शिवस्तवः नारायणकृतम् Narayanakritam Shiva Stava

तारकासुरसन्त्रासदावानलसमावृताः ।शिवनामसुधासारैः शीतलाः स्मः किलाधुना ॥ १॥

tārakāsurasantrāsadāvānalasamāvṛtāḥ |śivanāmasudhāsāraiḥ śītalāḥ smaḥ kilādhunā || 1||

कथ स्मृतो महादेवः संसाराग्निविनाशकः ।अकस्मादधुना दीनान् अस्मान् पालयितुं परम् ॥ २॥

katha smṛto mahādevaḥ saṃsārāgnivināśakaḥ |akasmādadhunā dīnān asmān pālayituṃ param || 2||

स कृपालुर्नीलकण्ठः सर्वकण्टकनाशकः ।करोति मङ्गलं नित्यं क्षणार्धेनापि वा स्मृतः ॥ ३॥

sa kṛpālurnīlakaṇṭhaḥ sarvakaṇṭakanāśakaḥ |karoti maṅgalaṃ nityaṃ kṣaṇārdhenāpi vā smṛtaḥ || 3||

प्रतिक्षणं महादेवचरणस्मरणादराः ।हाराः परमुदारास्ते न संसारभयातुरः ॥ ४॥

pratikṣaṇaṃ mahādevacaraṇasmaraṇādarāḥ |hārāḥ paramudārāste na saṃsārabhayāturaḥ || 4||

त एव धन्या मान्याश्च धरणीमण्डले मुहुः ।ये स्मरन्ति महादेवमुमाऽऽलिङ्गितविग्रहम् ॥ ५॥

ta eva dhanyā mānyāśca dharaṇīmaṇḍale muhuḥ |ye smaranti mahādevamumā''liṅgitavigraham || 5||

अहो महदिदं भाग्यं सौभाग्यनिधिरेव नः ।गौरीधवोऽधुना साधु धारारूपेण संस्मृतः ॥ ६॥

aho mahadidaṃ bhāgyaṃ saubhāgyanidhireva naḥ |gaurīdhavo'dhunā sādhu dhārārūpeṇa saṃsmṛtaḥ || 6||

महादेवपदाम्भोजभृङ्गमङ्गं सुमङ्गलम् ।तनूत्तमाङ्गमुत्तङ्गं मुहुः तत्प्रणतं मुदा ॥ ७॥

mahādevapadāmbhojabhṛṅgamaṅgaṃ sumaṅgalam |tanūttamāṅgamuttaṅgaṃ muhuḥ tatpraṇataṃ mudā || 7||

हरं परात्परतरं तं महानन्दसागरम् ।स्मृत्वा नत्वाऽपि दृष्ट्वा वा परमानन्दतां ययुः ॥ ८॥

haraṃ parātparataraṃ taṃ mahānandasāgaram |smṛtvā natvā'pi dṛṣṭvā vā paramānandatāṃ yayuḥ || 8||

ये ये कृतार्थास्ते सर्वे सर्वदा सर्वमिद्धिदम् ।शरण्यं शरणं प्राप्ताः प्राप्तैश्वर्यमहोत्सवाः ॥ ९॥

ye ye kṛtārthāste sarve sarvadā sarvamiddhidam |śaraṇyaṃ śaraṇaṃ prāptāḥ prāptaiśvaryamahotsavāḥ || 9||

यद्द्वारगाः तुङ्गतुरङ्गकोटयो यद्द्वारि मत्तेभसमूहकोटयः ।तद्द्वारपालाय नमो नमो नमः स शाङ्करद्वारविचारसागरः ॥ १०॥

yaddvāragāḥ tuṅgaturaṅgakoṭayo yaddvāri mattebhasamūhakoṭayaḥ |taddvārapālāya namo namo namaḥ sa śāṅkaradvāravicārasāgaraḥ || 10||

न शाम्भवानामशुभं कदाचित् ते शोभनानां सदनं सुखानाम् ।त एव धन्याः पृथिवीतलेऽस्मिन् मान्याः सुराणां च नरेश्वराणाम् ॥ ११॥

na śāmbhavānāmaśubhaṃ kadācit te śobhanānāṃ sadanaṃ sukhānām |ta eva dhanyāḥ pṛthivītale'smin mānyāḥ surāṇāṃ ca nareśvarāṇām || 11||

अस्माकं कृतपण्यसङ्घविभवेः अद्याधुना शङ्करेभक्तिः काचन सापि मेरुदसद्दृशं सूते धने निर्धनाः ।स्मृत्वां तं सकृदप्यपारधनभूसौभाग्यवन्तस्ततःसन्तः केऽपि किलान्तकान्तकल सत्पादाम्बुजाराधकाः ॥ १२॥

asmākaṃ kṛtapaṇyasaṅghavibhaveḥ adyādhunā śaṅkarebhaktiḥ kācana sāpi merudasaddṛśaṃ sūte dhane nirdhanāḥ |smṛtvāṃ taṃ sakṛdapyapāradhanabhūsaubhāgyavantastataḥsantaḥ ke'pi kilāntakāntakala satpādāmbujārādhakāḥ || 12||

सम्पूर्णकामं परमं प्रकामं निर्दग्धकामं गिरिजार्धवामम् ।धृतार्धसोमं समवामसोमं देवोत्तमं दैवतसार्वभौमम् ॥ १३॥

sampūrṇakāmaṃ paramaṃ prakāmaṃ nirdagdhakāmaṃ girijārdhavāmam |dhṛtārdhasomaṃ samavāmasomaṃ devottamaṃ daivatasārvabhaumam || 13||

कृतं किमपि यत्पुरा शिवपदाम्बुजाराधनंतदेतदधुना सुखं किमपि साधु सूते मुहुः ।इदे न सुरधेनुभिः न मणिनाऽपि कल्पद्रुमैःसुधानिधिनिमज्जनैः अपि तु केवलं ते नमः ॥ १४॥

kṛtaṃ kimapi yatpurā śivapadāmbujārādhanaṃtadetadadhunā sukhaṃ kimapi sādhu sūte muhuḥ |ide na suradhenubhiḥ na maṇinā'pi kalpadrumaiḥsudhānidhinimajjanaiḥ api tu kevalaṃ te namaḥ || 14||

॥ इति शिवरहस्यान्तर्गते नारायणकृतं शिवस्तवः सम्पूर्णः ॥॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः १२। १००११३ ॥

|| iti śivarahasyāntargate nārāyaṇakṛtaṃ śivastavaḥ sampūrṇaḥ |||| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 12| 100113 ||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः १२। १००-११३ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 12| 100-113 ||