगङ्गममङ्गलनाशकरंपुङ्गववाहमुमाङ्गधरं रिपुभङ्गकरं सुरलोकनतम् ।भृङ्गविनीलगलं गणनाथसुतं भज मानस पापहरंमङ्गलदं वररङ्गपतिं भवसङ्गहरं धनराजसखम् ॥ २॥

piṅgalatuṅgajaṭāvalibhāsuragaṅgamamaṅgalanāśakaraṃpuṅgavavāhamumāṅgadharaṃ ripubhaṅgakaraṃ suralokanatam |bhṛṅgavinīlagalaṃ gaṇanāthasutaṃ bhaja mānasa pāpaharaṃmaṅgaladaṃ vararaṅgapatiṃ bhavasaṅgaharaṃ dhanarājasakham || 2||

पाणिनिसूत्रविनिर्मितिकारणपाणिलसड्डमरूत्थरवंमाधवनादितमर्दलनिर्गतनादलयोद्धृतवामपदम् ।सर्वजगत्प्रलयप्रभुवह्निविराजितपाणिमुमालसितंपन्नगभूषणमुन्नतसन्नुतमानम मानस साम्बशिवम् ॥ ३॥

pāṇinisūtravinirmitikāraṇapāṇilasaḍḍamarūttharavaṃmādhavanāditamardalanirgatanādalayoddhṛtavāmapadam |sarvajagatpralayaprabhuvahnivirājitapāṇimumālasitaṃpannagabhūṣaṇamunnatasannutamānama mānasa sāmbaśivam || 3||

चण्डगुणान्वितमण्डलखण्डनपण्डितमिन्दुकलाकलितंदण्डधरान्तकदण्डकरं वरताण्डवमण्डितहेमसभम् ।अण्डकराण्डजवाहसखं नम पाण्डवमध्यममोदकरंकुण्डलशोभितगण्डतलं मुनिवृन्दनुतं सकलाण्डधरम् ॥ ४॥

caṇḍaguṇānvitamaṇḍalakhaṇḍanapaṇḍitamindukalākalitaṃdaṇḍadharāntakadaṇḍakaraṃ varatāṇḍavamaṇḍitahemasabham |aṇḍakarāṇḍajavāhasakhaṃ nama pāṇḍavamadhyamamodakaraṃkuṇḍalaśobhitagaṇḍatalaṃ munivṛndanutaṃ sakalāṇḍadharam || 4||

व्याघ्रपदानतमुग्रतरासुरविग्रहमर्दिपदाम्बुरुहंशक्रमुखामरवर्गमनोहरनृत्यकरं श्रुतिनुत्यगुणम् ।व्यग्रतरङ्गितदेवधुनीधृतगर्वहरायतकेशचयंभार्गवरावणपूजितमीशमुमारमणं भज शूलधरम् ॥ ५॥

vyāghrapadānatamugratarāsuravigrahamardipadāmburuhaṃśakramukhāmaravargamanoharanṛtyakaraṃ śrutinutyaguṇam |vyagrataraṅgitadevadhunīdhṛtagarvaharāyatakeśacayaṃbhārgavarāvaṇapūjitamīśamumāramaṇaṃ bhaja śūladharam || 5||

आसुरशक्तिविनाशकरं बहुभासुरकायमनङ्गरिपुंभूसुरसेवितपादसरोरुहमीश्वमक्षरमुक्षधृतम् ।भास्करशीतकराक्षमनातुरमाश्वरविन्दपदं भज तंनश्वरसंसृतिमोहविनाशमहस्करदन्तनिपातकरम् ॥ ६॥

āsuraśaktivināśakaraṃ bahubhāsurakāyamanaṅgaripuṃbhūsurasevitapādasaroruhamīśvamakṣaramukṣadhṛtam |bhāskaraśītakarākṣamanāturamāśvaravindapadaṃ bhaja taṃnaśvarasaṃsṛtimohavināśamahaskaradantanipātakaram || 6||

भूतिकरं सितभूतिधरं गतनीतिहरं वरगीतिनुतंभक्तियुतोत्तममुक्तिकरं समशक्तियुतं शुभभुक्तिकरम् ।भद्रकरोत्तमनामयुतं श्रुतिसामनुतं नम सोमधरंस्तुत्यगुणं भज नित्यमगाधभवाम्बुधितारकनृत्यपतिम् ॥ ७॥

bhūtikaraṃ sitabhūtidharaṃ gatanītiharaṃ varagītinutaṃbhaktiyutottamamuktikaraṃ samaśaktiyutaṃ śubhabhuktikaram |bhadrakarottamanāmayutaṃ śrutisāmanutaṃ nama somadharaṃstutyaguṇaṃ bhaja nityamagādhabhavāmbudhitārakanṛtyapatim || 7||

शूलधरं भवजालहरं निटिलाग्निधरं जटिलं धवलंनीलगलोज्वलमङ्गलसद्गिरिराजसुतामृदुपाणितलम् ।शैलकुलाधिपमौलिनतं छलहीनमुपैमि कपालधरंकालविषाशमनन्तमिलानुतमद्भुतलास्यकरं गिरिशम् ॥ ८॥

śūladharaṃ bhavajālaharaṃ niṭilāgnidharaṃ jaṭilaṃ dhavalaṃnīlagalojvalamaṅgalasadgirirājasutāmṛdupāṇitalam |śailakulādhipamaulinataṃ chalahīnamupaimi kapāladharaṃkālaviṣāśamanantamilānutamadbhutalāsyakaraṃ giriśam || 8||

चित्तहरातुलनृत्तपतिप्रियवृत्तकृतोत्तमगीतिमिमांप्रातरुमापतिसन्निधिगो यदि गायति भक्तियुतो मनसि ।सर्वसुखं भुवि तस्य भवत्यमराधिपदुर्लभमत्यधिकंनास्ति पुनर्जनिरेति च धाम स शाम्भवमुत्तममोदकरम् ॥ ९॥

cittaharātulanṛttapatipriyavṛttakṛtottamagītimimāṃprātarumāpatisannidhigo yadi gāyati bhaktiyuto manasi |sarvasukhaṃ bhuvi tasya bhavatyamarādhipadurlabhamatyadhikaṃnāsti punarjanireti ca dhāma sa śāmbhavamuttamamodakaram || 9||

इति नटराजाष्टकं सम्पूर्णम् ।

iti naṭarājāṣṭakaṃ sampūrṇam |