नटराजस्तोत्रम् अथवा चिदम्बरनटनम् अथवा नटराजाष्टकम् Natarajastotram, Charana Shringarahita (Patanjali)

चिदम्बरनटननं च॥ अथचरणशृङ्गरहितनटराजस्तोत्रम् ॥सदञ्चित मुदञ्चित निकुञ्चित पदं झलझलञ्चलित मञ्जु कटकम्पतञ्जलि दृगञ्जन मनञ्जन मचञ्चलपदं जनन भञ्जन करम् ।कदम्बरुचिमम्बरवसं परममम्बुद कदम्ब कविडम्बकगलम् (कविडम्बनकरम्)चिदम्बुधि मणिं बुध हृदम्बुज रविं पर चिदम्बर नटं हृदि भज ॥ १॥

cidambaranaṭananaṃ ca|| athacaraṇaśṛṅgarahitanaṭarājastotram ||sadañcita mudañcita nikuñcita padaṃ jhalajhalañcalita mañju kaṭakampatañjali dṛgañjana manañjana macañcalapadaṃ janana bhañjana karam |kadambarucimambaravasaṃ paramamambuda kadamba kaviḍambakagalam (kaviḍambanakaram)cidambudhi maṇiṃ budha hṛdambuja raviṃ para cidambara naṭaṃ hṛdi bhaja || 1||

हरं त्रिपुर भञ्जनं अनन्तकृतकङ्कणं अखण्डदय मन्तरहितंविरिञ्चिसुरसंहतिपुरन्दर विचिन्तितपदं तरुणचन्द्रमकुटम् ।परं पद विखण्डितयमं भसित मण्डिततनुं मदनवञ्चन परंचिरन्तनममुं प्रणवसञ्चितनिधिं पर चिदम्बर नटं हृदि भज ॥ २॥

haraṃ tripura bhañjanaṃ anantakṛtakaṅkaṇaṃ akhaṇḍadaya mantarahitaṃviriñcisurasaṃhatipurandara vicintitapadaṃ taruṇacandramakuṭam |paraṃ pada vikhaṇḍitayamaṃ bhasita maṇḍitatanuṃ madanavañcana paraṃcirantanamamuṃ praṇavasañcitanidhiṃ para cidambara naṭaṃ hṛdi bhaja || 2||

अवन्तमखिलं जगदभङ्ग गुणतुङ्गममतं धृतविधुं सुरसरित्तरङ्ग निकुरम्ब धृति लम्पट जटं शमनदम्भसुहरं भवहरम् ।शिवं दशदिगन्तर विजृम्भितकरं करलसन्मृगशिशुं पशुपतिंहरं शशिधनञ्जयपतङ्गनयनं परचिदम्बर नटं हृदि भज ॥ ३॥

avantamakhilaṃ jagadabhaṅga guṇatuṅgamamataṃ dhṛtavidhuṃ surasarittaraṅga nikuramba dhṛti lampaṭa jaṭaṃ śamanadambhasuharaṃ bhavaharam |śivaṃ daśadigantara vijṛmbhitakaraṃ karalasanmṛgaśiśuṃ paśupatiṃharaṃ śaśidhanañjayapataṅganayanaṃ paracidambara naṭaṃ hṛdi bhaja || 3||

अनन्तनवरत्नविलसत्कटककिङ्किणिझलं झलझलं झलरवंमुकुन्दविधि हस्तगतमद्दल लयध्वनिधिमिद्धिमित नर्तन पदम् ।शकुन्तरथ बर्हिरथ नन्दिमुख शृङ्गिरिटिभृङ्गिगणसङ्घनिकटम्सनन्दसनक प्रमुख वन्दित पदं परचिदम्बर नटं हृदि भज ॥ ४॥

anantanavaratnavilasatkaṭakakiṅkiṇijhalaṃ jhalajhalaṃ jhalaravaṃmukundavidhi hastagatamaddala layadhvanidhimiddhimita nartana padam |śakuntaratha barhiratha nandimukha śṛṅgiriṭibhṛṅgigaṇasaṅghanikaṭamsanandasanaka pramukha vandita padaṃ paracidambara naṭaṃ hṛdi bhaja || 4||

अनन्तमहसं त्रिदशवन्द्य चरणं मुनि हृदन्तर वसन्तममलम्कबन्ध वियदिन्द्ववनि गन्धवह वह्निमख बन्धुरविमञ्जु वपुषम् ।अनन्तविभवं त्रिजगदन्तर मणिं त्रिनयनं त्रिपुर खण्डन परम्सनन्द मुनि वन्दित पदं सकरुणं पर चिदम्बर नटं हृदि भज ॥ ५॥

anantamahasaṃ tridaśavandya caraṇaṃ muni hṛdantara vasantamamalamkabandha viyadindvavani gandhavaha vahnimakha bandhuravimañju vapuṣam |anantavibhavaṃ trijagadantara maṇiṃ trinayanaṃ tripura khaṇḍana paramsananda muni vandita padaṃ sakaruṇaṃ para cidambara naṭaṃ hṛdi bhaja || 5||

अचिन्त्यमलिवृन्द रुचि बन्धुरगलं कुरित कुन्द निकुरम्ब धवलम्मुकुन्द सुर वृन्द बल हन्तृ कृत वन्दन लसन्तमहिकुण्डल धरम् ।अकम्पमनुकम्पित रतिं सुजन मङ्गलनिधिं गजहरं पशुपतिम्धनञ्जय नुतं प्रणत रञ्जनपरं पर चिदम्बर नटं हृदि भज ॥ ६॥

acintyamalivṛnda ruci bandhuragalaṃ kurita kunda nikuramba dhavalammukunda sura vṛnda bala hantṛ kṛta vandana lasantamahikuṇḍala dharam |akampamanukampita ratiṃ sujana maṅgalanidhiṃ gajaharaṃ paśupatimdhanañjaya nutaṃ praṇata rañjanaparaṃ para cidambara naṭaṃ hṛdi bhaja || 6||

परं सुरवरं पुरहरं पशुपतिं जनित दन्तिमुख षण्मुखममुंमृडं कनक पिङ्गल जटं सनकपङ्कज रविं सुमनसं हिमरुचिम् ।असङ्गमनसं जलधि जन्मगरलं कवलयन्त मतुलं गुणनिधिम्सनन्द वरदं शमितमिन्दु वदनं पर चिदम्बर नटं हृदि भज ॥ ७॥

paraṃ suravaraṃ puraharaṃ paśupatiṃ janita dantimukha ṣaṇmukhamamuṃmṛḍaṃ kanaka piṅgala jaṭaṃ sanakapaṅkaja raviṃ sumanasaṃ himarucim |asaṅgamanasaṃ jaladhi janmagaralaṃ kavalayanta matulaṃ guṇanidhimsananda varadaṃ śamitamindu vadanaṃ para cidambara naṭaṃ hṛdi bhaja || 7||

अजं क्षितिरथं भुजगपुङ्गवगुणं कनक शृङ्गि धनुषं करलसत्कुरङ्ग पृथु टङ्क परशुं रुचिर कुङ्कुम रुचिं डमरुकं च दधतम् ।मुकुन्द विशिखं नमदवन्द्य फलदं निगम वृन्द तुरगं निरुपमं (प्रणतवृन्दफलदं निगमतुङ्गतरङ्गं)सचण्डिकममुं झटिति संहृतपुरं परचिदम्बर नटं हृदि भज ॥ ८॥

ajaṃ kṣitirathaṃ bhujagapuṅgavaguṇaṃ kanaka śṛṅgi dhanuṣaṃ karalasatkuraṅga pṛthu ṭaṅka paraśuṃ rucira kuṅkuma ruciṃ ḍamarukaṃ ca dadhatam |mukunda viśikhaṃ namadavandya phaladaṃ nigama vṛnda turagaṃ nirupamaṃ (praṇatavṛndaphaladaṃ nigamatuṅgataraṅgaṃ)sacaṇḍikamamuṃ jhaṭiti saṃhṛtapuraṃ paracidambara naṭaṃ hṛdi bhaja || 8||

अनङ्गपरिपन्थिनमजं क्षिति धुरन्धरमलं करुणयन्तमखिलंज्वलन्तमनलं दधतमन्तकरिपुं सततमिन्द्रमुखवन्दितपदम् ।उदञ्चदरविन्दकुल बन्धुशत बिम्बरुचि संहति सुगन्धि वपुषंपतञ्जलिनुतं प्रणवपञ्जर शुकंपर चिदम्बर नटं हृदि भज ॥ ९॥

anaṅgaparipanthinamajaṃ kṣiti dhurandharamalaṃ karuṇayantamakhilaṃjvalantamanalaṃ dadhatamantakaripuṃ satatamindramukhavanditapadam |udañcadaravindakula bandhuśata bimbaruci saṃhati sugandhi vapuṣaṃpatañjalinutaṃ praṇavapañjara śukaṃpara cidambara naṭaṃ hṛdi bhaja || 9||

इति स्तवममुं भुजगपुङ्गव कृतं प्रतिदिनं पठति यः कृतमुखःसदः प्रभुपद द्वितयदर्शनपदं सुललितं चरण शृङ्ग रहितम् ।सरःप्रभव सम्भव हरित्पति हरिप्रमुख दिव्यनुत शङ्करपदंस गच्छति परं न तु जनुर्जलनिधिं परमदुःखजनकं दुरितदम् ॥ १०॥

iti stavamamuṃ bhujagapuṅgava kṛtaṃ pratidinaṃ paṭhati yaḥ kṛtamukhaḥsadaḥ prabhupada dvitayadarśanapadaṃ sulalitaṃ caraṇa śṛṅga rahitam |saraḥprabhava sambhava haritpati haripramukha divyanuta śaṅkarapadaṃsa gacchati paraṃ na tu janurjalanidhiṃ paramaduḥkhajanakaṃ duritadam || 10||

॥ इति श्रीपतञ्जलिमुनिप्रणीतं चरणशृङ्गरहित नटराजस्तोत्रं सम्पूर्णम् ॥

|| iti śrīpatañjalimunipraṇītaṃ caraṇaśṛṅgarahita naṭarājastotraṃ sampūrṇam ||